கிருஷ்ண ஜெயந்தியை ஒட்டிய செய்தியும், நம் சிந்தனையும்

கிருஷ்ண ஜெயந்தியை ஒட்டிய செய்தியும், நம் சிந்தனையும்

பிகார் பாட்னாவில் கிருஷ்ண ஜெயந்தியை முன்னிட்டு பள்ளி பிள்ளைகளிடம் கிருஷ்ணன் வேட போட்டி நடந்ததாம். அதில் கலந்து கொண்ட பிள்ளைகள் அனுமாரைப் போல முககவசம் அணிந்து கொண்டு கலந்து கொண்டனராம்.

மற்றொரு செய்தி - ஒரிசா குர்தா மாவட்டத்திலுள்ள கைபதார் பெண்கள் கல்லூரி மாணவிகள் ஈவ் டீசிங் செய்த இளைஞர்களை, ஒன்று சேர்ந்து, அந்த இளைஞர்களுக்கு மொட்டை அடித்து செருப்பு மாலை போட்டு ஊர்வலமாக அழைத்துச் சென்றனராம். இந்த இரு செய்தியையும் பார்ப்பன நாளேடு ஒன்றில் 13.-8.20-09 அன்று வெளியிடப்பட்டது.

பன்றி (வராக) அவதாரம் எடுத்து (பார்ப்பன) உலகத்தை காத்தவனால் ஆஃப்டிரால் பன்றிக் காய்ச்சலைக் கூட தடுப்பான் என்று பகவான் கிருஷ்ணன் பக்த கே()டிகள் நம்பத்தயாரில்லை. ஆனாலும் ஏமாளித் தமிழன் சிலர், சோ சூப்பரா கேள்வி கேட்டாண்டா என்று பார்ப்பனிய போதை தெளியாமல் பிதற்றித் திரிகின்றனர்.

தமிழினத் துரோக பார்ப்பனக் கூட்டத்தின் பிரதான பொறுப்பை பகிர்ந்து கொண்டுள்ள இலங்கைரத்னா இந்து ராம் போபர்சு ஊழலைக் குறித்து அக்குவேறு ஆணி வேறாக அலசி ஆராய்ச்சிக் கட்டுரைகளை எழுதிக் குவித்தவர். ஆனால் மாலேகான் குண்டுவெடிப்பில் பிரயாக்சிங் எனும் பெண் சாமியார், புரோகித் எனும் ராணுவ அதிகாரிகளின் இந்து பயங்கரவாத செயலை அலசி ஆராயும் செயலை செய்ய முன்வரமாட்டார். ஆனால் ஈழத் தமிழர்களையும், போராளிகளையும் கொச்சைப் படுத்துவார். கம்பிவேலிகளுக்குள் மிருகங்களைப் போல் அடைக்கப்பட்டுள்ள ஈழத் தமிழர்களின் இன்னலைக் கண்டு ராஜபக்சேவின் மனிதவிரோத செயலைக் கண்டித்து சிங்கள நீதிபதியும், சிங்கள அரசியல் தலைவர்களும் பேசிவரும் நிலையில் தமிழின துரோகி இந்துராம் போன்றோர் ரத்தவெறி இனவெறி ராஜபக்சேயிடம் மண்டியிட்டு இலங்கை ரத்னாவை வாங்கிக் கொண்டு, விலங்குகளைப் போல கம்பி வேலிகளுக்குள் அடைக்கப்பட்டுள்ள தமிழர்கள் வசதியாக இருக்கிறார்கள். என்ன... கழிப்பறை வசதி மட்டுமேயில்லை மற்றபடி நன்றாகவே உள்ளார்கள் என்று சொல்லியுள்ளனர். (நகரின் சுகாதாரம் கருதி குடியிருப்புகளிலேயே உலர் கழிப்பறைகளை கட்டிய வேளையில் அதுவரை மெரீனா கடற்கரையை திறந்த வெளி கழிப்பறையாக பயன்படுத்தி வந்த ஆரியப் பார்ப்பனர்கள் ஆங்கிலேயரை எதிர்த்தார்கள் என்பது வரலாறு.)

இதைக் கேட்கும் போது நடிகவேள் எம்.ஆர். ராதா அவர்கள்தான் நம் சிந்தையில் நிறைகிறார். பகுத்தறிவு பிரச்சாரக் கூட்டங்களில் பேசும்போது ராதா அவர்கள் கேட்பாராம் _ சாமி தின்பதற்கு சமைக்க கிச்சன் மடப்பள்ளிகளைக் கட்டியிருக்கிற, தின்னவன் கழிக்க கக்கூஸ் ஏன்டா கட்டலை, என்று கேட்டுவிட்டு ஓஹோ வராக அவதார விஷ்ணு அப்படியே நேரடியாக டெலிவரி வாங்கிக் கொண்டு போய்விடுமா என்று கேட்பாராம். ஆகமவிதிகளை அளந்துவிட்டு ஆதிக்கம் செலுத்தும் ஆரியப் பார்ப்பன கூட்டத்தின் பயித்தியக்கார வேலை போன்று அல்லவா இது உள்ளது என்பதை இந்து ராமிடம்தான் கேட்கவேண்டும்.

இயற்கை உபாதை போக்கத்தான் வசதியில்லை மற்றபடி எல்லாம் நல்லாயிருக்கு என்ற இந்துராம் அவர்களிடம் மற்ற மற்ற விவரங்களைப் பற்றிக் கேட்கும்போது அவைகளைப் பற்றி தனக்குத் தெரியாது என்கிறார். ஒன்றைப் பற்றி முழுமையாகத் தெரியாமல் கருத்துக் கூற முன்வருவதா பத்திரிகையாளருக்கு அழகு? பார்ப்பன துரோகத்தைத் தமிழர்கள் புரிந்து தெளிவார்களாக.

கம்பிவேலிகளுக்குள், உள்ள தமிழர்கள் மிருகங்களைப் போல நடத்தப்படுவதை சோதனை என்ற பெயரால் பலர் முன்னிலையில் பெற்றோர் முன்னிலையிலேயே ஆடைகளைக் களைவது என்ற காட்டுமிராண்டி செயல். காலைக்கடன் முடிக்கக்கூட வாய்ப்பில்லாத நிலையை, அதெல்லாம் சிறுசிறு குறைகள் என்கிறார், என்னே பார்ப்பனர்களின் மனிதநேயம், நாத்திகனுக்கு வைத்தியம் செய்யக்கூடாது என்ற மகா மகா பெரியவாலு சங்கராச்சாரியாரின் சீடர்தானே இந்த ராம். குருவைப் போல சீடர் இருப்பதில் வியப்பென்ன?

கம்சனின் தங்கையின் வயிற்றிலேயே கிருஷ்ணன் பிறந்து கம்சனை கொல்லுவான் என்பதை அறிந்த கம்சன் தங்கை தேவகியையும், அவளின் கணவன் வாசுதேவனையும் ஒரே சிறையில் அடைத்தானாம். தேவகிக்குப் பிறந்த 7 குழந்தைகளை, சிசுக்களைக் கொன்றானாம். எட்டாவதாக பிறந்த கிருஷ்ணன் கம்சனைக் கொன்றானாம். அதோடு நின்றானா. வெண்ணெய் திருடினானாம். கோபிகாஸ்திரிகளை தேடிச் சென்று காமசேட்டைகள் செய்தானாம் என்று போகிறது கிருஷ்ண லீலைகள்!

ஈவ் டீசிங் எனப்படும் பெண்கள் மீதான காம கொடூர ஒழுங்கீனத்தின் கர்த்தா, ஊற்றுக்கண், மூலம் கிருஷ்ணனே என்பதை வாசந்திகள் விளக்க, அலச முன்வரமாட்டார்கள். காதலுக்கு வழிவைத்து கருப்பாதை சாத்த வழியொன்றை கண்டிடுவோம் என்று பாடினாரே புரட்சிக் கவிஞர், அந்த வாய்ப்பில்லாத, மருத்துவம் முன்னேறாத காலத்தில் இது போன்ற புராணங்கள் கணவன் மனைவியை வெவ்வேறு சிறையில் வைத்தாலே 7 சிசுக்களின் கொலையைத் தவிர்த்திருக்கலாம். சாதாரண மனிதர்களால் கண்டு பிடிக்கப்பட்ட நகலாக்கம் மருத்துவ முன்னேற்றம் இந்துக்களின் முழுமுதற் கடவுளான சர்வசக்தி மிக்க முக்காலும் உணர்ந்த விநாயகனுக்கு தெரியாததால்தான் தாயை போல தாரம் கேட்டு (படைக்க இயலாத காரணத்தால்) அரசமரத்தடியில் அனாதையாக உள்ளான்.

இது போன்ற மடத்தனங்கள் கடவுள்களின் கதைகளில் மண்டிக் கிடப்பதினாலேதான் அறிவுலக ஆசான் தந்தை பெரியார் அவர்கள் கடவுளை கற்பித்தவன் முட்டாள் என்றார். அது சரிதானே.

கோயிலுக்குச் செல்வோரில் பெரும்பான்மை பெண்களே, பாரத புண்ய பூமியில்! பெண்களின் அறியாமை தயவில் இந்து கடவுள்கள் கோயில்களில் உயிர் வாழ்ந்து கொண்டிருக்கின்றன. அந்த கோயிலுக்கு பெண்கள் அர்ச்சகராகக் கூடாதாம். அவ்வாறு சொல்பவரை காரணம் என்ன என்ற கேள்விக்கு, கோயிலின் புனிதம் கெட்டுவிடும் என்று பதில் சொல்லிவிட்டு சொன்னவன் சாதாரணமாக வெளியே நடமாட முடிகிறது என்றால் இம்மக்களின், குறிப்பாக பெண்களின் நிலை எண்ணி மனிதநேயம் உள்ள யாரும் சும்மாயிருக்க முடியுமா?

ஆனால் உள்ளூர் அரசியல் முதல் உலக அரசியல் வரை ஸ்பெசல் ரிபோர்ட் கொடுக்கும் துக்ளக் சோ, இந்து ராம், வாசந்தி, கல்கி, தினமலர் கூட்டங்கள் ஒரு நாட்டின், சமுதாயத்தின் முதன்மையான பங்கு வகிக்கும் பெண்களுக்காக குரல் கொடுக்கக் கூட முன்வராவிட்டாலும் பரவாயில்லை அவர்களுக்காக போராடுபவர்களை பேனாவில் பார்ப்பன நஞ்சு கலந்து அபத்தமாக எழுதுகின்றன.

ஆண்டவன்முன் அனைவரும் சமம் என்பார்கள். அனைத்து ஜாதியினரும் அர்ச்சகராக சட்டம் கொண்டு வந்தால் இந்துக்களே ஒன்று கூடுங்கள் என்று ஓங்கி முழக்கமிடும் கூட்டம்தான் அதற்கு முட்டுக்கட்டை போட முதலில் நிற்கிறது.

பிறப்பு இறப்பு இல்லாத கடவுள் என்பார்கள். ஆனால் கிருஷ்ணனுக்கு பிறந்த நாள் ராமன், விநாயகருக்கும் அதே கூத்து. இது குறித்து டீக்கடை பெஞ்சில் அந்துமணி மாமாவிற்குப் பேசத் தெரியாது. தனபாலுக்கு டவுட் வராது. தன் பணியாளரிடமே ஆபாச எஸ்.எம்.எஸ். அனுப்பிய அந்துமணி கும்பல்களால் சங்கரராமன் கொலை புகழ் காஞ்சி ஜெயேந்திர சங்கராச்சாரிகள் தலையில் வைத்துக் கொண்டாடப்படுகிறார்கள். பெண்கள் சுடிதார் அணிந்து செல்வது கூட இந்து கலாச்சாரத்திற்கு விரோதமானது என்று வன்முறையில் ஈடுபடுகின்றனர். அய்வருக்கும் தேவியாம் அழியாத பத்தினியாம், உடலில் நெய்யை பூசிக் கொண்டு கணவனை தவிர்த்து யாரோடும் உடலுறவில் ஈடுபடலாம் என்று எழுதியுள்ள புத்தகங்களை இந்துக்களின் புனித நூல் என்று சொல்லும் அதே கூட்டம்தான் நாகரிகம், கலாச்சாரம் குறித்து வாய்கிழிய பேசுகிறது. அதோடு பெண்கள் குளிக்குமிடத்திற்கு சென்று அவர்களின் ஆடைகளை எடுத்து வைத்துக் கொண்டு, அதைக் கேட்கும் பெண்களிடம் கைகளைத் தலைக்குமேல் கூப்பிக் கேளுங்கள் அப்போதுதான் தருவேன் என்று சொன்ன கலாச்சாரத்தின் பாதுகாவலனான கிருஷ்ணனுக்கு ஜெயந்தி கொண்டாடி மகிழ்கிறது அந்த கிருஷ்ணன் தான் இந்துக்களின் மும்மூர்த்திகளில் முதல்வனாம்.

மும்மூர்த்திகளில் வன்புணர்ச்சி செய்யாத கடவுள் இல்லை என்பது எத்தனை அப்பாவி இந்து என சொல்லிக் கொள்ளும் மக்களுக்கு தெரியும். மீனாட்சி எனும் கடவுளின் முலைப்பாலை அருந்திய ஞானசம்பந்தன் எனும் பார்ப்பன சிறுவனே பிஞ்சிலே வெம்பியவனாக பவுத்த சமண பெண்களை கற்பழிக்க வரம் கொடு, வரம் கொடு எனக் கேட்கிறான். கிராமங்களில் குடியானவர்கள் சண்டையிட்டுக் கொண்டால் உன் உடம்பில் நல்ல ரத்தம்ஓடினா இவ்வளவு கீழ்த்தரமாக பேசுவியா எனக் கேட்பதுண்டு.

கடவுளின் ரத்தத்தை நேரடியாக பாலாக அருந்திய பாலகனே இவ்வளவு ஆபாசமாக பேசினால் கடவுளின் யோக்கியதை தானாக விளங்கவில்லையா? தாயைப் போல பிள்ளை நூலைப் போல சேலை. ஆபாசத்தின் உச்சம், காமவிகாரமிக்க கடவுள்களின் புராணங்களை வைத்துக் கொண்டே ஆபாசத்தை பற்றிப் பேசும் ஆர்.எஸ்.எஸ். இந்து முன்னணி, ராம்சேனா, சிவசேனா, கூட்டங்கள் இவ்வளவு ஆட்டம் போடுகின்றன என்றால் இப்பார்ப்பனக் கூட்டம் வேறு என்ன பொய்புரட்டுகளை பேசத்தான் அஞ்சப் போகின்றன?

பெண்குழந்தைகள் வேறெங்காவது பிறக்கட்டும். ஆண் குழந்தைகள் இங்கே ஜனிக்கட்டும், என்பதுதான் இந்துக்களின் புனித நூல்! ப்ராமணஸ்திரிகளும் சூத்ரரர்களே என்று சொல்லும் இந்து மதத்தின் அடிமைதான் என்று சொல்லிக் கொள்வதில் பத்தாண்டுகள் முதலமைச்சர் அரசியல் பி.எச்டி. பட்டம் பெற்றவர் என பீற்றிக் கொள்ளும் பெண்ணுக்கே வெட்கமில்லை, தெளிவில்லை என்று சொன்னால் சாதாரண பெண்களைப் பற்றி என்ன சொல்வது வேதனைதானே.

அறியாமை இருளில் மூழ்கி, தன்மானமிழந்து நிற்கும் அவலங்களையும் தொண்டறத்தையும், நன்றிபாரா பணியையும் மேற்கொண்டிருக்கும் திராவிடர் கழகத்தின் செயல்பாடுகளை பாராட்ட மனமில்லாவிட்டாலும், உற்சாகப்படுத்தும் உணர்வு இல்லாவிட்டாலும் பரவாயில்லை. இன எதிரிகளுக்கு துணை போகலாமா? அறிவாசான் தந்தை பெரியார் அவர்களின் சிந்தனைகளை உள்வாங்கிக் கொண்டு, இந்த சமுதாயத்தை நேசிப்பவர்களால், சமூக நலனுக்கு பாடுபடத் துடிப்பவர்களால் ஆயிரமாயிரம் நூல்கள் வெளியிட முடியுமே. ஆனால் அற்பத்தனமான விளம்பரம் தேடி அலைபவர்கள், தந்தை பெரியார் அவர்களின் படைப்புகளை தனக்குப்பின்தான் எழுதிய புத்தகங்கள், பேச்சுகளே, வழிநடத்தும் என்று சொன்னதோடு சுயமரியாதை பிரசார நிறுவனம் என்று ஒன்றை ஏற்படுத்தி, அவை எப்படி செயல்பட வேண்டும் என்று வழிகாட்டிச் சென்ற பெரியார் அவர்களின் பேச்சுகளை எழுத்துகளை அப்படியே காப்பியடித்து மீண்டும் வெளியிடுவதில், என்ன உன்னத நோக்கம் இருக்கமுடியும். பெரியார் சொல்கிறார். கொள்கையில் சற்று முன்பின் இருந்தாலும் மன்னிக்கலாம். சரி செய்து கொள்ளலாம். ஆனால் கட்டுப்பாடு காக்க தவறியதை என்னால் மன்னிக்கவே முடியாது என்கிறார்.

நூற்றாண்டு விழா நாயகர் பேரறிஞர் அண்ணா அவர்கள் தனி இயக்கம் கண்டு கடமை, கண்ணியம், கட்டுப்பாடு என்பதே தாரக மந்திரம் என்றபோது தமிழ் தேசத்தின் (தன்மானத்) தந்தை, பெரியார் சொன்னார்: கடமை, கண்ணியத்தை இரண்டாவது மூன்றாவதாக வைத்துக் கொள்ளுங்கள். கட்டுபாடு முதலில் இருக்க வேண்டும். ஏனெனில், கட்டுப்பாடு குலைந்தால் எல்லாமே (முழுவதும்) கெட்டுவிடும் என்றார்கள். தந்தை பெரியார் அவர்களை முழுமையாகப் புரிந்து கொண்டு அவ்வழி நடப்பவர்கள் எவரும் சுயமரியாதை பிரச்சார நிறுவனத்திற்கு ஊறுவிளைவிக்க கருதவும் மாட்டார்கள்.

தந்தை பெரியார் அவர்களுக்குப் பின் அன்னை மணியம்மையார் அவர்களின் தலைமைக்குப் பின் இயக்கம் சிதறுண்டு போகாதா என்று நாவில் எச்சில் வழியக் காத்திருந்த பார்ப்பன நரிகளின் எண்ணத்தில் மண்ணைப் போட்டு அப்புவி முழுமையும் பெரியார் அறிவொளி பாய்ச்சும் வேலைத் திட்டத்தில் தன்னை ஒப்படைத்துக் கொண்டுள்ள தமிழர் தலைவர் அவர்களின் கரங்களுக்கு வலுசேர்ப்போம்.

இனஎதிரிகளின் சதிகளை முறியடித்தது போலவே

இனத்துரோகிகளின் துரோகச் செயலை முறியடிப்போம்!

தந்தை பெரியார் அவர்களின் கொள்கைகள் வெல்ல தமிழர் தலைவர் கி. வீரமணி வாழ்க, வாழ்க!

------------------- செ.ரா. முகிலன், காஞ்சிபுரம் -நன்றி:-"விடுதலை" 23-8-2009