மருத்துவர் இராமதாசு அவர்களின் "வீர தீரப் பராக்கிரமம்"

மருத்துவரின் "வீர தீரப் பராக்கிரமம்"

"எது நடந்ததோ அது நன்றாகவே நடந்தது; எது நடக்கிறதோ அது நன்றாகவே நடக்கிறது; எது நடக்கவேண்டுமோ அது நன்றாகவே நடக்கும் என்ற வரிகளைச் சுட்டிக்காட்டிய பா.ம.க. நிறுவனர், தி.மு.க. தலைவரும், நடுவண் உள்துறை அமைச்சரும் கூட்டாக நடத்தி முடித்திருக்கும் இந்த உண்ணாநிலை நாடகம் இந்த வரிகளைத் தான் நினைவுபடுத்துகிறது" என்று கூறினார்.

காலை 6 மணிக்கு காலை உணவுக்குப் பிறகு உண்ணாநிலையை தொடங்கிய தி.மு.க. தலைவர், நண்பகல் உணவு நேரத்தின்போது உண்ணாநிலையை முடித்துக் கொண்டி ருக்கிறார். இலங்கையில் போருக்கான நடவடிக்கைகளை நிறுத்தி வைப்பது என்று இலங்கை அரசு முடிவு செய்திருக்கிறது என்ற மகிழ்ச்சியான செய்தி கிடைத்திருக்கிறது என்ற பொய்யான அறிவிப்பை வெளியிட்டு தனது உண்ணாநிலையை அவர் முடித்துக் கொண்டிருக்கிறார்.

-------------------"தமிழ்ஓசை", 28.4.2009, முதல் பக்கம்

85 வயதைக் கடந்த பெரிய அறுவை சிகிச்சை நடைபெற்று, முழு குணம் அடையாத நிலையில் ஈழத் தமிழர்களுக்காக காலவரையற்ற உண்ணா விரதத்தை மேற்கொண்ட ஒரு தலைவரைப்பற்றி இவ்வளவுக் கிண்டல்!

காலை உணவுக்குப் பின் வந்து நண்பகல் உணவு நேரத்தின்போது உண்ணா நிலையை முடித்துக் கொண்டுவிட்டாராம் முதலமைச்சர் கலைஞர்.

போராட்டம் நடத்துவதிலும், அதற்காகச் சிறைக் கொட்டடியில் உழல்வதிலும் அசகாய சூரர் மருத்துவர் இராமதாசுதான் இவ்வாறு கூறுகிறார்.

இவரது வீர தீர பராக்கிரமமான, போர்க் குணமும், சிறையேகும் தியாகத் தீபமும் எத்த கையது? எப்பொழுது நினைத்தாலும் உடம்பின் அணு ஒவ்வொன்றும் அப்படியே சிலிர்த்துப் போய்விடும் - போங்கள்!

மருத்துவரின் ஆருயிர் சகோதரி வாயிலாகவே அந்த வீர தீர பராக்கிரமத்தைப் பறைசாற்றுவோம்.

ராமதாசுக்குப் புரியும்படி சொல்லவேண்டுமென்றால், ஜெயலலிதா ஆட்சிக்காலத்தில் டாக்டர் ராமதாசு ஒருமுறை கைது செய்யப்பட்ட போது ஜெயலலிதா ஒரு அறிக்கை விடுத்தார். அந்த அறிக்கை வருமாறு:

ஒரு சில தலைவர்களுக்குக் கூட்டம் போடத் தெரியும். ஊர் வலம் நடத்தத் தெரியும். தொண் டர்களைத் தூண்டிவிட்டு வன்முறையிலே ஈடுபடச் செய்து, பொதுச் சொத்துகளுக்கு சேதம் விளைவிக்கவும் தெரியும். ஆனால், காவல்துறை சட்டப்பூர்வ நடவடிக்கை எடுக்க ஆரம்பித்துவிட்டால், அவர்கள் பேசிய வசனங்கள் காற்றில் பறந்தோடிவிடும். தொண்டர்களின் நினைவு மறந்துவிடும். சிறையின் சவுகரியங்களை சிறிதுநேரம்கூடத் தாங்கிக் கொள்ள முடியாமல், எப்படியாவது வெளியே வந்துவிடத் தோன்றும். அதற்குத் தயாராக இடுப்பு வலி, தலைவலி, திருகு வலி, நெஞ்சு வலி என்று இதுவரையில்லாத வலிகள் எல்லாம் திடீரென முளைத்துவிடும். டாக்டர் ராமதாசை கைது செய்து ரிமாண்டு செய்யும்பொழுது, அதை எப்படியும் தடுக்கவேண்டுமென்ற எண்ணத்தில் திடீரென இடுப்பு வலி, நெஞ்சு வலி என்று மருத்துவ மனைக்குக் கொண்டு செல்ல ஏற்பாடு செய்தார். அங்கு மருத்துவப் பரிசோதனையிலே அவருக்கு ஒன்றுமில்லை என்று தெரிந்த பின்பு காவலர்கள் அவரை ரிமாண்டு செய்ய முற்பட்டவுடன், வேறு வழியின்றி சிறையில் உள்ள சவுகரியங்களைப் பொறுத்துக் கொள்ள முடியாமலும், பழகிப் போன சுகங்களை விட்டுக் கொடுக்க முடியாமலும் தன்னை உடனே விடுவிக்க ஏற்பாடு செய்யும்படி தனது மனைவி மூலமாக எனக்கு ஒரு வேண்டுகோள் அனுப்பியிருக்கிறார். டாக்டர் ராமதாசின் மனைவி எனக்கு அளித்துள்ள வேண்டுகோளையேற்று, ஒரு பெண்மணியின் துயரை இன்னொரு பெண்மணியால்தான் புரிந்துகொள்ள முடியும் என்பதால், டாக்டர் ராமதாசை உடனடியாக வேலூர் சிறைச்சாலையிலிருந்து விடுவிக்க நடவடிக்கை எடுக்க காவல்துறைக்கு ஆணை பிறப்பித்துள்ளேன் என்றாரே - மருத்துவரின் அன்புச் சகோதரியும், அன்றைய முதலமைச்சருமான மாண்புமிகு ஜெயலலிதா.

வீராதிவீர ராஜமார்த்தாண்ட பூபதியின் வாய் வீச்சுக்கும், செயலுக்கும் இடையில் உள்ள தூரம் திண்டிவனத்துக்கும், கொடநாட்டுக்கும் இடையில் உள்ள அளவு இருக்குமோ!

(மேலும் பல சுவையான தகவல்களுக்கு "மருத்துவருக்கு (டாக்டர் இராமதாசுக்கு) தேவை மருத்துவம்" என்ற நூலை வாங்கிப் படியுங்கள். நன்கொடை ரூபாய் வெறும் 5 மட்டும் தான்).


---------------- "விடுதலை" 30-4-2009