இசுலாம் மார்க்கம் பெண்களுக்குச் சுதந்திரம் தந்துள்ளதா?

மதமெலாம் பெண்ணைத் தாழ்த்தும்

எல்லா மதங்களும் பெண்களைத் தாழ்த்தித்தான் வைத்துள்ளன. இதை மறைக்கவோ, என்னவோ, மத்தியக் கிழக்கு நாடுகளுக்குச் சென்ற போப் கிறித்துவர்களிடம் பேசுகையில், பெண்களிடம் அன்பாக நடந்து கொள்ளுங்கள் என்று உபதேசம் செய்துள்ளார். ஆணின் எலும்பிலிருந்துதான் பெண் படைக்கப்பட்டாள் என்றுதான் அம்மதம் கூறுகிறது. ஆணாகிய ஆதாமைப் படைத்ததைப் போல, மண்ணைப் பிசைந்து தன்னைப் போல படைக்கப் பட்டவளல்ல பெண்!

இசுலாம் மார்க்கம் பெண்களுக்குச் சுதந்திரம் தந்திருப்பதைப் போலச் சொல்லப்பட்டாலும் உண்மை நிலை அப்படி இல்லை. மூக்கிள் பிளாச்சுகளால், கயிறால், பெண்களை அடிக்கலாம் என்றும் முகம் தவிர வேறு பாகங்களில் அடிக்கலாம் என்றும் அனுமதி தந்துள்ளது.

பெண்களை முழுவதுமாகப் போர்வை போர்த்தி மறைக்க வேண்டும்; முகம் மட்டும் தெரியலாம் என்று அந்த மத நூல் கூறுகிறது, இரண்டு கண்கள் மட்டும் தெரிகிற மாதிரி வைத்து மீதி முழுவதையும் மறைத்து விடுவது என்று இந்தியாவில் மாறியுள்ளது.

இந்தப்படிக்கு உடலை மூடப்பயன்படுத்தும் பர்தாவுக்கு அபயா என்று பெயர். ஒரு முகமதியப் பெண் சவூதி அரேபியாவில் 900 ரியாலுக்கு அபயா எனும் கறுப்பு நிற அங்கியை வாங்கி விட்டாராம். அவரின் கணவன் கொடுத்த 1200ரியாலில் 900 ரியாலை இதற்கே செலவழித்துவிட்டதால், புருசன் பெண்டாட்டியைப் போட்டு அடித்தானாம். அப்படி அடிப்பது குற்றம் இல்லை என்பதாக ஒரு கருத்தரங்கில் பேசினாராம் ஒருவர்.பேசியவர் அந்த நாட்டு நீதிபதி ஹமத் அல் ரஜின் என்பவர்.

கருத்தரங்கில் பங்கு பெற்றவர்கள் நீதிபதியின் இந்தக் கருத்துக்கு எதிர்ப்பு தெரிவித்தார்கள் என்பது ஆறுதல் அளிக்கக்கூடிய சேதியாகும்.

-------------செங்கோ அவர்கள் 16-5-2009 "விடுதலை" ஞாயிறுமலரில் எழுதியது