இதுதான் அய்யப்பன் உண்மை கதை

அய்யோ அப்பா அய்யப்பா!

இத்தனை கடவுளும் தெய்வமும் போதாதென்று தமிழ் மக்கள் இப்பொழுது மலையாளத்தில் போய் ஒரு புது தெய்வத்தைக் கண்டுபிடித்துள்ளனர். அதுதான் அய்யப்பன் -சபரிமலையான்.

இந்த அய்யப்பன் யார்? இவன் சபரிமலைப் பகுதியில் இருந்துகொண்டு வழிப்பறி செய்து வாழ்ந்துவந்த கொள்ளைக்கூட்டத் தலைவன். அவன் வருவதைக் கண்டு மக்கள் அய்யோ! அப்பா என்று அலறியடித்துக் கொண்டு ஓடுவார்களாம். அதனால் அவனுக்குப் பெயரும் அய்யோப்பா என்றே ஆயிற்று. அது நாளடைவில் திரிந்து அய்யப்பா என்று ஆயிற்று. அவன் இறந்த பிறகு அவனை அம்மலையிலேயே புதைத்தனர். அவன் ஆட்கள். பின்னர் அவனுக்கு உருவச்சிலை வைத்தனர்.அவனுக்கு முன்னோடி யாயிருந்த கருப்பு என்பவனைப் பதினெட்டாம்படிக் கருப்பு எனவாக்கினர். இதுதான் அய்யப்பன் உண்மை கதை.

இதையறியாத மடமையில் மூழ்கியுள்ள தமிழர் பணத்தைப் பாழாக்குவதுடன் உடம்பையும் கெடுத்துக்கொண்டு சென்று பல இடர்ப்பாடுகட்கும் உள்ளாகியுள்ளனர். எத்தனையோ பக்தர் சென்ற பேருந்துகள் கவிழ்ந் துள்ளன. நடந்து மலையேறி ஏன் இவ்வளவு துன்பப் பட்டு, சாமியேய்! அய்யப்பா என்று கத்திக் கொண்டு, நீலவுடை, மஞ்சளுடையணிந்து மக்கள் செல்லும் மர்மம் என்ன?

முன்னர் தமிழ்நாட்டில் மது இல்லை, இப்போது கிடைக்கிறது. ஒருவேளை மாது வேண்டியிருக்குமோ? போகிறவர் பெரும்பான்மையும் இளைஞர்களே! என்பதால் இந்த அய்யம் இன்னும் சிலர் பேசிக் கொள்வது ஒருக்கால் உண்மையாக இருக்கலாமோ? அதாவது, கள்ளப்பணம் அச்சிடுவோர் அங்கு இருக்கிறார்களென்றும், அவர்களிடம் சிறு அளவு பணம் கொடுத்துப் பெரும்பணம் பெற்று வரலாமென்றும் போகிறார்களாம். இவற்றுள் எது உண்மையென்று தெரியவில்லை. ஆனால், அய்யப்பா பித்தர்கள் கடவுள் பக்தியலோ, தெய்வ பக்தியாலோ சபரிமலைக்குப் போக வில்லை என்பது மட்டும் உறுதி.

ஏனெனில் இங்கு சிவன் இருககிறான். சுப்பிர மணியன் அல்லது முருகன் இருக்கிறான்; நாய், பேய், வீரன், இருளன், காட்டேரி, காளி, கனிபேச்சி, பொரியாச்சி, காத்தவராயன், சங்கிலி கருப்பன், தூண்டிக் காரன், பார்வதி, இலக்குமி, சரசுவதி, மீனாட்சி, காமாட்சி, அபிராமி முதலிய எத்தனையோ வீராதி வீரச் சூராதி சூரக் கடவுள்களிருக்கும்போது அய்யப்பன் என்ன பெரியவனா? திருட்டுபயல் இந்த அய்யப்பன் எப்பெழுது உண்டானான்? கோயில் அண்மை யில் தான் பித்தரின் பணத்தால் கட்டப்பட்டதும் தெரியும்.

உண்மையான பக்தர்களானால் சபரிமலையில் வேலையேயில்லை - போகத் தேவையில்லை. செம்மறியாட்டக் கூட்டமாகிய தமிழர் என்றுதான் நல்லறிவு பெற்றுப் பகுத்தறிவுடன் வாழ்வார்களோ? அன்றுதான் இந்த நாடு உருப்படும். ஒழிக மூடமதியர்! அழிக அய்யப்பா பக்தர்! பரவுக பகுத்தறிவு! அய்யோ, அப்பா!

----------------தமிழ் முனை - 5-12-1972 - நன்றி: "விடுதலை" ஞாயிறுமலர் -3-1-2009