இந்திய அரசு இலங்கை அதிபர் ராஜபக்சேவுக்குத் துணை போகலாமா?தமிழர்கள் மறக்க - மன்னிக்க மாட்டார்கள்!

இந்திய அரசு ராஜபக்சேவுக்குத் துணை
தமிழர்கள் மறக்க - மன்னிக்க மாட்டார்கள்

மத்திய அரசுக்கு
தமிழர் தலைவர் எச்சரிக்கை

இந்திய அரசு இலங்கை அதிபர் ராஜபக்சேவுக்குத் துணை போகலாமா?

அதனைத் தமிழர்கள் மறக்கமாட்டார்கள். மன்னிக்க மாட்டார்கள் என்றார் திராவிடர் கழக தலைவர் தமிழர் தலைவர் கி.வீரமணி அவர்கள்.

சென்னை சைதை தேரடியில் நேற்று (7.6.2009) இரவு ஈழத் தமிழர் வாழ்வுரிமை மீட்பு இயக்கப் பொதுக் கூட்டம் மிகச் சிறப்பாக எழுச்சியுடன் நடைபெற்றது. ஆயிரக்கணக்கில் பொதுமக்கள் திரண்டிருந்தனர்.

பல்வேறு கட்சித் தலைவர்கள் பங்கேற்ற இப்பொதுக்கூட்டத்தில் திராவிடர் கழக தலைவர் தமிழர் தலைவர் கி.வீரமணி அவர்கள் ஆற்றிய உரை வருமாறு:

ஈழத்தமிழர் பிரச்சினையை மக்களுக்கு விளக்க.....

நாங்கள் உருவாக்கிய ஈழத்தமிழர் வாழ்வுரிமை மீட்பு இயக்கத்தின் சார்பில் மக்களுக்கு உண் மைகளை எடுத்துச் சொல்லவேண்டும். மக்களுக்கு உண்மையான உணர்வுகளை உணர்த்த வேண்டும் என்பதற்காக சென்னையில் இந்த கூட்டத்தை ஏற்பாடு செய்து நடத்துகின்றோம். நாங்கள் அன்றாடம் மக்களை சந்திக்கக்கூடியவர்கள்; எனவே நாடு முழுக்க பல்வேறு பகுதி களில் ஈழத்தமிழர் பிரச்சினைகளை மக்களுக்குத் தொடர்ந்து எடுத்துச் சொல்லவிருக்கின் றோம்.

இனி ஒரே முழக்கம் - தமிழா இன உணர்வுகொள்

நமக்குத் தேவை ஒரே ஒரு முழக்கம்தான்! தமிழா இன உணர்வு கொள் என்ற அந்த முழக்கம் தான் எங்கும் இனிஎதிரொலிக்க வேண்டும். தமிழ்நாட்டில் ஒவ்வொரு வீட்டிலும் முழங்கவேண்டும். ஒவ்வொரு தமிழரிடையேயும் இந்த உணர்வு தான் முழங்க வேண்டும். தமிழன் இடையிலே இந்த உணர்வை மறந்தான். விளைவு? தன்னுடைய அடையாளத்தை மறந்தான். சரியான தமிழனை அடையாளம் காணத்தவறினான். துரோகிகளுக்குத் துணைபோய் தோள் கொடுத்து நின்றான். அக்கிரகாரத்து அதிசய மனிதர் என்று அழைக் கப்பட்ட வ.ரா ஒரு முறை சொன்னார். இராமாயணத்தில் விபீஷ்ண ஆழ்வார் போற்றப்பட்டான்.அண்ணனைக் காட்டி கொடுத்தவனுக்கு ஆழ்வார் பட்டம் சூட்டப்பட்ட இத்தகைய நாட்டில் சகோதரப் பாசம் எப்படி நிலவும் என்று கேட்டார்.

இழந்தது களங்களைத் தானே தவிர யுத்தங்களை அல்ல-

நம்முடைய தமிழினத்திற்குப் பாதுகாவலன் யார் என்று தெரியாத நிலையில் தமிழன் இருக்கிறான். மீண்டும் தமிழர்களுக்கு அந்த உணர்வை ஊட்ட வேண்டும்.
விடுதலைப் புலிகள் களங்களை இழந்திருக்கலாம் ஆனால் யுத்தத்தை அவர்கள் இழக்க வில்லை.

இங்கே சுப.வீரபாண்டியன் அவர்கள் பேசியதை முன்மொழிகின்றேன். சகோதரர் தொல். திருமாவளவன் பேசியதை அப்படியே வழி மொழிகின்றேன்.

பிரபாகரன்இருக்கிறார்

பிரபாகரன் இருக்கி றாரா? இல்லையா? என்பது பிரச்சினையல்ல. கடைசி தமிழனின் ஒரு சொட்டு ரத்தம் இருக்கின்ற வரையிலே, அந்த ரத்தத்தில் கடைசி அணு இருக்கின்ற வரையிலே பிரபாகரன் இருந்து கொண்டுதான் இருப்பார்.

இராமாயணத்தில் வாலிவதம் - மரத்திற்குப் பின்னாலே ஒளிந்து இருந்து இராமன் வாலி யைக் கொன்று வாலி வதம் செய்ததைப் போல இன்றைக்கு ஈழத்தமிழருடைய வாழ்வுரிமை யும் வதம் செய்யப்பட் டிருக்கிறது.

குற்றவாளிக் கூண்டில் ராஜபக்சே நிறுத்தப்படுவார்

எந்த நாட்டிலாவது இப்படி ஒரு காட்சியைக் காண முடியுமா? சொந்த நாட்டு மக்களை அந்த நாட்டில் அகதிகளாக வைத்திருக்கின்ற ஒரே நாடு இலங்கை தான். சொந்த நாட்டு மக்கள் மீதே குண்டு போட்டு அழித்தவர் தான் ராஜபக்சே.

இன்றில்லாவிட்டாலும் என்றாவது ஒரு நாள் ராஜபக்சே உலக நாட்டின் குற்றவாளிக் கூண் டிலே ஏற்றப்பட்டே தீருவார். இன்றைக்குப் பொது மக்களுக்குக்கே அந்த உணர்வு வந்து விட்டது.

இந்திய அரசை தமிழர்கள் மன்னிக்க மாட்டார்கள்

6 கோடி தமிழர்களுக்குப் பாதுகாப்பாக இருக்கக் கூடிய தமிழ்நாடு முதலமைச்சர் கலைஞர் அவர்கள் பிரதமருக்கு அவசரமாக ஒரு கடிதத்தை எழுதினார். உலக நாடுகள் அரங்கில் இந்தியா இலங்கைக்கு ஆதரவாகச் செயல்பட்டால் அது தமிழர்களுக்கு விரோதமான செயல் என்று எச்சரிப்பது போல உணர்த்தியிருக்கிறார்.

இந்திய அரசு இதை அலட்சியப்படுத்திவிட்டது. அதிகாரம் இன்றைக்கு இந்திய அரசுக்கு இருக் கின்றது என்ற காரணத்தால் அலட்சியப்படுத்தி விட்டார்கள். தமிழர்கள் இதை மறக்க மாட் டார்கள்.

நமக்கு எதிரிகள் யார்? என்பதை மக்கள் புரிந்து கொள்ள வேண்டும்

பிரபாகரன் தான் கொல்லப்பட்டு விட்டார் என்று அறிவித்த இலங்கை அரசே! ராஜபக்சேவே! பிரபாகரன் தான் இறந்துவிட்டார். விடுதலைப்புலிகளுடன் போர் முடிந்து விட்டது என்று அறிவித்தீர்களே? அதன் பின் பாதிக்கப் பட்ட மக்களுக்கு வாழ்வுரிமை மீட்புக்கு என்ன செய்தீர்கள்?

முள்வேலிக்குள் அடைத்திருக்கின்ற அப்பாவித் தமிழர்கள் அவரவர்களுடைய இருப்பிடத்திற்குச் செல்ல வேண்டாமா? அவர்களுடைய உறவினர்கள் இருக்கிறார்களா - இல்லையா? என்பது தெரிய வேண்டாமா? விசாரணை என்ற பெயரில் அவர்களை கொடுமைப்படுத்துகின்றீர்களே - பெண்களை பாலியல் வன்கொடுமைக்கு ஆளாக்கி வருகிறீர்களே? அங்குள்ள மக்களுக்கு உணவு, மருந்து, உடை இல்லை.
இந்தக் கொடுமை உலகம் கண்டும் காணாமல் இருக்கலாமா? மத்திய அரசு இதை வேடிக்கை பார்த்துக் கொண்டிருப்பதா? நாம் இதற்குத் துணை போனால் நம்முடைய கல்லறை மீது கண்ணீர் சிந்தமாட்டார்கள். காறித் தான் துப்புவார்கள் என்பதை மறந்து விடாதீர்கள்!
ஒரே நாளில் 25 ஆயிரம் தமிழர்கள் கொல்லப்பட்டிருக்கின்றார்கள். அய்.நா அமைப்பு இதைப் பற்றி இலங்கை அரசிடம் தட்டிக்கேட்காமல் வேடிக்கை பார்த்துக் கொண்டிருப்பதா?

இந்திய அரசு ராஜபச்சேவுக்குத் துணை போவதா?

இந்திய அரசு இன்னமும் ராஜபச்சேவுக்கு துணை போய்க் கொண்டிருப்பதா?
நானோ, தொல். திருமாவளவனோ, சுப. வீரபாண்டியனோ பேசினால் இந்திய இறை யாண்மைக்கு எதிராக இவர்கள் பேசலாமா? என்று கருதுவீர்களேயானால்? இந்தியாவி னுடைய இறையாண்மைக்கு ஆபத்து எங்களிடம் இல்லை. உங்களுக்கு ஆபத்தே இலங் கைக் காரனிடமிருந்து தான் வரப்போகிறது என்பதை மறந்துவிடா தீர்கள்!

முதலில் நம்மிடம் போர் நிறுத்தம் வேண்டும்

இலங்கைக்கு ஆதரவாக வீட்டோ அதிகாரத்தை பயன்படுத்துவோம் என்று சீனா சொல்லலாமா? இலங்கைக்கு ஆதரவாக பாகிஸ்தான் துணைநிற்கிறது. வெளி நாடுகள் இலங்கைக்கு நிதியுதவி செய்தால் அதன்மூலம் போரினால் ஏற்பட்ட இழப்பு இலங்கையின் காலியான கஜானா தான் நிரப்பப்படும். ஆகவே எந்த நாடும் இலங்கைக்கு நிதியுதவி அளிக் கக் கூடாது. உதவக் கூடாது!

தமிழ்நாட்டிலே ஈழப்பிரச்சினையில் இரண்டு அணிகள் இருந்தாலும் முதலில் நம்மிடையே போர் நிறுத்தம் வரவேண்டும். நீரும், பாலும் கலக்கலாம். பெட்ரோலும், பாலும் கலக்க முடியாது. தமிழர்கள் அனைவரும் ஓரணியில் திரள வேண்டும். நமக்குப் பொது எதிரி தமிழினப் படு கொலையை செய்த ராஜபக்சேதான். அதை திசை திருப்பிக் காட்டாதீர்கள்.
இவ்வாறு தமிழர் தலைவர் உரையாற்றினார்.

மலையேறிவிட்டார் ஜெயலலிதா!

தமிழ் ஈழத்தை மீட்போம் என்று சொன்ன ஜெயலலிதா அம்மையார் தேர்தலுக்காக ஒரு நாள் கூத்தாடினார். தேர்தலில் மக்களை ஏமாற்றி ஓட்டு வாங்க இப்படி ஒரு நாடகத்தை ஆடினார். மக்களுக்குத் தெளிவாகத் தெரியும். புலிகளையும் தெரியும்; புலி வேடதாரிகளையும் அடையாளம் காணத் தெரியும்.

அந்த அம்மையார் தேர்தலுக்கு பிறகு ஈழப்பிரச்சினையைப் பற்றி பேசமாட்டார். என்று அன்றைக்கே தேர்தல் நேரத்திலேயே சொன்னோம். அந்த அம்மையார் கொடநாடு எஸ்டேட்டிற்கு மலை ஏறிவிட்டார். ஈழவிடுதலை பற்றி அவர் சொன்னவைகளும் தேர்த லோடு மலையேறிவிட்டன. மலையேறியவர் இறங்கமாட்டார் (பலத்த கைதட்டல்).

அவரை நம்பியவர்களுக்கு போயஸ் தோட்டக் கதவு சாத்தப்பட்டதுதான் மிச்சம். அவர்களுக்கு போயஸ் தோட்டம் கதவே திறக்கவில்லை. போயஸ் கதவே திறக்காது என்கிற போது கொட நாடு கதவா திறக்கும்?

சென்னை சைதை பொதுக்கூட்டத்தில் தமிழர் தலைவர்



-------------------------"விடுதலை" 8-6-2009