மதம் யானைக்குப் பிடித்தாலும் , மனிதனுக்குப் பிடித்தாலும் ஆபத்தே!

மதம் பிடித்தால் ஆபத்தே! 

மதம் யானைக்குப் பிடித்தாலும் சரி, மனிதனுக்குப் பிடித்தாலும் சரி ஆபத்து ஆபத்துதான். மதம் என்றாலே வெறிதானே!

மதக் காரணங்களுக்காக உலகில் மனித ரத்தம் சிந்தப்பட்டதுபோல, வேறு காரணங்களுக்காகச் சிந்தப்பட்டதில்லை என்பது சரியான கணிப்புதான்.

இந்தியாவில் 450 ஆண்டுகால வரலாறு படைத்த பாபர் மசூதியை இடித்தவர்கள் மதம் பிடித்தவர் கள்தானே? குஜராத்தில் ஈராயிரம் பேர்களுக்கு மேல் படுகொலை செய்யப்பட்டதன் பின்னணியில் இருந்ததும் மதவெறிதானே!

ஒரு மதத்துக்குள்ளிருக்கும் பிரிவுகளுக்குமிடையே கூட கலவரங்கள் நடந்ததுண்டு - நடப்பதுண்டு.

ஈராக்கில் சதாம் உசேன் தூக்கிலிடப்பட்டதை முஸ்லிம்களில் ஒரு பிரிவினர் கொண்டாட்டம் போட்டதும் - இன்னொரு பிரிவினர் எதிர்ப்புக் காட்டியதும் அந்த வகையில்தான்.

எண்ணாயிரம் சமணர்களைக் கழுவில் ஏற்றியதும், அன்பே சிவம் என்று சொன்ன சக்திகள் தானே? இந்துக் கடவுள்களின் கைகளில் சூலாயுதம், வேலாயுதம் வைத்திருப்பதன் நோக்கம் என்ன? கொலைகாரன், கொள்ளைக்காரன் கைகளில் இருக்கவேண்டிய ஆயுதங்கள் கடவுள்களிடம் இருக்கின்றன என்று தந்தை பெரியார் அவர்கள் பொதுக்கூட்டங்களில் குறிப்பிட்டபொழுதெல்லாம் - பெரும் வரவேற்பு ஆரவாரங்கள்தான்.
இன்னும் சொல்லப்போனால், இந்துக் கடவுள்கள் சண்டை போட்டுள்ளன - கொலைகளைச் செய் துள்ளன - கற்பழித்துள்ளன என்பதற்கு எண்ணற்ற இந்துப் புராண - இதிகாசங்களிலே வண்டி வண்டியாக ஆதாரங்கள் உண்டு.

வேற்று மதங்களிலும் இந்த நிலை உண்டு. சிலுவைப் போர் என்பதெல்லாம் என்ன?

பாகிஸ்தானில் கிறித்துவ சர்ச்மீது தாக்குதல் நடத்தப்பட்டு 81 பேர் கொல்லப்பட்டுள்ளனர்.

இதே காலகட்டத்தில் கென்யாவில் என்ன நடந்து கொண்டு இருக்கிறது?

கென்யா தலைநகர் நைரோபியில் இஸ்ரேல் நிறுவனத்துக்குச் சொந்தமான வெஸ்ட் கேட் என்ற அங்காடியில் (ஷாப்பிங் மால்) கடந்த சனியன்று (21.9.2013) பயங்கர ஆயுதங்களுடன் தாக்குதல் தொடுக்கப்பட்டுள்ளது. 69 பேர் படுகொலை செய்யப்பட்டனர்; 200 பேர்களுக்குமேல் காயமடைந் துள்ளனர் என்று புள்ளி விவரம் கூறினாலும், அதற்குமேல்தான் எண்ணிக்கை இருக்கும் என்று கருதப்படுகிறது.

இதில் குறிப்பிடத்தக்கது என்னவென்றால், படுகொலை செய்வதற்குமுன் அவர்கள் எந்த மதத்தைச் சேர்ந்தவர்கள் என்ற விசாரணைகூட நடைபெற்றுள்ளது. பாத்திமா என்ற ஒரு பெண் கூறியுள்ளது கவனிக்கத்தக்கது.

தீவிரவாதிகள் என்னிடம் இஸ்லாம் மதத்தின் கோட்பாட்டைக் கேட்டனர். அதனைக் கூறியதும், என்னை விடுவித்தனர்; ஆனால், என் அருகில் இருந்தவரால் அதைச் சொல்ல முடியவில்லை என்ப தால், அவரைச் சுட்டுக் கொன்றனர் என்று கூறியுள்ளார்.

மத அடிப்படைவாதிகள் இப்படித்தான் இருப் பார்கள் என்று வேண்டுமானால் சமாதானம் கூறலாமே தவிர - மதம் மக்களுக்குக் கண்ணியமாக எதனைப் போதித்து இருக்கிறது?  நடைமுறையில் மத உணர்வுகளுக்கு ஆட்பட்டவர்களின் சிந்தனை, எண்ணவோட்டம் எப்படி இருக்கிறது என்பதுதான் முக்கியம்.

மதம் இல்லாவிட்டால் மனிதன் வாழ முடியாதா? மத நம்பிக்கையற்றவர்கள் சரியாக சிந்தித்து சரியான திசையில்தானே பயணிக்கிறார்கள்.

பொருள் செலவு இல்லை. நேரக்கேடு இல்லை; வீண் சடங்குகள் இல்லாததால் பொருளாதாரக் கண்ணோட்டத்தில் பார்த்தாலும்கூட லாபகர மாகத்தானே இருக்கிறது.

இன்றைய காலகட்டத்தில் மதம் வழிகாட்ட என்ன இருக்கிறது? புதுமைகள் நாளும் பூத்துக் குலுங்கு கின்றன - புதிய சிந்தனைகள் அன்றாடம் பிறந்துகொண்டுதானிருக்கின்றன.

தான் உண்டு; தன் குடும்பம் உண்டு என்ற கடுகுள்ளத்தைத் துறந்து மனிதாபிமானத்துடன் பிறருக்கும் உதவி செய்து, தொண்டு மனப்பான் மையுடன், எல்லார்க்கும் எல்லாமும் என்ற சிந்தனை யுடன் வாழ்ந்திட வழிகூறும் பகுத்தறிவு எந்த மதத்தையும்விட உயர்ந்தது என்பதை உணர்ந்திட என்ன தடை?

எந்த காலத்திலோ எந்தச் சூழலிலோ உரு வாக்கப்பட்ட மதங்கள் இன்றைய சமூகத்துக்கு உதவும் என்று நினைப்பது அசல் பத்தாம் பசலித்தனமே!

மதத்தை ஒட்டி வாழ்ந்த யுகத்துக்கு விடுமுறை கொடுத்து, மதமற்ற உலகை உருவாக்கி வாழ்ந்து பார்ப்போம் - வாருங்கள்!

                      ------------------------------"விடுதலை” தலையங்கம் 25-9-2013