லவுகிகப் பார்ப்பான் வைதிகப் பார்ப்பானைவிட ஆபத் தானவன் - எச்சரிக்கை!

அகமணி ஆகிறதா தினமணி?

தலைநகர் வாசிகளின் அகமணியாக தினமணி தில்லிப் பதிப்பு திகழும் என்று தினமணி ஆசிரியர் திரு கே. வைத்தியநாதன் கூறி இருக்கிறார்.

தில்லியில் நாம் தமிழ் அமைப்பு களை இணைக்கிறோம்; தமிழர்களை இணைக்கிறோம். ஆனால் நம் தாய் மொழியான தமிழையும், அதன் அடையாளத்தையும் மறந்து விடக் கூடாது. அதுபோல ஆன்மிகப் பண்புகளை இழக்காமல் இறை உணர்வை மறக்காமல் இருக்க வேண்டும். தாய்மொழி இல்லை என்றால்  கொஞ்சம் கொஞ்சமாக நமது பண்புகளும், கலாசாரமும் அடை யாளமும் அழிந்து விடும்.

தில்லியில் பல்வேறு பகுதிகளில் வசிக்கும் அனைவருக்கும் தின மணியைக் கொண்டு சேர்க்கும் பணியைத் துரிதப்படுத்த வரும் நாள்களில் நடவடிக்கை எடுக்கப்படும். தில்லி தமிழர்களின் அகமணியாக தினமணி திகழும் என்று உறுதி அளிக்கிறேன் என்றார் தினமணி ஆசிரியர் வைத்தியநாதன் (தினமணி 3.6.2013 பக்கம் 2).

இதன் மூலம் தினமணி என்ன சொல்ல வருகிறது?

தமிழ் அமைப்புகளை இணைப்பது
தமிழர்களை இணைப்பது
ஆன்மிகப் பண்புகளை இழக்காமல் இறை உணர்வை மறக்காமல் இருக்க வேண்டும்.

தமிழ் மொழி இல்லை என்றால் கொஞ்சம் கொஞ்சமாக நமது பண்புகளும் நமது அடையாளங்களும் அழிந்து விடும்.

இதுதான் தினமணியின் கருத்து என்றால் நமக்குச் சில வினாக்கள் எழத்தான் செய்யும்.

தினமணியின் ஆசிரியர் வைத்தியநாதன் தன்னைத் தமிழன் என்று ஏற்றுக் கொள்கிறாரா தன் தாய்மொழி சமஸ்கிருதம் அல்ல தமிழ்தான் என்று உளமார ஒப்புக் கொள்கிறாரா?

ஆம் என்றால் தமிழன் கட்டிய தமிழ்நாட்டுக் கோயில்களில் வழிபாட்டு மொழியாக தமிழை வழிபாட்டு மொழியாக ஏற்றுக் கொள்கிறாரா?

அதற்காக தில்லி தமிழ்ச் சங்கத்தை இணைத்துப் போராட முன் வருவாரா?

ஆனால் இதில் என்ன வேடிக்கை என்றால், இதே தினமணியில் (20.10.2012 பக்கம் 8) ஒரு சிறப்புக் கட்டுரை அதன் தலைப்பு கோயில்களில் தமிழ், காந்திஜி கூறியது என்ன?

சமஸ்கிருத மொழியில் வழிபாடு இருக்க வேண்டும் என்று காந்திஜி சொல்லி இருக்கிறாராம்.

அதைத் தேடிக் கண்டுபிடித்து சிறப்புக் கட்டுரை தீட்டப்படுகிறது _ -காந்தி சொல்லுவதையெல்லாம் தினமணி வகையறாக்கள் ஏற்றுக் கொள்வது போல.

கோயிலுக்காக அரசு பணம் ஒரு தம்படி செலவு செய்யப்படக் கூடாது என்று கூடத்தான் காந்திஜி சொல்லி இருக்கிறார்.

தீண்டாமை  கூடாது என்று கூடத் தான் காந்தியார் சொல்லி இருக்கிறார். ஆனால் இவாளின் லோகக் குரு மறைந்த காஞ்சி சங்கராச்சாரியார் சந்திர சேகரேந்திர சரஸ்வதி தீண்டாமை க்ஷேமகரமானது என்று தானே திருவாய் மலர்ந்தருளியுள்ளார். பாலக்காட்டில் இதே சங்கராச்சாரி யாரை நேரில் சென்று காந்தியார் கேட்டுக் கொண்டபோது என்ன கூறினார்?

ஹரிஜன ஆலயப் பிரவேச விஷயத்தில், சாஸ்திரங்களையும், வழக்கங்களையும் நம்பி இருப்பவர்கள் நம் நாட்டில் பெரும்பாலோர் இருக் கிறார்களென்றும், அவர்களுடைய மனம் நோகும்படிச் செய்யும் எந்த மாறுதலும் இம்சைக்கு ஒப்பாகுமென்றே நாம் முடிவுக்கு வர வேண்டியி ருக்கிறதென்றும் ஸ்வாமிகள் காந்திஜியிடம் தெரிவித்தார் (நூல்: தமிழ்நாட்டில் காந்தி பக்கம் 575-, 576).

இந்த தினமணி ஆசிரியர் காந்தி யார் பக்கமா? அவாளின் லோகக் குருபக்கமா? விளக்கம் எழுதுவாரா தினமணியில்?

தினமணியின் அந்தச் சிறப்புக் கட்டுரை என்ன கூறுகிறது?

தமிழிசை, தமிழ்க் கல்வி நீதிமன்றங்களில் தமிழ் என்றெல்லாம் முயற்சி செய்து முழு மனதோடு செயல்படுத்தாமல் விட்டுவிட்டு, முத்தாய்ப்பாக இப்பொழுது கோயில்களில் வழிபாடுகளில் தமிழ் மட்டும்தான் வேண்டும் என்று ஊடுருவ சிலர் முனைந்துள்ளனர் என்று குறிப்பிடப்பட்டுள்ளதே!

ஊடுருவுபவர்கள் யார்?

கோயில்களில் தமிழ்தான் என்று சொல்பவர்களா? சமஸ்கிருதம்தான் வழிபாட்டு மொழி என்பவர்களா?

தினமணி ஆசிரியர் தம் தாய்மொழி தமிழ்தான் என்பதை ஒப்புக் கொள்வதானால் கோயில்களில் ஊடுருவியது தமிழா - சமஸ்கிருதமா என்ற கேள்விக்கு முதலில் விடை சொல்லட்டும்.

சமஸ்கிருதம் இடைக்காலத்தில் ஊடுருவியவை என்பது தானே உண்மை?

இப்படி கோயில்களில் தமிழ் ஊடுருவியது என்று எழுதும் தினமணி ஏட்டின் ஆசிரியர்தான் இப்பொழுது தமிழ்மீது காதல் கொண்டு கசிந்துருகுகிறார் என்பதைக் கவனிக்க வேண்டும்.

அந்தக் கட்டுரை அத்தோடு நிற்கவில்லை மேலும் எவ்வளவுத் தளுக்காக எழுதுகிறது. அதையும் தெரிந்து கொண்டால்தானே வைத்திய நாதய்யர்வாள் எலியைப் பிடிக்க சாதுரியமாக சலனமில்லாமல் அடி எடுத்து வைக்கும் பூனையைப் போன்றவர்கள் என்பதைப் புரிந்து கொள்ள முடியும்.

மனதுக்கேற்ப பூஜை முறைகளில் தமிழைப் புகுத்தி விட்டால், காலப் போக்கில்  - மூலமும் வழக்கொழிந்து சிதைந்து மொத்தமும் வீணாகி விடும். அபாயம் உள்ளது (தீபம் அக்டோபர் 5 இதழ்) என்று தஞ்சை தமிழ்ப் பல்கலைக் கழக முந்தைய கோயில் களஞ்சியத் துறையில் பங்கு வகித்த வரான பூசை க. ஆட்சிலிங்கம்  கூறி யுள்ளாராம். மறுபடியும்  மறுபடியும் கோயபல்சு பாணியில் தமிழைப் புகுத்தி விட்டால்... என்று கூறுவதைக் கவனிக்க வேண்டும்.

தமிழைத் தாய்மொழியாகக் கொண்ட மக்கள் வாழும் தமிழ்நாட்டுக் கோயில்களில் தமிழ்  என்பதுதானே மூலம்? - இடையில் வந்ததுதான் ஊடுருவலாகவும், புகுத்தப்பட்டதாகவும் இருக்க முடியும்!

கோயில்களில் தமிழைப் பயன் படுத்தினால் காலப் போக்கில் மூலமும் வழக்கொழிந்து போகுமாம்.

உண்மையைச் சொல்லப் போனால் சமஸ்கிருதத்தைத் திணித்ததால்தானே தமிழர்களின் மூலம் சிதைந்து போனது?

பொருளைத் திருடியவன் திருடன் திருடன்! என்று கூவிக் கொண்டு ஓடித் தப்பிப்பது போன்ற தந்திரமும் சூழ்ச்சியும் தானே இது.

தினமணியின் அடுத்த பஞ்ச தந்திர கதையும் உண்டு - அதே கட்டுரையில் வடமொழி வேண்டும் என்று கூறு கிறவர்கள் தமிழுக்கு எதிரி களோ,வடமொழி வெறியர்களோ அல்லது சொல்லப் போனால் அவர் களில் பெரும்பாலானவர்களுக்கு அந்த மொழியே தெரியாது. தங்க ளுடைய முன்னோர்கள் செய்து வந்த காரியம் தங்களுக்குக் கெடுதலான தாகவோ அவமானத்தை ஏற்படுத்து வதாகவோ இருந்திருக்க முடியாது என்ற நல்ல நம்பிக்கையிலும், வழிபாடு என்பதில் ஆன்றோர்கள் கடைப் பிடித்த முறையே சிறந்தது என்ற நல்லெண்ணத்தாலும் தான் ஆதரிக் கிறார்கள். இதைத் தமிழுக்கு விரோத மான செயல் என்று கற்பிதம் செய்து  கொள்வது வருத்தத்தைத் தருகிறது என்கிறது தினமணியின் சிறப்புக் கட்டுரை.

ஆகா! எவ்வளவு உத்தமமான வாசகங்களும் வரிகளும்! சொல்லுகிற வர்களுக்கு வடமொழியே தெரியாதாம். ஆனாலும் அந்த மொழிதான் வேண்டும் என்கிறவர்களுக்கு உள் நோக்கம் கற்பிக்கக் கூடாதாம்.

அவர்களை அறியாமலேயே ஒரு சொல்லைப் பயன்படுத்தி உள்ளதைக் கவனிக்க வேண்டும்.

வடமொழி என்ற சொல்லைப் பயன்படுத்தி இருக்கிறார். இது ஒன்றே போதாதா - அவர்கள் மொழி வட மொழி; நம்முடையது தென் மொழி என்பதற்கு? கோயிலை விட்டுத் தள்ளுங்கள், -பொதுவாக தமிழ் என்றாலே அவர்கள் பார்வையில் நீஷ பாஷைதானே? பூஜை வேளையில் சங்கராச்சாரியார் தமிழில் பேச மாட்டார். ஏன் தெரி யுமா? தமிழ் நீஷபாஷையாம் பூஜை வேளையில் பேசினால் தோஷமாம்.

ஆட்சி மொழிக் காவலர் கீ. இராம லிங்கனாரே சங்கராச்சாரியார் காஞ்சீ புரத்தில் நடந்த நிகழ்வை ஒரு பேட்டி யின் மூலம் அம்பலப்படுத்தினாரே! (உண்மை 15.12.1980).

திருவையாறு தியாகராயர் குரு பூஜை நிகழ்ச்சியிலே தண்டபாணி தேசிகர் சித்தி விநாயகனே என்ற பக்திப் பாடலை தமிழில் பாடியதால் சந்நிதானம் தீட்டாயிடுத்து என்று அரியக் குடி இராமானுஜ அய்யங்கார் துள்ளிக் குதிக்கவில்லையா?

மேடையின் தீட்டைக் கழிக்க சுத்திகரிக்கச் சடங்குகளைச் செய்த பிறகுதானே பாடினார். அதனைக் கண்டித்து கலைஞர் அவர்கள் தீட்டாயிடுத்து என்று குடிஅரசு (9.2.1946) இதழில் எழுதியதுண்டே!

தமிழ் செம்மொழியாகி, கோவையில் திமுக ஆட்சியில் செம்மொழி மாநாடு நடத்தப்பட்டபோது அதன் குழு ஒன்றில் உறுப்பினராக இருக்க வேண்டும் என்று முதல் அமைச்சராக இருக்கக் கூடிய கலைஞர் அவர்கள் கேட்டுக் கொண்டும், அதில் பங்கு பெற எவ்வளவுக் கிராக்கிப் பண் ணினார். இதே தினமணி வைத்திய நாதய்யர்; அப்படிப்பட்டவர்தான் தமிழால் தமிழர்களை இணைக்கப் போகிறாராம். தமிழர்கள் விழிப்பாக  இருக்க வேண்டும் - ஏதோ இதன் பின்னணியில் சதி இருக்கிறது _ எச்சரிக்கை!

வழிபாடு என்பதும் ஆன்றோர்கள் கடைபிடித்தது  சிறந்தது என்ப தால்தான் வட மொழியைப் பிடித்துக் கொண்டு இருக்கிறார்களாம்.

தமிழர்களுக்கு ஆன்றோர்கள் யார்? தமிழர்களாகத்தானே இருக்க முடியும்? இதில் எங்கு வந்தது சமஸ்கிருதமும் - அதனைத் தாய்மொழியாகக் கொண்ட பார்ப்பனர்களும்? எப்படி எப்படி எல்லாம் பக்தி மயக்கப் பொடிதூவி தங்கள் சமாச்சாரத்தின் வாலை உள்ளே நுழைக்கிறார்கள் என்பதைக் கவனிக்கத் தவறினால் அவாள் விரித்த வலையில் விழ வேண்டியதுதான்.

இப்படி செய்வதைத் தமிழுக்கு விரோதமானது என்று கற்பனை செய்து கொள்வது வருத்தத்தைத் தருகிறதாம்.

கற்பிதம் செய்து கொள்வது யார்? மறுபடியும் மறுபடியும் தொடக்கத்தில் போட்ட அந்த பொய்யான பிள்ளை யார் சுழியை விடாமல் பிடித்துக் கொண்ட ஓடி வருவதில் நம் மக்களுக்கு கவனம் தேவை - தேவை.

நமது பண்புகளும் அடையாளமும் அழிந்து விடக் கூடாதாம் _- ரொம்ப சரி. தை பிறந்தால் வழி பிறக்கும் என்பது தமிழ்மொழி தை முதல் நாள்தான் தமிழ்ப் புத்தாண்டு என்பது தமிழர்களின் நிலை.

தமிழ்ப் பேரறிஞர்கள் சென்னை பச்சையப்பன் கல்லூரியில் 1929இல் ஒன்று கூடி எடுத்த முடிவுதான் அது.

தமிழ் அடையாளம் இவற்றைப் பற்றி அக்கறை உள்ளவர் போலப் பேசியிருக்கிறாரே தினமணி ஆசிரியர்.

தமிழறிஞர்களின் இந்தக் கருத்தை ஏன் ஏற்றுக் கொள்ள மறுக்கிறார்?

தினமணியின் தலையங்கம் என்ன கூறுகிறது!

தைத் திங்கள் முதல் நாள்தான் தமிழ்ப் புத்தாண்டு என்று அரசு அறிவித்து விட்டது என்பதால் சர்வதாரி ஆண்டு தை முதல் நாள்தான் பிறக்க வேண்டும் என்று கூறும் வேடிக்கை அரங்கேறுகிறது.

அரசு அறிவித்தது என்பதற்காக  சமயச் சடங்குகளை மாற்ற வேண்டும் என்று அழிச்சாட்டியம் செய்வதும், அதிகாரம் இருக்கிறது என்பதற்காக அந்த ஆணைப்படிதான் ஆலயங் களில் வழிபாடுகள் நடத்தப்பட வேண்டும் என்று கட்டாயப்படுத்து வதும் ஆட்சியாளர்களின் பாசிசப் போக்கை படம் பிடித்துக் காட்டுகிறது என்பது மட்டுமின்றி மக்களாட்சித் தத்ததுவத்தில் இவர்களுக்கு எந்த அளவுக்கு நம்பிக்கை இருக்கிறது என்பதையும் தெளிவுபடுத்துகிறது. (தினமணி தலையங்கம் 15.4.2008).

அறுபது தமிழ் ஆண்டுகளாம் - ஆனால் அந்த அறுபது ஆண்டு களில் ஒரே ஒரு பெயர் கூட தமிழில் கிடையாதாம் - ஆனாலும் அதைத் தான் தமிழ் ஆண்டுகள் என்று ஏற்றுக் கொள்ள வேண்டுமாம்.

நாரதனுக்கும், கிருட்டிணன் என்ப வனுக்கும் - (இரு ஆண்களுக்குப்) பிறந்த பிள்ளைகள்தான் இந்த 60 தமிழ் வருடங்கள் - இதனை ஏற்றுக் கொள்ளாமல் தை முதல் நாள்தான் தமிழ்ப் புத்தாண்டு தொடக்கம் என்று தமிழ் அறிஞர்களின் கருத்தை ஏற்று கலைஞர் அவர்களின் ஆட்சியில் சட்டம் செய்தால் அதற்குப் பெயர் பாசிசமாம் எப்படி இருக்கிறது?

பாசிசத்துக்கே புது விளக்கம் கொடுக்க ஆரம்பித்துள்ளது _  இந்தப் பார்ப்பனப் பிற்போக்குக் கும்பல்.

கலைஞர் அரசு அழிச்சாட்டியம் செய்கிறதாம்; 60 ஆண்டுகளுக்கு ஆபாசமான சமஸ்கிருதப் பெயர் களைச் சூட்டி தமிழர்களின் தலையில் சுமத்துபவர்கள் அழிச் சாட்டியம் செய்யாதவர்கள்; - தமிழர்கள் தங்கள் உண்மையைக் கோரினால் ஆரியப் பண்பாட்டுப் படையெடுப்பை எதிர்த் தால் அதற்குப் பெயர் அழிச் சாட்டியமாம்.

டில்லி தலைநகர் வாழ் தமிழர் களின் அகமணியாகப் போகிறதாம் தினமணி; தமிழர்கள் ஏமாந்து விடக் கூடாது.

டில்லி வாழ் தமிழர்களிடம் இவர் சூழ்ச்சி வலையை வீசினால் அங்குள்ள தமிழர்கள் அய்யர் வாளை நோக்கி சில கேள்விகளை எழுப்பிட வேண்டும்.

தமிழர்கள் வாழும் தமிழ்நாட்டுக் கோயில்களில் தமிழில் வழிபாடு என்பதுபற்றி உங்கள் கருத்தென்ன என்ற கேள்வியைக் கேளுங்கள். சமஸ்கிருத பெயர்களை கொண்டி ருக்கும் 60 ஆண்டுகள் பற்றி  உம் நிலைப்பாடு என்ன என்று வினா தொடுக்க வேண்டும்! - அப்பொழுது அய்யர்வாளின் சாயம் வெளுத்தே போகும்! போகும்!!

தினமணியை அகமணி ஆக்கு வதில் தப்பித் தவறிகூட - பகுத்தறிவு சிந்தனைபற்றிப் பேசி இருக்கிறாரா? மனிதனுக்கு அழகு பகுத்தறிவு தானே _  அதனை ஏன் தள்ளி வைக்கிறார்? காரணம் இருக்கிறது, ஆன்மீகப் பண்பை இழக்காமல் பார்த்துக் கொள்ளப்படுமாம் _ இந்த இடம்தானே இடிக்கிறது _ பகுத்தறிவுக்கு ஆங்கே இடம் எங்கிருக்கிறது? தினமணி ஆசிரியர் கூற்றுப்படி இறையுணர்வு இல்லாதவர்கள் தமிழர்கள் பட்டியலில் இடம் பெற மாட்டார்கள் அப்படித் தானே!

டெல்லியில் வாழும் உண்மைத் தமிழர்கள் திருவாளர் வைத்திய நாதய்யர் -_ திருவாளர் சோவின் சீடர் விரிக்கும் வலையில் விழ மாட்டார்கள் என்று எதிர்பார்க்கிறோம்.

மீசை வைத்துள்ள பார்ப்பனர் ஆயிற்றே என்று ஏமாந்து விட வேண்டாம்! லவுகிகப் பார்ப்பான் வைதிகப் பார்ப்பானைவிட ஆபத் தானவன் -  எச்சரிக்கை!

 ------------------ மின்சாரம் அவர்கள்  15-6-2013 “விடுதலை” ஞாயிறுமலரில் எழுதிய கட்டுரை