பிரிட்டிஷார் செய்த கெடுதியைவிட பார்ப்பனர்கள் செய்த கெடுதி குறைந்ததல்ல

பிராமணர்களைப் பார்த்த மக்கள் எல்லாரும் பிராமணர்களாகப் பார்க்கிறார்கள். பிராமணர்கள் என்றால் மற்றவனைத் தாழ்ந்தவன் என்றும் தொடக்கூடாதவன் முதலியவன் என்று எண்ணுவதுதான் என நினைக்கிறார்கள்.

உதாரணமாக ஒரு தண்ணீர் குழாயில் தண்ணீர் பிடிக்கவரும் ஒரு பிராமண ஸ்திரீ குடத்தில் கொஞ்சம் தண்ணீரும் கையில் கொஞ்சம் புளியும் கொண்டு வருவதோடு முகத்தையும கோணிக்கொண்டு வருகிறாள். குழாயண்டை வரும்போதே நிலத்திலெல்லாம் தண்ணீர் தெளித்துக்கொண்டு குழாயின் மேலும் தண்ணீரைக் கொண்டு புளியால் குழாயை தேய்த்து கழுவியபிறகு தண்ணீர் பிடிக்கிறாள். இதைப் பார்த்துக் கொண்டிருக்கும் ஒரு பிராமணரல்லாத இந்து ஸ்திரி தானும் அரைக்குடம் தண்ணீரும் கையில் ஒரு புளி உருண்டையும் கொண்டு முகத்தை இழுத்துக்-கொண்டு ஷ பிராமணிஸ்திரி செய்தது செய்தது போலவே செய்துவிட்டு தண்ணீர் பிடித்துக்கொண்டு போகிறாள். இதைப் பார்த்துக் கொண்டிருக்கும் பக்கத்து வீட்டு மகமதிய ஸ்திரீயும், கிருஸ்தவ ஸ்திரீயும் அதுபோலவே வரும்பொழுதே முக்கால் குடம் தண்ணீரையும் முன்னையதிலும் பெரிய புளி உருண்டையையும் கொண்டு முகம் கோணிக்கொண்டு வருவதோடல்லாமல் வாயில் முணுமுணுத்துக்கொண்டே வந்து தெருவெல்லாம் தண்ணீர் தெளித்து குழாயையும் தேயத்தேய கழுவித் தண்ணீர்பிடித்துப் போகிறாள். பஞ்சம ஸ்திரீ அந்த வீதியில் இல்லாததால் அவர்கள் இதைப்பழக சந்தர்ப்பம் கிடைப்பதில்லை. இப்படி ஒருவரைப் பார்த்து ஒருவர் பழகியே தீண்டாமையென்னும் தொத்துநோய் தேசம் முழுவதும் பரவிவருகிறது.

தீண்டாமை ஒழிய வேண்டும் என்று மகாத்மா காந்தியும் மற்றும் பல ஜீவகாருண்-ணிய முள்ளவர்களும் ஒரு பக்கம் பிரயத்தனப்பட்டுக் கொண்டிருக்கும் போது பாலக்காடு முனிசிபல் பொது வீதியில் ஈழுவ சகோதரர்கள் நடக்கக்கூடாது என்று 144 உத்திரவு போட்டதும், (ஈழுவர்கள் என்பது சென்னை ஹைகோர்ட் ஜட்ஜ் ஸ்ரீமான். சி.கிருஷ்ணன் அவர்களுடைய ஜாதியார்தான்) எவ்வளவு அக்கிரமமாகும். இதை நாம் யார் பேரில் சொல்லுவது. இதற்கு பிரிட்டிஷ் அரசாங்கத்தார் எந்த விதத்தில் காரணமாவாகள்? பிராமண அரசாங்கத்தார் தானே இவ்வக்கிரமங்களுக்கும், கொடுமைக்கும், பாத்திரமாக வேண்டும். இந்த பிராமண அரசாங்கம் தொலைய வேண்டும். இந்த பிராமண தர்மம் தொலையவேண்டும் என்று பாடுபடுவதை விட மக்களுக்கு வேறு என்ன தேச சேவையிருக்கிறது? இதைவிட வேறு ஜீவகாருண்யம் என்ன இருக்கிறது? இதைவிட வேறு தர்மம் என்ன இருக்கிறது? இதை அறிந்துதான் தேசபந்து தாசர் என்னுடைய சுயராஜ்யம் பிராமண ஸ்திரீகளைப் பிடித்து தீண்டாதாருக்கு கொடுப்பதுதான் என்றார் போலும்! இதை அறிந்துதான் சர்.பி.சி.ரெ. அவர்கள் பிராமணர்களை எல்லாம் சாக்கில் போட்டுக்கட்டி வங்காளக்குடாக் கடலில் போடவேண்டும் என்று சொன்னார்கள் போலும்! சுவாமி விவேகாநந்தர் பிராமண மதம் இருக்கும்வரை இந்தியா அடிமைத்தனத்திலிருந்து மீளாது என்று சொன்னார் போலும்! மகாத்மா காந்தி - இந்தியாவுக்கு பிரிட்டிஷார் செய்த கெடுதியைவிட பிராமணர்கள் செய்த கெடுதி குறைந்ததல்ல வென்று சொன்னார் போலும்! சுவாமி சிரத்தானந்தர் இந்த மதத்திற்கு நாசத்தை விளைவித்தவர்கள் பிராமணர்தான் என்று சொன்னார் போலும்! - இனி யார் இவர்களுக்கு நற்சாஷிப் பத்திரம் கொடுக்க வேண்டுமோ? தெரியவில்லை! இவர்கள் தான் சட்டசபைக்கும், மந்திரிவேலைக்கும், தாலுக்கா போர்டு, முனிசிபாலிட்டிக்கும், சர்க்கார் உத்தியோகங்-களுக்கும் போய் நமக்கு நன்மை செய்பவர்களாம்!

------------------- தந்தைபெரியார் - "குடிஅரசு" 22-11-1925