பார்ப்பனர்கள் செய்து கொண்ட சுயமரியாதைத் திருமணம்

ஈரோடு பெரியார் மன்றத்தில் 24.4.2009 வெள்ளிக்கிழமை இரவு 8 மணிக்கு நடைபெற்ற சுயமரியாதைத் திருமணம். இரா. ராஜா - பாகீரதி இணையர்கள் ஆகியோருடன் மாவட்டத் தலைவர் கோ. பாலகிருஷ்ணன் மணமகனின் தந்தை இராமசுந்தரம் அய்யர், மாவட்டச் செயலாளர் த. சண்முகம், பேராசிரியர் ப. காளிமுத்து கா.பா. ஆறுமுகம், இனியன் பத்மநாபன் உள்ளனர்.

கடந்த மூன்று ஆண்டுகளுக்கு முன்பு வணக்கத்திற்குரிய தமிழர் தலைவர் அவர்களது ஒப்புதலோடு சுயமரியாதைத் திருமணத் தகவல் மய்ய மாநில அமைப்பாளர் திருமகள் அவர்கள் ஈரோட்டில் சுயமரியாதைத் திருமண தகவல் மய்யத்தைத் தொடங்கினார்.

ஈரோடு பெரியார் மன்றத்தில் இயங்கி வரும் இத்திருமணத் தகவல் மய்யம் இது வரை 73 வாழ்விணையர்களுக்கு சுயமரி யாதைத் திருமணம் நடத்தியுள்ளது. இவர்கள் அனைவரும் சிறப்பாக வாழ்ந்து வருகிறார்கள். மய்யத்தோடும் தொடர்பு வைத்துக்கொண்டும் இருக்கின்றார்கள் என்பது சிறப்பு.

ஆணும், பெண்ணும் சமம் எனும் வாழ்வியல் கோட்பாட்டை உயர்த்திப் பிடிப்பது சுயமரியாதைத் திருமணம். சுயமரியாதை, தன்னம்பிக்கையுள்ள மக்களாக உருவாகவேண்டும் என்பதற்காகத்தான் தந்தை பெரியார் அவர்கள் சுயமரியாதைத் திருமணத்தை ஆயிரக் கணக்கில் நடத்தி வைத்துள்ளார்கள்.

புரோகிதப் பார்ப்பனர்கள் நடத்தி வைக்கின்ற திருமணமே செல்லும்; அதுவும் புரோகித மந்திரம் சொல்லி, அம்மி மிதித்து, அருந்ததி பார்த்து, தீவலம் வந்து தாலி கட்டினால்தான் திருமணம்; அதுதான் சட்டப்படி செல்லும் என்று நீதிமன்றங்களே தீர்ப்பு வழங்கியுள்ள நிலையில்.

அவற்றை மீறி அய்யா பெரியார் அவர்கள் சுயமரியாதைத் திருமணத்தை நடத்தி வைத்தார்கள். 1967-இல் அய்யாவின் பகுத்தறிவுக் குடும்பத் தலைமகன் அறிஞர் அண்ணா அவர்கள் ஆட்சிக்கு வந்தவுடன் சுயமரியாதைத் திருமணச் சட்டம் கொண்டுவந்து அய்யாவுக்கு ஆட்சியையே காணிக்கையாக்கினார்கள்.

சுயமரியாதைத் திருமண முறையே அறிவுக்குப் பொருத்தமானது. அனைவராலும் ஏற்றுக்கொள்ளத்தக்கது என்பதனை இப்பொழுது பார்ப்பனர்களே புரிந்து உணர்ந்துள்ளார்கள்.

கடந்த 24.04.2009 வெள்ளிக்கிழமை இரவு 8 மணியளவில் ஈரோடு பெரியார் மன்றத்தில் ரா.ராஜா - பாகீரதி என்ற இணையாக்குச் சுயமரியாதைத் திருமணம் நடத்தி வைக்கப்பட்டது. மணமக்கள் இருவருமே பார்ப்பனக் குடும்பத்தைச் சேர்ந்தவர்கள்.

மணமகன் ராஜா எம்.சி.ஏ., எம்.பி.ஏ., முடித்துள்ளார். ஈரோடு வீரப்பன்சத்திரம் - மணமகள் பாகீரதி பி.ஏ., தமிழ் இலக்கியம் படித்துள்ளார். (கும்பகோணம்) குட முக்கைச் சேர்ந்தவர். தற்போது சென்னையில் உள்ளார்.

இந்தச் சுயமரியாதைத் திருமணத்திற்கு ஈரோடு மாவட்டத் தி.க. தலைவர் கோ.பாலகிருஷ்ணன் தலைமை தாங்கினார். பேராசிரியர் டாக்டர் ப.காளிமுத்து அவர்கள் முன்னிலை வகித்து மணமக் களுக்கு அறிவுரை வழங்கினார். ஈரோடு மாவட்ட தி.க. செயலாளர் த.சண்முகம் திருமண உறுதிமொழி கூறி திருமணத்தை நடத்தி வைத்தார். மாலை மாற்றிக் கொண்டனர். தாலி இல்லை என்பதும் குறிப்பிடத்தக்கது.

மணமக்கள் நன்கொடை: விடுதலை, உண்மை, பெரியார் பிஞ்சு சந்தா ரூ. 1270; நாகம்மை குழந்தைகள் காப்ப கத்திற்கு ரூ.1000 சு.ம.திருமண மய்யத்திற்கு பதிவுக்கட்டணம் ரூ. 300. மொத்தம் ரூ. 2570 பார்ப்பனர்கள் மற்றவர்களுக்குத் திரு மணத்தை நடத்தி வைக்கும் நிலைமாறி நாமும், பார்ப்பனர்களுக்குத் திருமணம் நடத்தி வைக்கின்ற நிலை வந்திருக்கிறது. ஆம், பெரியார் வென்றிருக்கிறார்!

பெரியாரியல் என்பது உயர்ந்த - பண்பட்ட வாழ்வியல் கோட்பாடு.

---------------தகவல்: த. சண்முகம், ஈரோடு- நன்றி:-"விடுதலை" ஞாயிறுமலர் 2-5-2009