காஷ்மீர் எரிமலையில் அமர்ந்து பிடில் வாசிக்க ஆசைப்படும் பிஜேபி!

இந்தியத் துணைக் கண்டத்தின் தலை ஜம்மு - காஷ்மீர் மாநிலம்! அதன் பரப்பளவு 2,2,2,770 சதுர கிலோ மீட்டர்; இதில் பாகிஸ்தான் ஆளுமையின் கீழ் இருக்கும் ஆசாத் பகுதி 78,114 சதுர கிலோ மீட்டர் காஷ்மீர், ஜம்மு, லடாக் என்ற மூன்று பகுதிகள் கொண்ட அம்மாநிலத்தின் மக்கள் தொகை 60 லட்சம்.

காஷ்மீர் இந்தியத் துணைக் கண்டத் தோடு இணைக்கப்பட்டது என்பது எதிர்பாராத ஒரு விபத்தே!

77.11 சதவிகிதம் முஸ்லீம்கள், 20.12 சதவிகிதம் இந்துக்கள், 2.77 சதவிகிதம் சீக்கியர்களும், பவுத்தர்களும் வாழ்ந்தனர். இந்தியத் துணைக் கண்டத்துக்குச் சுதந் திரம் கிடைத்தபோதுகூட காஷ்மீர் இந்தியாவோடு இருந்ததில்லை. ஹரிசிங் என்ற இந்து மன்னனின் ஆளுகையின் கீழ்தான் இருந்தது.

பாகிஸ்தான் வல்லூறு வட்டமிட்டு இந்தப் பகுதியை அலக்காகத் தூக்கிக் கொண்டு போகலாம் என்று எத்தனித்த போது, இந்தியாவிடம் அபயம் தேடியவர் தான் இந்தச் சிற்றரசன்.

அதுதான் சரியான சந்தர்ப்பம் என்று அம்மன்னனிடம் சுதந்திர இந்தியா ஒப்பந்தம் ஒன்றைப் போட்டுக் கொண்டது. (26.1.0.1947) காஷ்மீர் சிங்கம் என்று கருதப் படும் ஷேக் அப்துல்லாவின் ஒப்புதலும் அதற்கு இருந்தது.

காஷ்மீரத்தின் பாதுகாப்பு, வெளிநாட்டு உறவு, தகவல் தொடர்பு இம்மூன்றும் மட்டுமே இந்திய அரசாங்கத்தின் கட்டுப் பாட்டில் இருக்கும். மீதி அதிகாரங்கள் அனைத்துமே காஷ்மீர் மாநில ஆட்சியின் வசம் அடங்கி இருக்கும் என்று அந்த ஒப்பந்தத்தில் இடம் பெற்றிருந்தது.

பாகிஸ்தான்  நாட்டோடு இந்தியா போர் நடத்திக் கொண்டு இருக்கும் போதே -காஷ்மீர்ப் பிரச்சினை அய்.நா.வுக்குக் கொண்டு செல்லப்பட்டது. 1949 சனவரி முதல் நாள் போர் நிறுத்த ஒப்பந்தம் செய்து கொள்ளப்பட்டது.

(1) போரை உடனடியாக நிறுத்துவது 2) ஜம்மு, காஷ்மீர் லடாக் பகுதியில் தனி நாடாக இயங்குவதா? இநதியாவுடன் இணைவதா? என்பதை  அய்.நா.வின் மேற்பார்வையில் மக்களிடையே பொது வாக்கெடுப்பு நடத்துவதுஎன்ற நிபந்தனை களை இந்திய அரசும், பாகிஸ்தான் அரசும் ஏற்றுக் கொண்டன.

1949 அக்டோபர் 17ஆம் நாள் இந்திய அரசமைப்புச் சட்டத்தில் 370ஆவது பகுதி இணைக்கப்பட்டு, காஷ்மீருக்கென்று சிறப்பு அந்தஸ்தும் உரிமைகளும் வழங்கப் பட்டன.

காஷ்மீர் முதல் அமைச்சர் பிரதமர் என்று அழைக்கப்படுவார்; அம்மாநிலத் துக்கென்று தனிக் கொடி உண்டு. பிற மாநிலத்தவர்கள் காஷ்மீரில் நிலம் வாங்க முடியாது என்பது போன்ற தனித் தன்மை யான உரிமைகள் அம்மாநிலத்திற்கு ஒப்பந்த ரீதியாகவே வழங்கப்பட்டன.

இந்திய மத்திய அரசின் அதிகாரத் திற்குட்பட்ட அம்சங்களிலும் மத்திய - மாநில அரசுகளுக்குட்பட்ட அதிகாரங் களிலும் நாடாளுமன்றத்தில் சட்டங்கள் இயற்றப்படும் பொழுது காஷ்மீர் மாநில அரசைக் கலந்து ஆலோசிக்க வேண்டும் என்று வலியுறுத்தப்பட்டது. 1952 ஜூலை 24ஆம் நாள் அன்று இதன் அடிப்படையில் மத்திய மாநில உறவினைபற்றி காஷ்மீர் முதல் அமைச்சர் ஷேக் அப்துல்லாவுக்கும் இந்தியப் பிரதமர் நேரு அவர்களுக்கு மிடையே ஓர் ஒப்பந்தம் நிறைவேற்றப் பட்டது.

இன்றைக்கு பி.ஜே.பி. தேர்தல் அறிக் கையில் இந்திய அரசமைப்புச் சட்டத்தில் 370ஆவது பிரிவு நீக்கப்பட வேண்டும் என்று கூறப்பட்டுள்ளதே - இந்தப் பிரச் சினையை அன்றைய இந்து அமைப்பான பிரஜா பரீஷத், அன்றைய ஜன சங்கமும் (இன்றைய பிஜேபி) எதிர்த்துக் குரல் கொடுத்ததுமட்டுமின்றி போராட்டமும் நடத்தின!

இந்துத்துவா அமைப்புகளின் அந்தச் செயல்பாடுகள் காஷ்மீர் முஸ்லிம்கள் மத்தியில் பெரும் சந்தேகத்தை ஏற்படுத் துவதற்குக் காரணமாக அமைந்தன. காஷ்மீர் சிங்கம் ஒன்று கர்ச்சிக்க ஆரம்பித்தது. ஷேக் அப்துல்லா தான் அவர்; அப்பொழுதே  வெளிப்படையாகக் கூறினார்.

எங்கள் தலைவிதியை நிர்ணயித் துக் கொள்ள எங்களுக்கு உரிமை இல் லையா? மதவெறி இப்படி இந்தியாவில் தலை தூக்குமேயானால் இந்தியா நம்மை விழுங்கி விடாது என்று எப்படி நாங்கள் காஷ்மீர் முஸ்லீம்களைச் சமாதானப்படுத்த முடியும்? என்று ஆவேசப் புயலாக வெடித்துக் கிளம்பினார். அவர் போக்கில் ஒரு புது வேகம் வெடித்துக் கிளம்ப ஆரம்பமாகி விட்டது. விளைவு, அவர் ஆட்சி கலைக்கப்பட்டதோடு அவரும் கைது செய்யப்பட்டார் (9.8.1953).

இந்த வரலாற்றைத் தெரிந்து கொண் டால்தான் இப்பொழுது பிஜேபியினர் தேர்தல் அறிக்கையில்  குறிப்பிட்டுள்ள இந்திய அரசமைப்புச் சட்டத்தின் 370ஆவது பிரிவை நீக்குவோம் என்பது எத்தகைய பாரதூர விளவுகளை ஏற் படுத்தும் என்பதைப் புரிந்து கொள்ள முடியும்.

அன்றைக்கு காஷ்மீர் சிங்கம் ஷேக் அப்துல்லா கொடுத்த குரலின் எதி ரொலியை அவரின் மகனான ஃபரூக் அப்துல்லாவின் குரலில் கேட்க முடிகிறதா இல்லையா?

ஜம்மு காஷ்மீர் தேசிய மாநாட் டுக்கட்சியின் தலைவரும், மத்திய அமைச்சருமாகிய ஃபரூக் அப்துல்லாஹ் கடந்த 27.4.2014 தேர்தல் பிரச்சாரத்தில் பேசும்போது, பாஜக பிரதமர் பதவிக்கான வேட்பாளர் மோடி தேர்தலில் வென்றால், காஷ்மீர் இந்தியாவின் அங்கமாக நீடித்து இருக்க முடியாது. வகுப்புவாதத்தை காஷ்மீர் மக்கள் ஆதரிக்க மாட்டார்கள் என்றார்.

மேலும், அது (மோடி அதிகாரத்துக்கு வருவது) நடந்துவிட்டால், காஷ்மீர் இந்தியாவின் ஒரு பகுதியாக நீடித்து இருக்காது. இதை பொதுப்படையாகவே கூறுகிறேன். வகுப்பு வாதியை காஷ்மீர் மக்கள் ஏற்கமாட்டார்கள். அப்படியே மோடிக்கு வாக்களித்தவர்கள் கடலில் தான்போய் விழவேண்டும் என்று ஃபரூக் அப்துல்லா குமுறி எழுந்தார். (ஏ.என்.அய். செய்தி, 27-4-2014)

ஏற்கெனவே காஷ்மீர்ப் பகுதி கொந்தளிக்கும் கடலாய் இருந்து வருகிறது. இந்திய இராணுவத்தின் ஒரு பகுதிக்கு காஷ்மீர்ப் பிரச்சினையை சமாளிப்பதற்கே போதும் போதும் என்றாகி விட்டது.

அந்த எரிமலையின்மீது பிடில் வாசிக்க ஆசைப்படுகிறது பிஜேபி. இப்பொழுதே பிரதமர் ஆகிவிட்டது போன்ற வெறியில் துள்ளிக் குதிக்க ஆரம்பித்து விட்டார் நரேந்திர மோடி.

மேற்கு வங்கத்திற்குத் தேர்தல் பரப்புரை செய்யச் சென்ற அவர், வங்காள தேசத்திலிருந்து இங்கே ஊடுருவியவர்கள் வெளியேறத் தயாராக இருக்க வேண்டும் என்று எச்சரித்துள்ளார்.

அதே நேரத்தில் வெளிநாடுகளில் வாழும் இந்துக்களுக்கு இடையூறு ஏற்படுமேயானால் அவர்களை அகதி களாக இரு கைகளை ஏந்தி வரவேற்போம் என்றெல்லாம்  தேர்தல் அறிக்கையில் குறிப்பிட்டு இருப்பது நாட்டை  நாளும் மதக்கலவரப் பூமியாக ஆக்குவதில் ஆர்வம் கொண்டுள்ளார்கள் என்பதையே பறைசாற்றும்.

மேற்கு வங்கம் சென்று கொக்கரித்த மோடிக்கு அம்மாநில முதலமைச்சர் மம்தா சரியான பதிலடி கொடுத்தார். பங்களா தேஷ் மக்களும், நாங்களும் ஒரு மொழி பேசக் கூடியவர்கள். இதில் குறுக்கே கோடு போட நீ யார்? என்ற வினாவை எழுப்பி யுள்ளார். மதமோதலா? மொழி மோதலா? என்ற கேள்வியும் எழுந்துள்ளது.

எந்த வகையில் பார்த்தாலும் மக்களைப் பிளவுபடுத்தி, ரத்தச் சேற்றை உண்டாக்கி தாமரையை மலர வைக்கலாம் என்று மனப்பால் குடிக்கிறது ஒரு மனு - மந்தாதா வழி வந்த ஒரு கும்பல்! அதனால்தான்....

நொபெல் அறிஞர் அமர்த்தியா சென் போன்றவர்கள் இந்தியப் பிரஸ் கவுன்சில் தலைவர் மார்க்கண்டேய கட்ஜ், சாகித்ய அகாடமி விருது பெற்ற எழுத்தாளர் ஆனந்தமூர்த்தி போன்ற நடுநிலை அறிஞர் பெருமக்கள் மோடி தலைமையில் மத்தியில் ஆட்சி அமைந்தால் அதனால் ஏற்படும் ஆபத்தினைச் சுட்டிக் காட்டி எச்சரித்தும் உள்ளார்கள்.

------------------------- கவிஞர் கலி. பூங்குன்றன்  அவர்கள் 3-5-2014 “விடுதலை” ஞாயிறுமலரில் எழுதிய கட்டுரை

Read more: http://viduthalai.in/page-1/79604.html#ixzz30eCtqyHv 03-05-2014