சென்னை அய்அய்டியில் அக்கிரமம்! 79 பார்ப்பனப் பேராசிரியர்களை அமர்த்த முயற்சி!

சென்னை அய்அய்டியில் அக்கிரமம்!
79 பார்ப்பனப் பேராசிரியர்களை அமர்த்த முயற்சி!

சென்னை இந்திய தொழில்நுட்பக் கல்வி நிறுவனத்தில் (அய்அய்டி) நீதிமன்ற ஆணையை மீறி 39 பேராசிரியர்களையும், 40 இணைப் பேராசிரியர்களையும் பணிய மர்த்துவதற்கான முயற்சிகளில் அதன் இயக்குநர் ஆனந்த் (அய்யங்கார்) ஈடுபட்டிருப்பதாகக் குற்றச் சாற்று எழுந்துள்ளது.

சென்னை இந்திய தொழில்நுட்ப கல்வி நிறுவனத்தின் இயக்குநராக ஆனந்த். சட்டத்திற்கு எதிரான வகையில் அந்தப் பதவியில் அமர்த்தப்பட்டதாகக் கூறி அநநிறுவனத்தின் முன்னாள் மாணவர் முரளிதரன் தொடர்ந்த வழக்கின் அடிப்படையில் அவரைக் கடந்த ஆண்டு டிசம்பர் மாதம் 23 ஆம் தேதி சென்னை உயர் நீதி மன்றம் பணி நீக்கம் செய்தது. அதை எதிர்த்து ஆனந்த் தாக்கல் செய்த மேல்முறையீட்டு மனுவை ஏற்றுக்கொண்ட உயர்நீதி மன்றம், அதன் மீதான தீர்ப்பளிக்கப்படும் வரை அவர் பதவியில் நீடிக்கலாம் என்று இசைவளித்தது. அதே நேரத்தில் அவர் எந்தப் பணிக்கும் ஆள்களை அமர்த்தக் கூடாது என்று நீதிபதிகள் ஆணையிட்டனர். அதை ஆனந்தும் ஏற்றுக் கொண்டார்.

ஆனால் நீதிமன்றத்திற்கு அளித்த உறுதி மொழியை மீறி சென்னையில் உள்ள இந்திய தொழில்நுட்ப கல்வி நிறுவனத்தில் 39 பேராசிரியர்களையும், 40 இணைப் பேராசிரியர்களையும் அமர்த்தும் முயற்சியில் அவர் ஈடுபட்டிருக்கிறார். வழக்கமாக இதுபோன்ற பணிகளுக்கு நாளிதழ்களில் விளம்பரம் செய்து இடஒதுக்கீட்டின் அடிப்படையில் நேர்காணல் நடத்திதான் ஆள்களைத் தேர்வு செய்யவேண்டும். ஆனால் அனைத்து விதி களையும் மீறி, தமக்கு வேண்டப்பட்டவர்களை அப்பணியில் அமர்த்த ஆனந்த் தீவிரம் காட்டி வருவதாகத் தெரிகிறது. இப்பணிகளுக்கு மொத்தம் 79 பேர் உத்தேசமாகத் தேர்வு செய்யப்பட்டு விட்டதாகவும், அவர்களுக்கு விரைவில் பணியமர்த்தல் ஆணை அளிக்கப்பட இருப்பதாகவும் அய்அய்டி வட்டாரங்கள் கூறுகின்றன.

தேர்வுசெய்யப் பட்டுள்ளவர்களில் பெரும்பாலானோர் உயர்ஜாதியைச் சேர்ந்தவர்கள் ஆவர். எந்த இட ஒதுக்கீட்டு முறையும் பின்பற்றப்படாமல் இவர் கள் தேர்வு செய்யப்பட்டு உள்ளனர். அனைத்துக் கல்வி நிறுவனங்களும் இடஒதுக்கீட்டை பின்பற்றியாக வேண்டும். ஆனால் இதைப்பற்றி யெல்லாம் கவலைப்படாமல் நாடாளுமன்றத்தையே அவமதிக்கும் வகையில் இடஒதுக்கீட்டு விதிகளை காற்றில் பறக்கவிட்டு விட்டு தமக்கு வேண்டியவர்களை ஆனந்த் தேர்வு செய்திருக்கிறார். பேராசிரியர்களாகத் தேர்வு செய்ய பரிந்துரைக்கப்பட்டுள்ள 39 பேரில் 34 பேர் சென்னை இந்திய தொழில்நுட்ப கல்வி நிறுவனத்தில் ஏற்கெனவே பணியாற்றி வருபவர்கள் ஆவர். அதேபோல் இணைப் பேராசிரியர்களாகத் தேர்வு செய்யப்பட இருக்கும் 40 பேரில் 30 பேர் ஏற்கெனவே அங்கு பணியாற்றி வருபவர்கள் என்பதும் குறிப்பிடத்தக்கது. சட்ட விதிகளை மீறி ஆசிரியர், பணியாளர்களை ஆனந்த் தேர்வு செய்வதை எதிர்த்து அவர் மீது இந்திய தொழில் நுட்ப கல்வி நிறுவனத்தின் முன்னாள் மாணவரான முரளிதரன் நீதிமன்ற அவமதிப்பு வழக்குத் தொடர்ந்தார். இந்த பணியமர்த்தல்கள் உச்ச நீதிமன்றத்திற்கு எதிரானது என்று அவர் சுட்டிக்காட்டியதை ஏற்றுக்கொண்ட சென்னை உயர் நீதிமன்றம், 79 ஆசிரியர், பணியாளர்களை அமர்த்துவதற்கான இசைவை வழங்க மறுத்துவிட்டது. எனினும் அந்த 79 பணியிடங் களையும் எப்படியும் நிரப்பிவிடுவது என்பதில் ஆனந்த் உறுதியாக இருப்பதாகத் தெரிகிறது.

இடஒதுக்கீடு மற்றும் நீதிமன்ற ஆணைகளை அப்பட்டமாக மீறி பார்ப்பன சமுதாயத்தைச் சேர்ந்தவர்களை இந்திய தொழில்நுட்ப கல்வி நிறுவனத்திற்குள் புகுத்த முயற்சி செய்யும் ஆனந்த் மீது கடும் நடவடிக்கை எடுக்கப்பட வேண்டும்.

-------------------- "விடுதலை" 7-5-2009