செந்தழல் ரவி அவர்களின் கருத்துக்கு பதிலடி

//பெரியார் திராவிட கழகத்தில் சேர்ந்து மணியண்ணன் சொன்னது ஏதாவது கட் பேஸ்டு செய்யுங்கள், உணர்வாளர்களாவது உம்மை மதிப்பார்கள்...//

செந்தழல் ரவி அவர்களைப் பற்றி மூத்த வலைவதிவரும் இயக்க முன்னோடியுமான தோழர் ஒருவர் சொன்னார். முதலில் ஆதரவாக பின்னூட்டம் இடுவார் அப்புறம் கொச்சைப்படுத்தி பின்னூட்டம் இடுவார். அவரிடம் எச்சரிக்கையாக இருங்கள் என்று சொன்னார்.


அதற்கு நான் ஊரறிந்த பார்ப்பானுக்கு பூணூல் எதுக்கு என்ற சொலவடை உண்டு. அது போல் பெரியார் கொள்கையை என்று ஏற்றுக் கொண்டேனோ அப்போதே இழிவைப்பற்றி கவலைப்படப் போவதில்லை. பெரியாரிடம் கற்ற பாடமே இதுதான். அவர் படாதா இழிவா? என்று கேட்டேன்.

அது போல் இப்போது ரவி அரம்பித்திருக்கிரார்.

நான் எந்த அமைப்பில் சேர்வது என்பதை ரவி முடிவு செய்யக்கூடாது? முடிவு செய்ய வேண்டியது நான். அது மட்டுமல்லாது மரியாதையை எதிர் பார்த்து நான் எதையும் செய்வது கிடையாது. எனக்கு என் புத்திக்கு சரியென்று பட்டதை செய்து வருகிறேன்.

மக்கள் பின் செல்பவர்கள் அல்ல பெரியாரும் பெரியார் தொண்டர்களும்
மக்களைத் தன் பின்னே அழைத்து வருபவர்கள் நாங்கள். எதிர் நீச்சல் போடக்கூடியவர்கள். உண்மையை யாருக்காகவும் மறைக்காது வெளியிடுபவர்கள். எனவே உங்களின் ஆலோசனை நிராகரிக்கப்படுகிறது.

முதலில் "திராவிட கழகம்" என்று எழுதுவதை விடுத்து "திராவிடர் கழகம்" என்று எழுத வேண்டுகிறேன்.

நான் தான் இந்த வலைப்பதிவை நிர்வகிக்கிறேன் என்ற விபரம் வீரமணி அவர்களுக்கு கண்டிப்பாக தெரியாது என்றே நினைக்கிறேன். உங்களின் பதிவுக்குப் பின் அவருக்கு விபரம் தெரிவிக்க இருக்கிறேன். ஏன்?எதற்கு எனில் வீரமணி அவர்கள் எடுத்த முடிவு சரியானது என்பதை சொல்லுவதற்காக.

//எந்த அடிப்படையில் இவர் கன்வின்ஸ் ஆகி தி.க + தி.மு.க + காங்கிரஸை ஆதரிக்கிறார் என்று சொன்னால் தேவலை.//

அரசியல் பிரச்ச்சனைக்காக ஆதரிப்பதை அப்புறம் பார்ப்போம். ஈழப்பிரச்சினையில் யார் சரியாகச் செயல்படுகிரார்கள் என்பதைப் பொருத்தே ஆதரிக்கிறேன். இங்கு கலைஞரும் ஜெயலலிதாவும் நடந்து கொண்ட முறைகள் பற்றி விருப்பு வெறுப்பின்றி யோசித்துப் பார்க்கையில் கலைஞர் முழுவதும் இல்லையென்றால் கூட ஓரளவு ஜெயலலிதாவை விட சரியாகவே கலைஞர் செயல்படுகிறார் என்பது எனது கருத்து.

அதற்கு உதாரணம் வேண்டுமானால் சுப.தமிழ்செல்வன் இறப்பின் போது கலைஞர் நடந்து கொண்டதையும், ஜெயலலிதா நடந்து கொண்டதையும் ஒப்பிட்டுப் பாருங்கள் உண்மை புரியும். இன்னும் உதாரணம் வேண்டுமானால் விடுதலையில் இருந்து நான் எடுத்துப் போட்ட கட், பேஸ்டுகளில் நிறையா ஆதாரம் உண்டு.

கொள்கையின் அடிப்படையிலேயே எங்களது ஆதரவும் எதிர்ப்பும். ரவி நீங்கள் நினைப்பது போல் எதையும் எதிர்பார்த்து அல்ல.

ஈழப்பிரச்சினை பற்றி உங்களை விட அதன் தன்மையைப் பற்றி நீங்கள் பிறப்பதற்கு முன்பிருந்தே வீரமணி பேசி வருகிறார்.எனவே வீரமணி அவர்களைப் பற்றி விமர்சிக்கும் போது நிதானமாக சான்றுகளுடன் விமர்சிக்கவேண்டுகிறேன்.

அதுபோல ஈழப்பிரச்சனை தொடர்பாக நாங்கள் எப்படியெல்லாம் பாதிக்கப்பட்டோம் என கொளத்தூர் மணிஅண்னன் அவர்களிடம் கேட்டுப் பாருங்கள்.

ஈழப்பிரச்சனையில் யாருக்கும் சளைத்தவர்கள் அல்ல நாங்கள்.

----தொடர்வோம்...