கார்த்திகை தீபம்

சித்திரபுத்திரன் கேள்வி

பாலர் பாலுக்கழ, பட்டினியாற் பலர் மடிய,
எத்திசையோரும் இகழும்படி
வெண்ணெய்யும் நெய்யும் கொண்டு
கல்லிலும் நெருப்பிலும் கொட்டும்
கயமை தானே கார்த்திகை தீபம்?

நமது மதமும், தெய்வமும், உற்சவமும் முட்டாள்தனமான தென்றும், இவை நமது செல்வத்தைப் பாழாக்குகிறதென்றும், மக்களுக்கு யாதொரு பலனையுமளிக்கின்றதில்லை என்றும் சொல்லப்பட்டு வருவதோடு, நேர்முக உதாரணம் திருவண்ணாமலை, திருச்செங்கோடு முதலிய ஊர்களிலும் கார்த்திகை தீப உற்சவம் நடத்துவதும் கூம்பு என்கிற சொக்கப்பனை கொளுத் துவதுமாம். இந்த உற்சவத்தின் போது குடம்குடமாய், டின் டின்னாய், நெய்யையும் வெண்ணெய்யையும் கொண்டுபோய் நெருப்பில் கொட்டுவது முட்டாள்தனமும் ஆகும்.

இம்மாதிரி விழாக்களால் வீண் செலவு கொஞ்சமா? இதனால் செல்வமெல்லாம் பாழாவது போதாதா? பக்தர்களும், பார்ப்பனப் புரோகிதர்களும், தேசியப் பத்திரிகைகளும் என்ன சமாதானம் சொல்லப் போகின்றன?

--------------- 'சித்திரபுத்திரன்'என்ற புனைபெயரில் தந்தை பெரியார் எழுதியது - 'விடுதலை' 2.12.1962