ஆபாசமே! உன் பெயர்தான் ஆரியமா?

இரண்டு கேள்வி பதில்கள்

திருவாளர் சோ ராமசாமி துக்ளக் வார இதழில் (9.5.2012) இரண்டு கேள்வி களுக்குப் பதில்கள் எழுதியுள்ளார்.

முதல் கேள்வி: இன்று பெரும் பாலான கல்லூரி மாணவ - மாணவி களிடம் மேற்கத்திய கலாச்சாரம்பரவி வருவது பற்றி?

பதில்: மேற்கத்திய கலாச்சாரம் பரவி வருகிறதா? அது என்ன பரவி வருகிறது? அது என்றோ பரவி விட்டதே? இப்போது நீங்கள் கேட்பதனால் இன்றைய கல்லூரி மாணவ - மாணவியரிடையே பாரத கலாசாரம் இன்னமும் கொஞ்சம் மிச்சம் மீதி இருக்கிறதாமே? அப்படியா? என்று கேட்க வேண்டும். அதில் அர்த்தம் இருக்கும் என்கிறார் திருவாளர் சோ.

அது என்ன பாரத கலாச்சாரம்? அய்வருக்கும் தேவி அழியாத பத்தினி என்பதா?

ரீனா ராய் என்ற வட நாட்டு நடிகை ஒருவர் ருசியா சென்றபோது, தனது கணவனை அறிமுகப்படுத்தி வைத்தார். அப்பொழுது அந்த நாட்டைச் சேர்ந்தவர்கள் உங்களின் மீதி நான்கு கணவர்கள் எங்கே என்று கேட்டனராம். நடிகை திருதிரு என்று விழித்தாராம். அவர்களின் கேள்வியில் ஒரு நியாயம் இருக்கிறது.

இந்தியாவின் மகாபாரதம் பற்றி அவர்கள் கேள்விபட்டுள்ளனர்.

அதில் திரவுபதைக்கு அய்ந்து கணவர்கள் என்று இருக்கிறது. அந்த அடிப்படையில் தான் இந்தியாவில் ஒவ்வொரு பெண்ணுக்கும் அய்ந்து கணவர்கள் உண்டு என்று அவர்கள் நினைத்துக் கொண்டு இருக்கிறார்கள். அந்த அடிப்படையில் கேட்கப்பட்ட கேள்விதான் அது.

மகாபாரதத்தை அவர்கள் ஒழுங்காக படித்திருந்தால் இன்னொரு கேள்வியையும் நாக்கைப் பிடுங்கக் கேட்டு இருப்பார்கள். அய்ந்து கணவர் போதாது என்று ஆறாவது கணவர்மீதும் இந்தியாவில் உள்ள பெண் ஆசைப்படுவாளாமே என்று கேட்டு இருப்பார்கள். அந்தக் கள்ளநாயகன் திரவுபதிக்குக் கர்ணன் அல்லவா!
கர்ணன்மீது திரவுபதை ஏன் ஆசைப்பட்டாளாம்? திரவுபதை வாயால் கேட்டால்தானே சுவராஸ்யமாக இருக்கும்? என் கணவன்களில் தருமன் இருக்கிறானே சதா வேதாந்தம் பேசிக் கொண்டு இருப்பான்.

இரண்டாவது கணவன் பீமன் இருக்கிறானே உடல் பெரியவன் _ குண்டோதரன், சதா சாப்பிட்டுக் கொண்டே இருப்பான்.

மூன்றாம் புருஷன் அர்ச்சுனன் இருக்கிறானே - அவனுக்கு ஏகப்பட்ட மனைவிகள் (ஆற்று மணலை எண்ணினாலும் அர்ச்சுனன் மனைவிகளை எண்ண முடியாதாம்!)
அடுத்து நகுலனும், சதாதேவனும் எனது பிள்ளைகள் மாதிரி - எனவே கர்ணன்மீது எனக்கு ஒரு கண் என்றாள் - இந்தப் பாரதக் கலாச்சாரம் கொஞ்ச நஞ்சம் ஒட்டிக் கொண்டிருக்கிறது - பேஷ்! பேஷ்!! என்கிறாரா திருவாளர் சோ?

இவர்களின்ஆரியக் கலாச்சாரம்பற்றி இல்லஸ்டிரேட்டட் வீக்லி இதழில் (3.5.1987 பக்கம்- 39) சிதாந்தர தாஸ் குப்தா எழுதியுள்ளார். அதுவும் காளிதாசரின் படைப்பிலிருந்து எடுத்துக்காட்டி In Ancient Sanskrit literature including the work of kalidasa there are frequent references to Madanotsara a day on which any man or woman could ask another even a stranger for sexual bliss a sort of "Free Love Day"

இந்தியாவின் பழைய இலக்கியங்களில் குறிப்பாக காளிதாசன் படைப்புகள் உட்பட ஏராளமான எடுத்துக்காட்டுகள் இருக்கின்றன. மதன உத்சவா என்ற பேரில் ஒரு நாளில் ஆண்களும் பெண்களும் கலந்து கொண்டு, எந்த ஒரு ஆடவனும் எந்த ஒரு பெண்ணையும் எந்த ஒரு பெண்ணும் எந்த ஒரு ஆடவனையும் உடலுறவு கொள்ள அழைக்கலாம் _ அப்படியொரு நாளைக் கொண்டாடினார்கள், கடைப்பிடித்தார்கள் என்று கூறப்பட்டுள்ளதே.

இந்தப் பாரதக் கலாச்சாரத்தைத் தான் பட்டுக் கம்பளம் விரித்து வரவேற்கிறாரா? மனிதர்கள் இருக்கட்டும்! சோ நம்பும், மதிக்கும், தூக்கித் தலையில் வைத்துக் கரகாட்டம் ஆடும். இந்து மதத்துக் கடவுள்களின் கலாச்சார யோக்கி யதைகள்தான் என்ன?

மும்மூர்த்திகளில் ஒருவராவது ஒழுக்கவானா? பெற்ற மகளையே சரஸ்வதியையே பெண்டாடியவன் தானே பிர்மா? தார்காவனத்து ரிஷிப் பத்தினிக ளின் கற்பைச் சூறையாடியவன் தானே சிவன். அதனால் ரிஷிகள் சாபமிட சிவனின் ஆண்குறி அறுந்து விழுந்தது. அதனைப் பார்வதி தன் குறியால் தாங்கிப் பிடித்தாள்.

அதைத்தான் சிவலிங்கமாக கோயில் கட்டிக் கும்பிடுகிறோம் என்பதுதானே ஒரு உயர்தர இந்துவின் உயர்தரமான பண்பாடும் வழிபாடும்.

விஷ்ணுவின் யோக்கியதைதான் என்ன? சலந்திரன் மனைவி பிருந்தை மீது காமம் கொண்டு சலந்திரனை சூதால் கொன்று, அவனைப்போல் வேடம் பூண்டு விருந்தையைப் புணர்ந்தானே!

இவர்கள்தம் தேவர்களின் நாதனாகிய இந்திரன் கவுதம முனிவரின் மனைவி அகலிகையை, கவுதம முனிவர்போல் வேடம் பூண்டு கற்பழித்ததன் காரணமாக உடல் எல்லாம் பெண் குறியாகக் கடவது என்று கவுதம முனிவரால் சாபம் விடப்படவில்லையா? ஆயிரம் கண்ணுடையான் என்று இந்திரனைப் புகழுவது இந்த அசிங்கத்தைத்தானே!

அந்தத் தேவநாதன்களின் அச்சாகத்தானே காஞ்சிபுரம் மச்சேஸ்வரன் கோயில் அர்ச்சகப் பார்ப்பான் தேவநாதன்.

காஞ்சி ஜெகத் குருக்களின் யோக்கியதை மட்டும் என்ன! பாரதக் கலாச்சாரம் வேண்டுமாமே _ வெட்கக் கேடு! வெட்கக் கேடு!!

சோவின் இரண்டாவது கேள்வி பதில்:

கேள்வி: ராமருக்குக் கெட்ட பெயர் உண்டாக்கச் சிலர் முயற்சி செய்கிறார்கள்- என்று கலைஞர் வருத்தப்படுகிறாரே?

பதில்: கலைஞர் எந்த ராமரைச் சொல்கிறார் என்பது எனக்குத் தெரியவில்லை. சேது பாலத்தைக் கட்டுவதற்கு ராமர் என்ன என்ஜினியரிங் கல்லூரியில் படித்தவரா? எந்த என்ஜினியரிங் கல்லூரி? என்று கலைஞர் கேட்டாரே அந்த ராமரா? அல்லது ராமன் குடிகாரன் என்று சொல்லப்பட்டிருக்கிறது என்று சொன்னாரே, அந்த ராமரா? அல்லது இதற்கும் முன்னால் இவருடைய குருநாதராகிய பெரியார் நடத்திய ஊர்வலத்தில் ராமர் படத்தை வைத்து செருப்பால் அடித்தார்களே அந்த ராமரா? எந்த ராமர் பெயரை யாரோ கெடுப்பதாக கலைஞர் சொல்கிறார்? தெரிய வில்லையே?

இப்படி ஒரு பதிலை அருளியுள்ளார் அக்கிரகார சோ; ஏதோ ராமன் குடிகாரன் என்று கலைஞர் ஆராய்ச்சி செய்து கண்டுபிடித்ததாகப் புலம்புகிறாரே - இராமாயணத்தில் இல்லாததையா கலைஞர் சொல்லி விட்டார்? இராமாயணத்தில் இடம் பெற்ற மதுவகைகள் ராமன் மாந்தியவைபற்றி எல்லாம் கேரவன் பட்டியலிட்டுள்ளதே.

இராமனும் குடியும்

1. கிதை சுரா _ இது காய்ச்சி இறக்கப்படும் சாராயத்தின் பெயர்.

2. மைரேயா _ இது வாசனை யூட்டப் பட்ட பானம்; இதனை மது என்றும் கூறுவர்.

3. மத்யா...இது போதை தரும் பானம்.

4. மந்தா _ இது சாதாரண சாராயத் திலுள்ள அமித போதை தணிக் கப்பட்டது. இதற்குப் பிதா மந்தா என்றும் பெயர். போதை இருக்காது. எனவே, இதனை யாவரும் விரும்பிக் குடிப்பர்.

5. சுராபானம் _ கிதை சுராவுக்கு மாறானது; கிதை சுராபானம் செயற்கையில் செய்யப்படுவது; சுரா என்பது இயற்கைக் சாராயம். இயற்கை முறையில் வடித்தெடுக்கப்படுவது; சாதா ரண மக்களின் பானம். இதைப்பற்றித்தான் புராணங்களில் அதிகமாகக் குறிப்பிடப் பட்டுள்ளது.

6. சிந்து _ கழிவு வெல்லப் பாகி லிருந்து வடித்தெடுக்கப்படும் பானம்.

7. சவ்வீரகா _ மட்டரகப் பானம்.

8. வரருணி _ அக்காலத்தில் உபயோ கிக்கப்பட்ட மதுவகை களில் மிகவும் காட்டமானது. (போதை அதிகமானது) இந்தப் பானம். இதனைக் குடித்த அதே நொடியில் போதை உண் டாகித் தள்ளாடி விழச்செய்து விடுமாம்.

--------------- டில்லியிலிருந்து வெளிவரும் சிகிஸிகிக்ஷிகிழி என்ற ஆங்கில ஏட்டின் 15.8.54 இதழில் இராமாயணத்தில் மதுக்குடி என்ற தலைப்பில் டாக்டர் எஸ்.என். வியாஸ் எழுதிய கட்டுரையில் காணப்படுபவை இவை!

மது மட்டுமா! ராமன் மாமிசம் சாப்பிடவில்லையா? கருஞ்சட்டைத் தோழர்களோ, கலைஞர் அவர்களோ சொன்னால் கோபம் பொத்துக் கொண்டு கிளம்பும்.
அவர்களின் மேதை ராஜாஜியே என்ன சொல்கிறார்? அதுவும் அவர் வாழ்நாளில் பெரும் புண்ணிய காரியம் செய்ததாகத் தம்பட்டம் அடிக்கும் அவர் எழுதிய சக்ரவர்த்தி திருமகன் நூலிலேயே என்ன குறிப்பிடுகிறார்? இவ்விடத்திலும் இன்னும் பல இடங்களிலும் இராம, லட்சுமணர்கள் வேட்டையாடி பூஜைக்குத் தகுந்த - அதாவது வழக்கப்படி சாப்பிடத்தகுந்த வேட்டையாகாரம் சம்பாதித்து உண் டார்கள் என்று வால்மீகி முனிவர் எழுதியிருக்கிறார்.

சந்தேகத்திற்கு இட மில்லாமல் விளக்கமாக எழுதியிருக்கிறார். இதைப்பற்றி நாம் குழப்பம் அடைய வேண்டியதில்லை. சத்திரியர்கள் ஆச்சாரப்படி மாமிச ஆகாரத்தில் குற்ற மில்லை.

காலத்துக்கும் குல வழக்கத் துக்கும் ஏற்றபடி உடலைப் பாதுகாப்ப தற்காக எந்த உணவும் தக்க வழியில் சம்பாதித்து, பூஜையில் வைத்து அளவுக்கு மிஞ்சாமல் உண்பதில் யாதொரு தவறுமில்லை என்பது பாரத தேசத்துப் பொது தருமம்

---------------------(சக்ரவர்த்தி திருமகன் - ராஜாஜி பக்கம் 88)
சந்தேகத்திற்கு இடமில்லாமல் ராமன் மாமிசம் உண்டான் என்று கூறி விட்டாரே!

ஏன் அப்படி சொன்னார்? சோ போன்ற சந்தேகப் பிராணிகள் பிற் காலத்தில் வருவார்கள் என்று தொலை நோக்கோடு ஆச்சாரியார் சொன்னார் என்றே எடுத்துக் கொள்ளலாம்.

கடைசிக் கடைசியாக ராமனை செருப்பால் அடித்ததையும் கூறி மங்களம் பாடி விட்டார் திருவாளர் சோ!

சூத்திரன் என்பதற்காக சம்பூகனை ராமன் வாளால் வெட்டிக் கொல்லலாம். அப்படிக் கொன்றவனை சூத்திரப் பரம்பரையைச் சேர்ந்தவர்கள் செருப்பால் அடிக்கக் கூடாதா - என்ன?

**************************************************

ஆபாசமே! உன் பெயர்தான் ஆரியமா? (வால்மீகி) ராமாயணம் உத்ரகண்டம் 18-ஆம் சுருக்கம் சொல்வதென்ன)

மருத்தன் என்ற ஒரு அரசன் யாகம் செய்து கொண்டிருந்தானாம். அந்த யாகத்தில் கலந்து கொள்ள இந்திரன், எமன், குபேரன், வருணன் எல்லாரும் வந்தி ருந்தார்களாம்.

மாவீரன் இராவணன் அந்த யாகத்தை அழிக்க வந்தானாம். ராவணனைப் பார்த்த இந்திரன் முதலான தேவர்கள் எல்லாரும் பயந்து கொண்டு, பறவைகளைப் போலவும் மற்ற பிராணிகள்போலவும் உருமாறி தப்பி ஓடி விட்டார்களாம்.

இந்திரன் மயில் போல தனது உருவத்தை மாற்றிக் கொண்டு ஓடி ஒளிந்து கொண்டானாம். இராவணன் அங்கிருந்து சென்றவுடன் இந்திரன் மயிலுக்கு நன்றி தெரிவிப்பதற்காக மயிலைப் பார்த்து, எனக்கு ஆயிரம் கண்கள் இருந்தன. அதைப்போல் உன் தோகையில் ஆயிரம் அழகிய கண்கள் தோன்றட்டும். மேக மூட்டத்தைக் கண்டு நீ ஆடுவாய் என்று வரம் கொடுத்தானாம்.

இந்திரனுக்கு ஆயிரம் கண்கள் எப்படி வந்தன? அந்த ஆபாசத்தைக் கேளுங்கள்: கவுதமர் என்ற முனிவரின் பத்தினி அகலியை என்பவர்மீது ஆசை கொண்டு இந்திரன் நடு இரவில் சேவல் உருவம் கொண்டு சேவல் போல கூவியிருக்கிறான்.

முனிவர் விடியற்காலை வந்துவிட்டதென்று ஆற்றுக்கு குளிக்க போய்விட்டாராம். இந்த நேரத்தில் இந்திரன் அந்த முனிவரைப் போல உருவத்தை மாற்றிக் கொண்டு அவளிடம் இன்பம் அனுபவித்திருக்கிறான்.

அகலியையும் வந்தவன் தன் கணவன் அல்ல என்று தெரிந்திருந்தும் அவனிடம் இன்பம் அனுபவித் திருக்கிறாள்.

முனிவர் நேரம் தவறிவிட்டதை தெரிந்து கொண்டு மீண்டும் குடிசைக்கு வந்தவர் - அகலியாவை கல்லாகப் போகுமாறு சாபம் கொடுத்துவிட்டு, இந்திரனைப் பார்த்து அவனது ஆண்குறி அறுந்துவிழ வேண்டும் என்றும், அவன் உடம்பெல்லாம் பெண்ணின் பிறப்புறுப்புகள் தோன்றட்டும் என்றும் சாபம் கொடுத்திருக்கிறார்.

தேவர்கள் ஒரு ஆட்டின் ஆண்குறியை எடுத்து இந்திரனுக்கு ஒட்ட வைத்திருக்கிறார்கள். ஆனால் உடல் முழுவதும் ஆயிரம் பெண்குறி தோன்றவே அவன் வெளியே வராமல் ஒரு மறைவிடத்தில் ஒளிந்து கொண்டிருக்கிறான்.

இதைத்தான் இந்திரன் உடம்பில் ஆயிரம் கண்கள் என்று பிரம்மாவின் நெற்றியில் பிறந்தவர்கள் புளுகி யிருக்கிறார்கள்.

திராவிட இயக்கம் தோன்றிய காலமுதல் நாம் கேட்டு வரும் கேள்வி: பிரம்மாவின் நெற்றியிலிருந்து பாதம் வரை, மனிதர்கள் தோன்றினார்கள் என்றால் அங்கெல்லாம் பிரம்மனுக்கு பெண்ணின் பிறப்பு உறுப்பு இருந்திருக்கிறதா?

அப்படியானால் அவனையும் புணர்ந்தவன் யார்? இந்தக் கேள்விகளுக்கும் யாரிடமிருந்தும் இதுவரை பதில் வரவில்லை.

மயிலே, மயிலே, அழகிய மயிலே, மனிதர்களுக்குள்தான் பார்ப்பனர்கள் பேதம் கற்பித்தனர் என்றால் பறவையாகிய உன்னையும் ஆபாசமான புனை கதைகள் மூலம் இழிவுபடுத்திவிட்டனரே. நீ அழகாக இருப்பதுதான் நீ செய்த குற்றமா?

------------------க. இராசமாணிக்கம், இராஜேந்திரம்

(வால்மீகி/ராமாயணத்தை தமிழில் மொழிபெயர்த்த சோ. இராமசாமி இதற்கு என்ன பதில் சொல்வார்)

------------------16-6-2012 "விடுதலை” ஞாயிறு மலரில் மின்சாரம் அவர்கள் எழுதிய கட்டுரை