ஈழப்பிரச்சினை வெளி நாட்டுத் தமிழர்களின் சிந்தனைக்கு- கி.வீரமணி தெளிவுரை

தமிழ்நாட்டில் - இந்தியாவில் - தேர்தலில் தவறான முடிவை
எடுத்தால் மக்கள் தவறான பின்விளைவுகளை சந்திக்க நேரிடுமே!

பெரியார் வலைக்காட்சியில் தமிழர்தலைவர் உணர்த்திடும் எச்சரிக்கை உரை

தமிழ் நாட்டில், இந்தியாவில் உள்ள மக்கள் தேர்தலில் தவறான முடிவை எடுத்தால் அதனுடைய விளைவுகளும் தவறான தாகத்தான் இருக்கும். பின் விளைவுகளும் கடுமையான தாகத்தான் இருக்கும் என்று மக்களுக்கு எச்சரிக்கை செய்திடும் வகையில் திராவிடர் கழகத் தலைவர் தமிழர் தலைவர் கி.வீரமணி அவர்கள் குறிப்பிட்டார்.

சென்னை பெரியார் திடலில் இயங்கும் பெரியார் வலைக்காட்சியகத்தில் 15.4.2009 அன்று திராவிடர் கழகத் தலைவர் தமிழர்தலைவர் கி.வீர மணி அவர்கள் ஆற்றிய உரை வருமாறு:-


ஈழத்தமிழர்களுடைய வாழ்வுரிமை பிரச்சினை என்பது நீண்ட நெடிய ஒரு பிரச்சினையாக இருந்தாலும், இலங்கை அதிபராக வந்த ராஜபக்சே ஒரு நவீன ஹிட்லரை விட மோசமானவராக நடந்து கொள்ளக்கூடிய சூழல் இலங்கையில் ஏற்பட்டு உள்ளது. அதன் காரணமாக அங்கே போரிடக் கூடியை விடுதலைப்புலி களைக்கூட சிங்கள அரசு தீவிரவாதிகள் என்ற பெயராலே தீவிரவாதத்தை ஒழித்துக் கட்டுகிறோம் என்று உலக நாடுகள் மத்தியிலே இருக்கக்கூடிய தீவிரவாத பயத்தைப் பயன்படுத்திக் கொண்டு இலங்கையிலே இருக்கின்ற தமிழர்களை அழிக்கக்கூடிய, இனப் படுகொலையை (Genocide) நடத்திக் கொண்டிருக் கின்றார்கள்.

இது சம்பந்தமான உணர்வு தமிழகத்திலே திராவிடர் கழகம், திராவிட முன்னேற்றக் கழகம் ஆகிய திராவிடர் இயக்கத்தின் மூலமாகத்தான் தெளிவாக தமிழ்மக்களுக்கு அறிவுறுத்தப் பட்டது. அப்படி அறி வுறுத்தப்பட்டு அந்தப் பிரச்சினைகள் பல கோணங்களிலே நம்முடைய அறவழிப்பட்ட ஆதரவை தெளிவாகக் கொடுத்துக் கொண்டிருக்கக் கூடிய சூழலில் தொப்புள் கொடி உறவுள்ள ஒரு பகுதி அதே போல 30 கல் தொலைவிலே இருக்கக்கூடிய ஒரு பகுதி என்ற முறையிலே மிகத்தெளிவான அளவிற்கு அவ்வப்பொழுது நம்முடைய ஆதரவைக் கொடுத்துக் கொண்டிருக் கின்றோம்.

ஆனால் அந்தப் பிரச் சினை இப்பொழுது வரக் கூடிய ஒரு நாடாளு மன்றத் தேர்தலுக்கு பயன் படக்கூடிய ஒரு அரசியல் மூலதனமென்று பிற எதிர்க்கட்சிகள் நினைத்துக்கொண்டு இறங்குகின்றன. அங்கே போர் நிறுத்தம் வேண்டும் என்பதற்காக தொடக்கத்திலிருந்து முயற்சி எடுத்த பெருமை திராவிட முன்னேற்றக் கழக அரசையே சாரும்.

ஆனால் பல வெளி நாட்டுத் தமிழர்கள் இதைப் பரிந்து கொள்ளக்கூடிய நிலையிலே இல்லாமல் ஏதோ இவர்களே சென்று வெளியுறவுக் கொள்கையை நிர்ணயிப்பதுபோல நினைத்துக்கொண்டு ஏன் அதைச் செய்ய வில்லை? இதைச் செய்ய வில்லை என்று சொல்லுகின்றார்கள்.

நிலைமை அங்கு மிக மோசமாக ஆகிறது. தமிழர்கள் அழிக்கப்படுகிறார்கள் என்பதை உணராதவர்கள் அல்ல. இங்கே பொறுப்பில் இருக்கக்கூடியவர்கள். அதற்காகத்தான் மிகப் பெரிய அளவுக்குத் தொடர்ந்து பல தீர்மானங்கள் மனிதச்சங்கிலி எல்லாம் நடத்தியது என்றாலும் ஒரு மாநில அரசுக்கு எல்லை உண்டு.

அதேநேரத்திலே மத்திய அரசை வலியுறுத்தக் கூடிய கட்டத்திலே அத்துணை அழுத்தங்களை யும் கொடுத்துக்கொண்டே வந்திருக்கிறது.

அப்படி அழுத்தம் கொடுத்ததினுடைய விளைவாகத்தான் தொடர்ந்து இப்பொழுது அங்கே ஒரு தற்காலிகப் போர் நிறுத்தம் என்றா வது வந்திருக்கிறது.

அது முழுமையாக ஏற்றுக்கொள்ளக்கூடியது அல்ல. ஈழத் தமிழர்கள் காப்பாற்றப்படவேண்டும் என்று சொன்னால் போர் நிறுத்தம் உடனடியாக நிரந்தரமாக அங்கே வரவேண்டும்.

அதைத்தான் தொடர்ந்து வலியுறுத்திக் கொண்டிருக்கின்றோம்.

இதுவரையிலே காட்டாத முயற்சி. இது தேர்தலுக்காக செய்கிறார்கள். இது ஒரு கண்துடைப்பு நாடகம் என்றெல்லாம் கூறுவ திருக்கிறதே அது ஈழத் தமிழர்களுடைய நலனுக்கு நல்வாழ்விற்கு ஒரு போதும் உதவி புரிவ தற்குப் பயன்படாது.

எந்த உதவி கிடைத்தாலும், எந்த அளவுக்குக் கிடைத்தாலும் அதைப் பயன்படுத்திக்கொள்ள வேண்டும். அதை அகலப் படுத்த வேண்டும் உரு வாக்க வேண்டும் என்ற எண்ணம்தான் ஆக்க ரீதியாக சிந்திப்பவர் களுக்கு இருக்குமே தவிர, அதைக் குற்றம் கூறி, கேலி செய்து எதிர்க்கட்சி களுக்கு அது பயன்படக் கூடிய அளவிற்கு இருந்தால் அதனுடைய நிலைமை என்ன?

இங்கு வேறு ஒரு ஆட்சி வரவேண்டும். காங்கிரஸ் ஆட்சியைத் தோற்கடித்துவிட வேண்டும். அதன் மூல மாகத் திமுக வைத் தோற் கடிக்க வேண்டும். என் றெல்லாம் சொல்கிற வர்கள்.

இங்கே இருக்கக் கூடிய எதிர்க்கட்சிகளுக்கு கருவிகளாகச் சென்று அவர்களைத்தேர்தல் பகடைகளாக ஆக்க வேண்டும் என்று சொல்கிறவர்களை-குறிப்பாக வெளிநாட்டுத் தமிழர்கள் இதைப் புரிந்து கொள்ள வேண்டும்.

காரணம் என்ன வென்று சொன்னால் இவர்களைத் தோற் கடித்துவிட்டு, இன்னொருவர் இந்த இடத்திலே யார் வரமுடியும்?

பாதீய ஜனதா கட்சி வந்தால் அதனுடைய கொள்கை என்ன? தமிழ் ஈழத்தை அவர்கள் ஒப்புக் கொள்ளக் கூடியவர்களா? அல்லது மூன்றாவது அணி என்று சொல்லக்கூடிய இடது சாரிகள், கம்யூனிஸ்டுகள் தமிழ் ஈழத்தை ஏற்றுக் கொள்ளக்கூடியவர் களா? கிடையாது.

தமிழ் ஈழம் என்பதை உணர்ச்சியோடு, உணர்வோடு கலந்து உச்சரிக்கக் கூடியவர்கள் திராவிடரி யக்கத்துக்காரர்கள்தான்.

எனவே திராவிடர் இயக்கத்தைப் பலகீனப்படுத்தி, அதன் மூலமாக லாபம் அடையலாம் என்று சொன்னால் அது கையிலே கிடைத்த ஒன்றையும் தூக்கி எறியக்கூடிய சிறுபிள்ளைத்தனமான ஒரு முடிவாகத்தான் அது ஆகும்.

எனவேதான் தொலை நோக்குப் பார்வை இதிலே தேவை. அந்தத் தொலை நோக்குப் பார்வையிலே எந்த ஆட்சியிடம் நாம் அதிகமாக வேலை வாங்க முடியும் என்று சொன்னால், அதை நிர்ணயிக்கக் கூடிய சக்தியை பல மாக உருவாக்கினால் தான் நாம் வேலைவாங்க முடியும்.

அந்த எண்ணத்தோடு தான் இந்தத்தேர்தலை அணுக வேண்டும் என்பது எங்களுடைய நோக்கமே தவிர, வெறும் தேர் தலுக்காக மற்றவர்கள் எல்லோரையும் தூக்கி விடலாம் என்று சொல்லக்கூடிய நிலை அல்ல.

தேர்தலில் வெற்றி பெற்றவர்கள் அய்ந் தாண்டுகள் ஆளப் போகிறவர்கள். அப்படியானால் எப்படிப்பட்ட ஆட்சி வர வேண்டும்? அதில் பல்வேறு பிரச்சினைகள் இருக்கின்றன.

ஜாதி ஒழிப்பு அம்சம் இருக்கிறது. சமூகநீதி இருக்கிறது. மூடநம்பிக்கை ஒழிப்பு இருக்கிறது. மதவெறித் தன்மைக்கு முற்றுப்புள்ளி வைக்கக்கூடிய ஓர் நிலை இருக்கிறது. ஆகவே அதற்கெல்லாம் எப் படிப்பட்ட ஓர் அமைப்புகள் வரவேண்டும் என்று சொல்லக்கூடிய ஓர் நிலையை உருவாக்க வேண்டும்.

மாறாக ஜெயலலிதா அவர்களுடைய தலைமையிலே இருக்கின்ற அணி வருமேயானால் என்ன ஆகும் என்பதை - ஏற்கெனவே நண்பர் வைகோ போன்றவர்கள் ஒரு ஆண்டுக்கு மேலாக பொடா சட்டத்தின் கீழே சிறையில் இருந்தவர் என்பதை மறந்து விடக்கூடாது.

மீண்டும் பா.ஜ.க ஆட்சிக்கு வருமேயானால் -பொடா சட்டத்தைக் கொண்டு வருவோம் என் பதை அவர்கள் வெளிப் படையாகச் சொல்கின்றார்கள்.

மீண்டும் பா.ஜ.க வெற்றி பெற்றால் - தமிழகத்திலே இருக்கின்ற கலைஞர் ஆட்சியைக் கலைப் போம். அதை ஒட்டி விரைவிலே தேர்தல் வரும் என்று அவர்கள் சொன்னால் அதனு டைய பார தூர விளைவு கள் இருக்கிறதே அது தமிழர்களுடைய நலனுக் குக் கேடாக முடியும் என்பதை தொலை நோக்கோடு பார்க்கத் தவறியவர்கள் யாராக இருந்தாலும் அவர்கள் தமிழகத்தினுடைய நன்மைக்கு உதவக் கூடியவர்கள்அல்ல என்பதைப் புரிந்து கொள்ள வேண்டும். இது கொஞ்சம் சிக்கலான உணர்ச்சிப் பிரச்சினைதான்.

ஆனால் அதற்காக யாரும் எந்த முயற்சியும் செய்யாமல் இல்லை - செய்துகொண்டிருக்கிறார்கள். அமெரிக்கா போன்ற நாடுகள், அய்க்கிய நாடுகள் சபை இலங்கையை வலியுறுத்துகின்ற நேரத் தில் கூட, அதை ராஜ பக்சேக்கள் அலட்சியப் படுத்துகிறார்கள் என்று சொன்னால் இவர்களுடைய பங்களிப்பு ஏதோ இருக்கிறது என்று நினைக்க வேண்டிய அவசியமில்லை.

ஆரம்பத்தில் எந்த நிலை இருந்தால் கூட இப் பொழுது நாம் கொடுத் துக்கொண்டிருக்கின்ற அழுத்தத்தின் காரணமாக வேறு வழியில்லாமல் இந் திய அரசே கூட வேண்டு கோளாக வைக்கவில்லை. அதை ஒரு டிமாண்டாக கட்டாயமாக செய்தாக வேண்டும் என்று வற் புறுத்தக் கூடியவர்களா கத்தான் செய்கிறோம் என்று உள்துறை அமைச்சர்கள் சொல்கிறபொழுது அதைக் கேலி செய்வதனாலே பலன் இல்லை.

அவர்கள் வாய்வழி யாகச் சொன்னாலும் கூட, அதை மேலும் மேலும் உள்ளத்திலிருந்து பீறிட்டுக் கொண்டு வரக் கூடிய அளவிற்கு அரசியல் நிர்ப்பந்தம் அரசியல் அழுத்தங்கள் வர வேண்டும். அதுதான் அவர்களுக்குப் பயன்படும் என்பது மிக முக்கிய மானது. ஆகவே இதிலே தெளிவாக சிந்திக்க வேண்டிய செய்தி என்ன வென்று சொன்னால் உலகநாடுகள் சொன்னால் கூட நான் கேட்கமாட் டேன் என்று சொல்கின்ற ராஜபக்சேவினுடைய ஆணவம் எப்படிப்பட் டது?

இப்படிப்பட்ட ராஜ பச்சேக்கள் வெற்றி பெறு வதற்கு ஏற்கனவே அங்கே எடுத்த ஒரு தவறான முடிவுதான் தேர்தலைப் புறக்கணிக்க வேண்டும் மற்றவர்கள் என்று எடுத்த முடிவுதான். இன்னொருவர் வருவதற்கு பதிலாக ராஜபக்சேவுக்கு செய்தது. அதே போன்ற தவறை தமிழ்நாட்டிலே இந்தியாவிலே செய்துவிடக்கூடாது. அப்படி செய்தால் அதற்கு கொடுக்கக் கூடிய விலை கடுமையாக இருக்கும். இவ்வாறு தமிழர் தலைவர் கி.வீரமணி அவர்கள் பேசினார்.

------------------"விடுதலை"18-4-2009