தோழர்களே! சாகத் துணிவு கொள்ளுங்கள்! - பெரியார்

தோழர்களே! சாகத் துணிவு கொள்ளுங்கள்!

இந்த திராவிட வாலிபர் சங்க ஆண்டு விழாவுக்குத் தலைமை வகித்து தலைமை முன்னுரை நிகழ்த்துவது என்கின்ற சம்பிரதாய நிகழ்ச்சிப்படி நான் ஏதாவது பேசவேண்டும். அப்படிப் பேசுவதில் திராவிடர் என்பதுபற்றியும், நீங்கள் பெரிதும் இளைஞர்கள் ஆனதால் நானும் முதியோனாய் இருப்பதால் உங்களுக்குச் சிறிது அறிவுரை வழங்குவது என்கின்ற தன்மையிலும் சில வாக்கியங்கள் சொல்வது பொருந்துமெனக் கருதுகிறேன்.

நாம் திராவிடர் -

நாம் நம்மைத் திராவிடர் என்று ஏன் சொல்லுகிறோம்?

இந்தநாடு திராவிட நாடு, நாம் இந்நாட்டு மக்கள், இந்நாட்டுப் பழங்குடி மக்கள், இந்நாட்டில் மேன்மையாய் நாகரிகத்தில் சிறந்து மானிகளாய் வீரர்களாய் வாழ்ந்தவர்கள், வீரத் திராவிடர்கள் என்ற பெயரைச் சரித்திர காலத்திற்கு முன்னிருந்து உடைய்த்தாய் இருந்தவர்கள், ஆதலால் திராவிடர்கள் என்கிறோம், இதை நானாக அல்லது நானே சொல்லவில்லை. இது இன்று மாத்திரம் சொல்லப்படவில்லை. இந்த நாட்டுச் சரித்திரம், ஏன்? உலகச் சரித்திரம் தெரிந்த காலம் முதலாய் ஆராய்ச்சி நிபுணர்களான பல அறிவாளிகளால் கண்டுபிடிக்கப்பட்ட உண்மையும் இன்றும் பள்ளிப் பிள்ளைகளுக்கு வழங்கும் சரித்திர நூல்கள் முதல் புராணங்களில் குறிப்பிட்டு இருக்கும் கற்பனை, பழிச்சொற்கள் என்பவைகள் வரையில் காணப்படும் சேதிகளுமாகும்.

பழைமைகள், பழமை சம்பவங்கள், காட்சி சாலை களுக்கும், நேரப் போக்குப் பரிகாசத்துக்கும் சென்று கொண்டிருக்கும் இந்தப் புத்துலகில் பழங்காலச் சரித்திரத்தையும் பரிகசிக்கும் புராணத்தைப் பற்றியும் கூட ஏன் சொல்லுகிறேன் என்று கேட்பீர்கள். அந்தமாதிரி அதாவது, நம்மைப்பற்றி நம் முன்னைய நிலையைப் பற்றி மேலே நான் சொன்னமாதிரியாய் இருந்து நாம் இன்று எந்தமாதிரியில் இருக்கிறோம்? பழமை நிலைமை யும் இயற்கையும் முற்போக்கில் மாற்றப்பட்டு இருக்கிறதா பிற்போக்கில் பின்னும் மோசமான நிலைமையில் கொண்டுபோய்த் தள்ளி இருக்கிறதா என்பதை சிந்திக்கவும், நாம் அதைவிடச் சிறிதாவது மேன்மையும், மனிதத்தன்மையும் அடைந்திருக் கிறோமா அல்லது கீழ்மையும், இழிநிலையும், மானமற்ற தன்மையும் அடைந்திருக்கிறோமா என்பதை உங்கள் கவனத்திற்குக் கொண்டு வந்து மேலால் என்ன செய்ய வேண்டும் என்று சிந்திப்பதற்கும் ஆகவேயாகும்.

நாம் சூத்திரர்களா?

நாம் பிறவியிலோ, தன்மையிலோ, தகுதியிலோ சூத்திரர்களாக இருந்தவர்கள் அல்ல; உண்மையில் அல்ல. பின் நாம் யார்? என்றால் வீரத்திராவிடர்கள் ஆவோம். எப்பொழுது முதல் என்றால் முன் நான் சொன்னபடி உலக சரித்திரம் மனிதநூல் ஆகியவை எட்டியகாலம் முதல் என்பேன். இவை வெறும் வார்த்தையால் மாத்திரம் அல்ல. நாடு, இனம், பண்பு, நடைமுறை ஆகியவைகளால் இயற்கையைத் தழுவி திராவிடர்களானவர்கள். நமது இந்த முடிவு இதுவரை யாராலும் மறுக்கப்படவில்லை, நம் எதிரிகளாலும் மறுக்கப்படவில்லை. இந்த உணர்ச்சி நமக்குக் கூடாது என்று சொல்லும் சுயநல சமயசஞ்சீவிகளாலும் கூட மறுக்கப்படவில்லை. ஆனால் நாம்தான் நாம் திராவிடர் என்று சொல்லிக்கொள்ள, நம்நாடு திராவிடம் என்று சொல்லிக்கொள்ள, நாம் சூத்திரர்கள் அல்ல என்று சொல்லிக்கொள்ள வெட்கப்படுகிறோம்.

எப்படி மானமும், சுதந்திர உணர்ச்சியும் அற்ற ஒர் பெண் மற்றொரு ஆண்மகனைக் கண்ணால் பார்ப்பதால் கற்புப் போய்விடுமென்று கருதிப் பயப்படுகிறாளோ, பார்க்க வெட்கப்படுகிறாளோ அதுபோல் நாம் திராவிடர் என்று சொல்லிக் கொண்டால் நமது மதம் போய்விடும், தேசியம் போய்விடும், செல்வாக்குப் போய்விடும் என்று பயப்படுகிறோம், வெட்கப்படுகிறோம். எந்தக் காரணத்தாலேயோ நாம் சூத்திரர்கள் என்பதாக ஆக்கப்பட்டிருந்தாலும் இன்றும் சூத்திரர்களாக அதுவும் நாம் மாத்திரமல்லாமல் நம் இன்றைய ராஜாக்களும், மகாராஜாக்களும், பண்டார சன்னதிகளும், ஜமீன்தாரர்களும், ஆயிரக்கணக் கான வேலி நிலமுள்ள மிராசுதாரர்களும், பல கோடி ரூபாய் செல்வமுள்ள ராஜா, சர் முதலியவர்களும் சூத்திரர்களாக இருக்கவும் நடத்தப்படவும் இதுதான் (நாம் திராவிடர் என்று உணராததும், உணர்ந்தாலும் சொல்லிக்கொள்ளப் பயப்படுவதும்) காரணமாகும். ஆனால் இந்த இழிவு அவர்களுக்கு (அப்படிப்பட்ட பெரியவர்களுக்கு) மிக சகஜமாகி விட்டது. எப்படியோ அவர்களை அவர்களது ஆசாபாசம் அவர்களுக்குச் சகிப்புத்தன்மையை உண்டாக்கிவிட்டது. நமக்குப் பட்டம் இல்லை, பதவி இல்லை, செல்வம் இல்லை இவை பற்றிய மானமற்ற பேராசை இல்லை. எனவே நாம் ஏன் திராவிடன் என்பதை மறந்து மறைத்துக்கொண்டு நம்மைச் சூத்திரன் என்பதாகக் காரியத்தில் ஆதாரத்தில் ஒப்புக்கொள்ள வேண்டும்?

சூத்திரன் என்றால் என்ன?

சூத்திரன் என்பது தாசிமகன், ஆரியர்களின் அடிமை; ஆரியநலத்துக்கு ஆக, ஆரியர்களின் மேன்மை வாழ்வுக்காக இருப்பவன், இருக்க வேண் டியவன், இருந்தும் வருகிறவன் என்பதாகும். இதுதான் அந்த வார்த்தையின் அருத்தம். சாஸ்திரம் கடவுள் என்பவற்றின் வாக்குமாகும். ஆனால் உண்மையில் நாம் அப்படிப்பட்டவர்கள் அல்லாதவர்களாக இருக்கும்போது அந்தப் பெயரை ஏன் நமக்கு இருக்க விடவேண்டும்? என்று கேட்கிறேன்.

தோழர்களே, இக்காலத்தில் உண்மையான ஒரு தாசிமகனையே பாருங்கள். தனது தாய் தாசி என்றும், தனது வீடு, வாசல், செல்வம் தாசித்தனத்தால் வந்த தென்றும் தெரிந்தவன்கூட அவனது சுயமரியாதைக் கொதிப்பால் தாசியே உலகில் இருக்கக்கூடாது சட்டத் தில் இருக்கக் கூடாது, தன் தாய் வீட்டிற்குள்ளும் வேறொரு பயல் அவன் ஜமீன்தாரரானாலும், அவன் குருவானாலும், ஆச்சாரியானாலும், கோடீஸ்வரன் ஆனாலும் வரக்கூடாது என்று தன் தாயைச் சகோத ரியைக் கண்டிக்கிறான். வருகிறவனையும், ஏன்? வந்து கொண்டிருக்கிறவனையும் விரட்டி அடிக்கிறான், அநேகமாய் அடித்துத் துரத்தியே விட்டான். இத்த னைக்கும் அவர்களுக்குத் தேவ அடியார்கள், தேவ தாசிகள் என்று பெயர் இருந்தும் கூட. ஆனால் நம் சுயமரியாதை என்ன என்று பாருங்கள், நாம் வேசி மக்கள், அடிமை (சூத்திரர்) என்று அழைக்கப்படுகிறோம். அப்படி நம்மை அழைப்பவர்களைச் சாமி என்கிறோம். அப்படிப்பட்ட வர்களை நம்மிலும் மேலானவர்களாகக் கருதி வைதிகக் கருமங்களை (முட்டாள்தனமான, இழிவு தரும்படியான காரியங்களை) அவர்களைக்கொண்டு செய்வித்துக் கொள்கிறோம்.

அதையே வலியுறுத்தும் மார்க்கத்தை, சமயத்தைச் சேர்ந்தவர்கள் என்று நம்மை சொல்லிக் கொள்ளு கிறோம் வாயால் சொல்லிக்கொள்ளுவது மாத்திரமல் லாமல் மற்றவர்களுக்கும் தெரியும் படியான குறி களையும் (ஏதாவது ஒரு அடையாளத் தையும்) அணிந்துகொள்ளுகிறோம். இந்த பேதத்தையும், இழிவையும் மானமற்ற உணர்ச்சியையும் நிலை நிறுத்துவதும், பெருக்கிக் கொள்வது மான காரியங்களை நமது ஆத்மீக, லவுகீக காரியமாய்க் கருதிச் செய்து வருகிறோம். இது நியாயமா? நமக்கு இது தகுதியா? அதுவும் இந்த 20ஆம் நூற்றாண்டில் தகுமா? இதைப் பொறுத்துக் கொண்டு உயிர் வாழலாமா? என்று யோசித்துப் பாருங்கள்.

உன் சொந்த இழிவை, ஈனத்தை நீக்கிக்கொள்ளாத நீ நாட்டுக்குச் சுதந்திரம், மனித சமுதாயத்திற்கு விடுதலை ஏழைகளுக்குச் செல்வம், உண்டாக்கப் பாடுபடுகிறேன் என்றால் உன்னைவிட மடையனோ அல்லாவிட்டால் அயோக்கியனோ அல்லாவிட்டால் பித்தலாட்டக்காரனோ வேறு யார் இருக்கமுடியும். திராவிடனுடைய சரித்திரத்தில் இந்த இழி தன்மை என்றும் இருந்ததாகக் காணப்படவில்லையே!

எது தேசியம்? எது விடுதலை?

ஆயிரக்கணக்கான எச்சிலிலை கழியும் ஓட்டலுக்குள் சென்று சமமாய் இருக்க அனுமதி யில்லை. நீ பத்து லட்சக்கணக்காக செலவழித்துக் கட்டி வருஷம் லட்சக் கணக்கான செலவு செய்து பூஜை உற்சவம் செய்துவரும் கோவிலுக்குள் சென்று பிச்சை எடுத்துப் பிழைக்கும் உச்சிக்குடுமி மக்களுடன் சரிசமமாய் நின்று பிரார்த்திக்க உரிமை இல்லை என்பதாக இருந்துவரும், நடத்தப்பட்டு வரும் மக்களுக்கு தேசியமா? சுயராஜ்ஜியமா?

உண்மைத் திராவிடன் இப்படிப்பட்ட எச்சிலிலை மண்டபங்களையும், கோவில்களையும் நிர்துளியாக்கு வதையல்லவா தேசியம் சுயராஜ்ஜியம் என்று எண்ண வேண்டும்?

இன்றைய தினம் இந்த நிலையைப் பொறுத்துக் கொண்டு, இதை மாற்ற வேலை செய்பவர்களையும் எதிர்த்துத் தொல்லை விளைவித்துக்கொண்டு தேசியம், சுயராஜ்ஜியம், விடுதலை, சுதந்திரம் பேசும் திராவிடன் எவனானாலும், தம்மைச் சிறிதாவது திராவிட ரத்தம் ஊசலாடும் திராவிடன் என்று கருதுகிற எவனானாலும் அவன் எல்லாம் நம் எதிரிகளின் அதாவது வெள்ளை ஆரியர், தவிட்டு நிற ஆரியர் ஆகிய இரு கூட்டத்தினரின் லைசென்சு பெற்ற அடிமைகள் அல்லது நம்மைக் காட்டிக்கொடுக்கும் ஒற்றர்கள் என்று தூக்குமேடையில் இருந்துகொண்டு கூறுவேன்.

எது பொதுவுடைமை, இன்றைய பொது உடைமைக் காரர்கள் என்பவர்களின் யோக்கியதைதான் என்ன? வெங்கடா சலபதிக்கு (ஒரு கருங்கல் பொம்மைக்கு) பத்து லட்ச (10,00,000) ரூபாயில் கிரீடமா? மற்றும் பல குழவிக்கல், தாமிர பொம்மை ஆகியவைகளின் பேரால் நடக்கும் அட்டூழியங்களைப் பாருங்கள். ஊர்தோறும் கோவில், மணிதோறும் பூஜை, மாதந்தோறும் உற்சவம், வருஷந்தோறும் சாமி திருமணமா? இவைகளுக்குப் பண்டு எவ்வளவு? பண்டம் எவ்வளவு? பூசாரி பண்டார சன்னதி எவ்வளவு? எனவே நம் நாட்டு, இனத்தின் அறிவு, செல்வம், முயற்சி எதில் மண்டிக் கிடக்கின்றன? நம்மவர்களே ஆன கிருபானந்த வாரிகள், திருநாவுக்கரசுகள் ஆகியவர்கள் காலட் சேபமும், இசை அரசுகள் சங்கீதங்களும், நாடக மணிகள் நாடகங்களும், சினிமாக்களும், பண்டித மணிகள் வித்துவத் தன்மைகளும் இன்று எதற்காகப் பயன்படுகின்றன? இவைகள் பொதுவுடைமையின் எதிரிகள் அல்லவா? இவர்கள் எல்லோரும் தனி உடைமைக்காரர்களின் நிபந்தனை இல்லாத அடிமைகள் அல்லவா? இவைகளை அச்சுக் குலை யாமல் அசைய விடாமல் காப்பாற்ற இடம் கொடுத் துக்கொண்டு பணக்காரனைப் பார்த்து ஆத்திரப் பட்டால், குரைத்தால், பாமரத் தொழிலாளிகளை ஏமாற்றினால் பொது உடைமை ஆகிவிடுமா?

காங்கிரஸ்

காங்கிரஸ், தேசிய விடுதலைக்காரன் யோக்கி யதைதான் என்ன இதைவிட மேலானதாகிவிட்டது. எந்தத் தேசியவாதி இந்தப் பக்கம் திரும்பினான், எந்தப் பொதுஉடைமை மாநாட்டில் எந்த தேசிய மாநாட்டில் இந்த தன்மைகளை பொசுக்கிப் பொங்கல் வைக்கவேண்டுமென்று பேசப்பட்டது? தீர்மானங்கள் செய்யப்பட்டது? நினைக்கப்பட்டது? இந்த மகா உத்தமர்கள் எங்களை குறை சொல்லுவதெதற்கு? அரசாங்கத்தைத்தான் குறை சொல்லுவதெதற்கு? அரசாங்கம் இப்படியெல்லாம் செய்யச் சொல் லுகிறதா? அல்லது இவைகளைப் பற்றிப் பேசுவது ராஜத்துரோகமா? காப்பிக் கடைக்குள், கோவிலுக் குள் முன் மண்டபத்தில் பறையனை, சூத்திரனை விடக்கூடாது என்று எந்த அந்நிய ஆட்சி சட்டம் செலுத்தியது? கோவிலுக்குக் கூத்தியை வைக்கச் சொல்லி, கடவுளைத் தாசிவீட்டுக்கு அழைத்துப் போகச் சொல்லி, கல்லுக்குத் தங்கத்தில் கவசம் போட்டு வைரத்தில் கிரீடம் வைக்கச் சொல்லி எந்த அடக்குமுறை, சுரண்டல் அந்நிய ஆட்சி சொல்லிற்று?

எங்கள் கோபம்

இன்று எது ஒழிய வேண்டும்,யார் வெளியேற வேண்டும், எது மாற வேண்டும்? இவை அறியாத மக்களும், சுயநலவாதிகளும், சமயசஞ்சீவிகளும், வயிற்றுப்பிழைப்பு, பொதுஉடைமை, தேசபக்தர் குழாங்களும் எங்களை ஏன் கடிய வேண்டும். எங்களுக்கு எந்தப் பார்ப்பான் மீது கோபம்? எந்தக் கடவுள் மீது கோபம்? எந்தத் தலைவன் மீது கோபம்? எந்த ஜாதி மீது கோபம்? எந்த வெள்ளை யனிடம் அன்பு? தோழர்களே! பித்தலாட்டத்தின் மீது கோபம், முட்டாள்தனத்தின் மீது கோபம், ஏமாற்றுகிறதன்மை மீது கோபம், எங்களை இழிவுபடுத்தியும், முன்னேற வொட்டாமலும் செய்து வைத்து இருக்கும் சகலத்தின் மீதும் கோபம், இவைகளுக்கு ஆதரவளிப்பதால் வெள்ளையன் மீதும் கோபம்.

ஆகவே, எங்களை காங்கிரஸ்காரர்களும், பொது உடைமைக்காரர்களும் மற்றவர்களும் ஏன் கோபிக்க வேண்டும். ஏன் தொல்லை கொடுக்க வேண்டும்?

எங்களைத் தொல்லை கொடுப்பவர்கள் சுரண் டல்கார எங்கள் எதிரிகள் அல்லது அவர்களது நிபந்தனை அற்ற அடிமைகள் என்பவர்கள் அல்லாமல் வேறு யாராய் இருக்க முடியும்?

இளைஞர்களே! நடப்பது நடக்கட்டும் என்று நீங்கள் எதற்கும் துணிவு பெற்றுத் தொண்டாற்றவேண்டிய காலம் இது. நீங்கள் அடிபடவேண்டும். காயப்பட வேண்டும். கும்பல் கும்பலாகச் சிறைப்பட நேரிட்டாலும் மனம் கலங்காமல் நிற்கும் துணிவு பெறவேண்டும். இதற்குத் தான் திராவிட இளைஞர் கழகம் இருக்க வேண்டும்.

நாடானது விடுதலை, சமதர்மம், முன்னேற்றம், சீர்திருத்தம், கலை, கல்வி, தேசியம் என்னும் பேர்களால் மிக்க அடிமைத்தனத்திற்கும், காட்டு மிராண்டிதனத்துக்கும் போய்க்கொண்டு இருக்கிறது. வேசிக்கும் விபசாரிக்கும் தேவர் அடியாள் என்று பெயர் இருப்பதுபோல் நாட்டின் மனித சமுதாயத்தின் இழிவுக்கும், கீழ்மைக்கும், ஏழ்மைக்கும், அடிமைக்கும் அயோக்கியர்கள் ஆதிக்கத்திற்கும் மேற்கண்ட விடுதலை முதலிய பெயர்கள், ஸ்தாபனங்கள் இருந்து வருகின்றன.

தோழர்களே! துணிவு கொள்ளுங்கள், சாகத் துணிவு கொள்ளுங்கள். உங்கள் சொந்த வாழ்வு நலத்தையும், மானத்தையும் விட்டுத் தொண்டாற்றத் துணிவு கொள்ளுங்கள். இதுதான் இன்றைய திராவிட வாலிபர் கழக ஆண்டு விழாவில், இனி வெகுகாலம் வாழப்போகும் மக்களாகிய உங்களுக்குச் சாகப்போகும் கிழவனாகிய நான் வைத்துவிட்டு போகும் செல்வமாகும்.

உன் சொந்த மானத்தை விட்டாகிலும், உன் இன ஈனத்தை ஒழிப்பதற்குத் தொண்டு ஆற்று. உன் இனத்தின் இழிவை, ஈனத்தைப் போக்க உன் சொந்த மானத்தையும் பலிகொடு. இனத்தின் மானத்தைக் காக்க எவ்வகைத் துன்பத்தையும் பொறுத்துக் கொண்டு தொண்டாற் றத்தக்க குடிமகன் இல்லாத இனம் வேர்ப்பற் றில்லாத மரம்போல்,  கோடரிகொண்டு வெட்ட வேண்டிய அவசியம் இல்லாத மரம்போல்  தானாகவே விழுந்துவிடும்

தன் இனத்திற்கு உண்மையான தொண்டாற்று பவனுக்கு அடையாளம் என்னவென்றால் அத் தொண்டால் ஏற்படும் இன்னலுக்கும், துன்பத்திற் குமே அவனது வாழ்வையும், உடலையும் ஒப்பு வித்துவிட்டவனாக இருக்க வேண்டும். இது நான் சொல்வதல்ல, குறள் வாக்கியமாகும்.

          --------------23.08.1945 அன்று திருச்சி டவுன் ஹாலில், திராவிட வாலிபர்கள் சார்பில் நடைபெற்ற பொதுக் கூட்டத்தில் தலைமை ஏற்று பெரியார் ஈ.வெ.ரா. ஆற்றிய சொற்பொழிவு- "குடிஅரசு" - சொற்பொழிவு - 01.09.1945

பேரன்புமிக்க காங்கிரஸ் தலைவர் சுவாமிநாதன் அவர்களே! தாய்மார்களே! முன்னேற்றக்கழகத் தோழர்களே எம்.எஸ்.மணி அவர்களே! திரு நடராஜன்  அவர்களே! மற்றும் இங்கு கூடியுள்ளகழகத் தோழர்களே. இன்றைய தினம் (08.12.1967) என்னுடைய 89ஆவது பிறந்தநாள் விழா. அதற்காக இந்தக் கூட்டம் கூட்டப்பட்டிருகிறது. இதற்காக மாலையிலே சிற்றூண்டி விருந்து நடத்தப்பட்டது. பலஅறிஞர்கள் பெரியோர்கள் எல்லாம் வந்து என்னை வாழ்த்தினார்கள். எனக்கு முன்பு பேசியஅறிஞர்கள் என்னை வாழ்த்தியும் எனக்கு பொன்னாடை போத்தியும் மற்றும் அன்பளிப்பாகஏராளமான பொருள் தந்தும் என்னைப் பெருமைப்படுத்தினார்கள். இவைகளுக்கெல்லாம்என்னுடைய நன்றியறிதலைத் தெரிவித்துக் கொள்ளுகின்றேன்.

எனக்கு இன்று 89ஆவது பிறந்தநாள். இந்த கூட்டத்திலே நான் பேசுவதற்கு முன்னர் சில புத்தகங்களைஅறிமுகப்படுத்துகிறேன். எனக்கு பிறந்தநாள் கொண்டாடுவதினாலே, நான் சொல்லுவேன். இது ஒருபிரச்சாரத்துக்காகத்தான். என் கொள்கையை பிரச்சாரம் செய்வதற்காகத்தான். அதற்கு சாதனமாகயாரோ ஒருவருடைய பெயரை பயன் படுத்துவது சிலதில் இல்லாத பெயரை  பயன்படுத்துவது சிலர்நடக்காத காரியத்தையும் பயன் படுத்துவது எதற்காகவென்றால் இது குறித்து மக்களிடையேபிரச்சாரம் செய்வதற்குத்தான். அந்த முறையிலே என்னுடைய பிறந்தநாள் என்னும் பேராலேபிரச்சாரம் செய்வதுதான் மிக முக்கியமான இலட்சியமும் கூட. இதை அனுசரித்து முதலில் இந்தப்புத்தகங்களைத் தருகிறேன். இது ஞான சூரியன் என்கிற புத்தகம்.

இது மதத்தின் பேராலே, கடவுளின் பேராலே, கடவுள் சம்பந்தமான புராணங்கள், இதிகாசங்கள், தர்மசாஸ்திரங்கள் இவைகளின் பேராலே, நடைபெறுகிற பித்தலாட்டங்களை, கந்த புராணத்தன்மைகளை விளக்க நல்ல வண்ணம் ஏறக்குறைய 10, 12 பாரம் 150 பக்கம் இதுக்கு முன்னாலே இந்தபுத்தகம் 11 தடவை அச்சடித்துப் பரப்பப்பட்டது. இது 40 ஆயிரம் புத்தகங்கள் விற்பனையாகியுள்ளன.யாராலும் இதைக் குற்றஞ்சொல்ல வாய்ப்பில்லாதது. இதை முக்கால் ரூபாய்க்கு 75 காசுக்குகொடுப்பார்கள். மதம் என்றால் என்ன? என்பதை மேல் நாட்டுப்புலவர் இங்கர்சால் அவர்களால்எழுதப்பட்டது. இது 25 காசு தான். மதம் கடவுள் சம்பந்தமான முட்டாள்தனமும் பகுத்தறிவுசம்பந்தமான விஞ்ஞான நூல் மா.சிங்காரவேலு அவர்களால் எழுதப்பட்டது. 

இது 50 காசு, 40 காசுக்கு இங்கு கொடுப்பார்கள். இது இதிகாசங்களுடைய-தன்மை. பாரத ராமாயணம்அவர்களது யோக்கியதை நாணயம் என்னா? ஒழுக்கமென்னா? அதற்கேற்ப அவன்பேரை வைச்சிஅனேக பித்தலாட்டக்கதைகளை உண்டாக்கியிருக்கிறார்கள். அவர்கள் பிறக்கவே இல்லை. இறக்கவே இல்லை. அவன் பேரை வைச்சிதான் பித்தலாட்டமாக ஏற்பாடு செய்திருக்கிறார்கள். இந்நூல் என்னுடையதல்ல. பெரிய புலவர் கா.நமசிவாய முதலியார் பிரசிடென்சி காலேஜிலே பெரியத்தமிழ்ப் பண்டிதராக இருந்தவரின் அவருடைய ஆராய்ச்சிக் கட்டுரை. இது 25 காசு.

கடவுளை நிந்திக்கும் கயவர்கள் யார்? நாங்கள் கடவுள் கதையைத்தான் சொல்லுகிறோம். ஆனால்அந்தக் கடவுளின் கதைதான் என்னா? அவைகள்நமக்குக்கடவுள்களா? அவர்கள் சொன்ன கதையைத்தான் நாங்கள் சொல்லுகிறோம். இராமனையோ, இராமாயணத்தையோ, பாரதத்தையோ குற்றம்சொல்றோம்ன்னா, கந்தன் கதை எழுதினவன், இராமன் கதையை எழுதினவன், என்னாஎழுதினானோ? அதைத்தான் நாங்கள் சொல்றோம். விளக்கம் சொல்றோம். இது 30 காசு.கடவுள் பற்றிஇங்கர்சால் என்பவர் பெரிய ஆராய்ச்சி பண்ணி எழுதியது. இது 100 பக்கம். இது 30 காசுதான்.

கத்தோலிக்க மதகுரு ஆராய்ச்சி அவர் மதகுருவாக இருந்தபோது தான் பாதிரியாக இருந்தபோதுஅனேக மக்களை ஏமாத்தி நான் பிரச்சாரம் பண்ணிட்டேன். இப்ப எனக்கு புத்திவந்தது. நான்பண்ணின முட்டாள் தனம் என்பதற்கு என்னென்ன ஆதாரம் என ஒவ்வொரு பிரச்சினைகளைபோட்டு, அவரே பதில் எழுதுகிறார். இது 30 காசு தான். 5 அணா தான். 118 பக்கம். இது முதல்பாகம். இது அவர் எழுதின நூல் 2ஆம் பாகம். இதுவும் அதே புஸ்தகம். அந்த புஸ்தகம் ஒரு பகுதி. இந்தபுஸ்தகம் ஒரு பகுதி இதிலே. இதுவும் 5 அணா.

இது நான் எழுதின பல கட்டுரைகள் மதத்தின் பேராலே. ஆஸ்திகம் என்றால் என்னா? தர்மம் என்றால்என்னா? நாஸ்திகம் என்றால் என்ன? மக்களின் மீது மதமெனும் முட்டாள்தனம். எவ்வளவுபித்தலாட்டமானது? சாதி சமய வர்ணாச்சிரமம் என்கிறது. இதில் ஆறு கட்டுரைகள் இதன் விலை 4 அணா தான். அனேக அரியவிஷயங்கள் கொண்ட புஸ்தகம் இது- கர்ப்ப ஆட்சி என்கிற புஸ்தகம். மக்கள் அதிகமாக பிள்ளை பெக்கக் கூடாது. பிள்ளை பெத்தால் ஒழுக்கம் போயிடுது. நாட்டுக்கும்கேடானது. மனிதனுடைய சுயமரியாதையும் குறைஞ்சி போயிடுது என்பதைப் பற்றி நான்எழுதியிருக்கிற பெரிய புஸ்தகம். இதன் விலை ஒரு ரூபாய்.

இராமாயணம் என்பது ஒரு புதிய கதை அல்ல. கந்தபுராணத்தையே மாத்தி எழுதின புத்தகம். இதுமாதிரி யாரும் உங்களுக்கு இது மாதிரி சொல்லியிருக்க மாட்டாங்க. இராமாயணம் என்பது ஒருகதைன்னே நினைக்கிறான் எவனும். தனியாக எழுதப்பட்ட ஒரு கடவுள் சங்கதீன்னு.கந்தபுராணத்தைப் பார்த்து அதிலுள்ள குறிப்புக்களை எல்லாம் வைச்சிகிட்டு பேரை மாத்திரம்மாத்திகிட்டு மற்ற சங்கதிகளை அதிலேயிருப்பதை வைச்சிகிட்டு எழுதினது தான் அதன் லட்சியமே. இராமாயணம் அதிலேயும் காதையும், முலையையும் அறுத்தது. இதிலேயும் (கந்தபுராணத்தில்) முலையையும், காதையும் அறுத்தது. அதிலே இராவணன். இதிலே சூரபத்மன். இரண்டும் ஒரேகதைதான். இவைகள் ஆராய்ச்சியோடு எழுதப்பட்டவை.

இதுவும் என்னுடைய ஆராய்ச்சியல்ல. ஆர்.பி.சேதுப்பிள்ளை என்கிற அரசாங்கத்துக்குத் தமிழ்இலாகாவிலே பெரிய உத்தியோகத்திலே இருந்த ஒரு புலவன். அவராலே எழுதப்பட்டது இது. இதன்விலை 15 காசு. இது 1967ஆம் வருஷத்து ஆண்டு மலர். இதில் அனேக அறிஞர்களின் கட்டுரைகள்உள்ளது. இது ஒண்ணரை ரூபாய்.இத்தனை புத்தகங்களிலே ஏதாவது ஒரு புஸ்தகத்தைவசதிப்பட்டவங்க வாங்கிப் படிச்சீங்கன்னா இந்தக் கூட்டத்தின் தத்துவம் என்னா என்பதையும்? நீங்கள் கொஞ்சம் தெரிஞ்சிக்கலாம். நீங்கள் தெரிஞ்சிக்கிறதோடு மற்றவங்களுக்கும் எடுத்துச்சொல்லலாம்.      

        

அடுத்து நீங்கள் தெரிய வேண்டியது இதுதான். தோழர்களே! எனக்குப் பிறந்தநாள் என்பது ஒரு பெரியபிரச்சாரம் பண்ணத்தான் பிறந்தநாள் எனக் கொண்டாடுகிறார்கள். இப்ப சிலபேர் உசுரோடுஇருக்கிறவங்களுக்கும் பிறந்த நாள் எனக் கொண்டாடுறாங்க. அதைப் பாராட்டுகிறதினாலே அந்தநாளைப் பயன்படுத்துகிறாங்க. அதற்கு ஆதாரம் என்னா? பிறந்தநாள் என்பதாக முதன்முதல் கடவுள்பேராலே, அந்த நாளை வைச்சி ஆரம்பிச்சாங்க. என்னா? கடவுள்ங்கிற மூடநம்பிக்கையைமக்களிடத்திலே பிரச்சாரம் பண்றதுக்காக. அதை எப்படி ஆரம்பிச்சாங்கன்னா? சிவன் பிறந்த நாள். விஷ்ணு பிறந்தநாள். அப்புறம் சிவனோட மகன் கந்தன் பிறந்த நாள். அப்புறம் விஷ்ணுவோடஅவதாரங்கள் பேராலே ராமன் பிறந்தநாள். கிருஷ்ணன் பிறந்தநாள். இவனுங்க எல்லாம்இருக்கவுமில்லே. பிறக்கவுமில்லே சாகவும் இல்லே (பலத்த கைத்தட்டல்). ஆனால் இருந்தான்பிறந்தான் அது பண்ணினான், இது பண்ணினான்னுகதை எழுதி அவனுங்களை விளம்பரம்பண்றதுக்காக ராமனுக்கு இராமநவமி-ன்னு ஒரு நாளைக் கொண்டாடுகிறாங்க. அதுபண்டிகையாய்ப் போயிட்டது. பழக்கத்திலே நம்ம மக்களிடத்திலே. கிருஷ்ணனுக்கு அஷ்டமின்னு ஒருநாள் கொண்டாடுகிறாங்க, கோகுலாஷ்டமின்னு.கந்தன் பிறந்ததுக்கு சஷ்டின்னு ஒரு நாள்கொண்டாடுகிறாங்க. கந்தன் பிறந்தான்னு முருகன் பிறந்தான்னு. அப்படியே சிவன் பிறந்தான்கிறது. ஆருத்திரா ன்னு கொண்டாடுவாங்க.

                இவனெல்லாம் பிறக்கவுமில்லே இருக்கவும் முடியாது.

                கடவுள்-ன்னு சொன்னாலே, அவனுக்குப் பிறப்புமில்லே, இறப்புமில்லே-ன்னு சொல்லிதான்கடவுளைப் புகுத்தினான். அப்புறம் அவன் பிரசாரம் பண்றதுக்கு அவன் பிறந்தான், வாழ்ந்தான்,செத்தான்கிறதுக்காகக் கொல்லப்பட்டான். அதனாலே இவன் செத்தான் என இப்படியெல்லாம்எழுதிட்டான். ராமன் செத்தான்னே எழுதறான் கிருஷ்ணனை இன்னொருத்தன் கொன்னான்னுஎழுதினான், இதெல்லாம் கடவுள்னு சொல்லி எழுதறது முட்டாள்தனம். ஆனால் இதைப் பிரச்சாரம்பண்றவன் கூட ஒரு உறுதியினாலே என்னா எழுதறது என்பதில், யோக்கியமானபடியா நாணயமானகதையா? என்பதையெல்லாம் சிந்திக்காமே, கதையை எழுதிட்டான்.

அதுக்கு உருவம் - அதுக்குக் கோயிலு - அதுக்குப் பண்டிகை - அதுக்குப் பொண்டாட்டி - அதுக்குவைப்பாட்டி (சிரிப்பு) அதுக்குக் கல்யாணம் மற்றும் என்னென்னமோ வச்சி மக்கள் உள்ளத்திலே ஒருமூடநம்பிக்கையைப் புகுத்தறதுக்கு கடவுள்பேருன்னு சொல்லி வரிசையா பண்ணிட்டு வந்திட்டான். அதுதான். இராமன் ஒருவன் இருந்தான். அவன் பிறந்தான்னு சொல்ல முடியாது? கிருஷ்ணன்ஒருவனிருந்தான். அவன் பிறந்தான்-அவன் செத்தான்னு எவனாலேயும் சொல்ல முடியாது? அவன்கதையின்படி அவன் மனுஷனாகவுமில்லே. அவன் கடவுளாகவுமில்லே .மனுஷனாக இருந்தால் அவன்மனுஷத்தன்மையோடு இருக்கணும் .இல்லாட்டா கடவுள் தன்மையோடு இருக்கணும். இரண்டுமில்லே. கடவுள்னு சொல்றான் அவன்பொண்டாட்டியை எவனோ இழுத்துகிட்டு போயிடறான்னுஇராமாயணத்தை முடிக்கிறான். (சிரிப்பு) (ராமனை) கிருஷ்ணனைக் கடவுளுங்கிறான், எவனோஅவனை வில்லால் அடிச்சான்,

அவன் செத்தான்னு எழுதறான்.இப்படியாக ஒரு முட்டாள்தனமான கருத்து எப்போதும் இருக்கும்படியாக உண்டாக்கின ஒரு தந்திரம் கடவுள் பிறந்த நாளுங்கிறது. அதுக்குப் பின்னாலே என்னாபண்ணினான்? கடவுள் சங்கதி முடிஞ்ச உடனே; பக்தர்கள் பேராலே ஆரம்பிச்சான்.நாயன்மார்கள்பிறந்தநாள், ஆழ்வார்கள் பிறந்தநாள், குருநட்சத்திரம், ஆழ்வார்கள் நட்சத்திரம், நாயன்மார்கள், ஆழ்வார்கள் இந்த இரண்டுபேரும் அவனுங்க பிறந்தாங்க செத்தானுங்கன்னு. அதிலே ஆழ்வாரிலே100க்கு 5 பேர்இருந்தாங்களோ என்னமோ?அதிலே 90 பேருபெறட்டு. இருந்திருக்கமாட்டானுங்க. அந்தக் காரியமெல்லாம் நடந்திருக்காது. அப்படி பேரு வச்சி அவனுங்க பேராலே எழுதினானுங்க.

அப்புறம் அரசியல் பித்தலாட்டம் வந்த பிறகு அரசியல் பெறட்டான கொள்கைகளைப்பரப்பறதுக்கு, அதுக்கும் அந்த மாதிரியான ஆளுங்க பேராலே பொய்யும் புளுகும் பேசிக்கிறது? அவனுங்களைப்பத்தி பிரமாதமா பேசிக்கிறது. இப்ப கொஞ்சம் மக்கள் அறிவு பெற்றதுக்கு, தெளிவானதுக்கு, அப்புறம்நிஜமாக உயிரோடு இருக்கிறவனை பிறந்தநாளுன்னு அவன் பேரை இப்ப பயன்படுத்தறாங்க. அந்தமாதிரி சிலபேருக்கு நடத்தறாங்க. அதனுடைய கருத்தெல்லாம் காந்தியின் கொள்கையைப்பரப்பறது. பிரசாரம் பண்ணத்தான். அது போலவே, ஜவகர்லாலுக்கு நடத்தறாங்க. இன்னும் பலபேருக்கும் நடத்தறாங்க. மற்றும் நம்மைப் போலவே இராஜகோபாலாச்சாரி (ராஜாஜி)க்கும்நடத்தறாங்க. மந்திரிமார்களுக்கும் நடத்தறாங்க.

அவர்களைப் பெரிசு பண்றதுக்காக. அவர்களுடைய கொள்கையைப் பரப்பச்செய்யணும். அதேமாதிரியாகவே எனக்கும் நடத்துகிறார்கள் என்றால், என்னுடைய கொள்கையில் ஈடுபட்டவங்கஅதாவது நம்ம கழகத்தோழர்கள் முக்கியமாகக்கழகம் நம்மகொள்கைகளை ஜனங்கள் மத்தியிலேபிரச்சாரம்பண்ண வாய்ப்பை முன் வைத்து மற்ற பெரியவங்களையும் இதைஆதரிக்கும்படியாகக்கேட்டு இதில்சேர்த்து அவர்களுடைய தயவினாலேயும் கொண்டாடி இப்படி பலபேரையும் இணைத்து. என்னைப் பற்றியே சொல்லிக்கிட்டு போக அவர்களாலே முடியாது. நம்மகொள்கையைப்பற்றிச் சொல்லவேண்டுமானா அவர்களுக்குக் கொஞ்சம் தைரியம் வேணும். நான்கடவுளை எல்லாம் அயோக்கியப் பயலுகங்கிறேன். அவனுங்க பொண்டாட்டிகளை எல்லாம்விபசாரிகள் குச்சிக்காரிகளுங்கிறோம். அந்தக்கடவுள் காரியங்கள் எல்லாம் பெறட்டுஅயோக்கியத்தனம்கிறோம். கடவுளாவது வெங்காயமாவுது மடப்பசங்களாங்கிறோம்.இதையெல்லாம் சொல்ல அவர்களுக்குத் தைரியம் வராது. ஏன்னா?

நானும், என்னை யாரும் செருப்பிலே அடிச்சாலும், உதைச்சாலும், கொன்னாலும், குத்தினாலும்என்னா பண்ணினாலும் பரவாயில்லே. சங்கதிகளைச் சொல்லி வைக்க வாய்ப்பு கிடைச்சிதேன்னுதுணிஞ்சி நான் பேசறேன். ஒருத்தர்கிட்டேபோயி ஒரு ஓட்டு கேட்க மாட்டேன். எனக்குஇப்ப90வயசாகுது.எனக்கு 5 வயசு முதற்கொண்டே என்னுடைய அஞ்சாவது வயசு முதல் இன்னைக்கு90ஆவது வயசு வரையிலும் ஏதாவது ஒருத்தருக்கு நான் கொடுத்தா, கொடுத்திருப்பேனே தவிர,ஒருத்தர் கிட்டே போயி எனக்கு ஒரு காரியம் செய் ஒரு காசு கொடுன்னோ நான் கேட்கமாட்டேன். கேட்டதுமில்லை. கேட்காது வாழ முடியாது என்பாங்க. ஆனால்என்வாழ்விலேஎனக்கு இது பண்ணு, இன்ன காரியம் செய்யின்னு, எனக்கு இந்த உபகாரம் செய், எனக்கு இன்னது வேணும்ன்னு, அந்தமாதிரியான வாய்ப்பும் எனக்கில்லே.

ஆனால் நான் பிறக்கும்போதே நான் துடுக்கான பையனாகவே பொறந்திட்டேன். ரகளைகாரணமாகவே இருந்தேன். எந்தக் காரியத்திலே நான் ஈடுபட்டாலும், நான் தலைவனாதான்இருப்பேனே தவிர, வெறும் மெம்பராக எதிலேயும் நான் இருப்பதே இல்லை. (பலத்த - கைத்தட்டல்) நான் காங்கிரசிலே கொஞ்ச நாளிருந்தேன். (1919 முதல் 1925 வரை) அதிலேயும் நான் தலைவனாதான்இருந்தேன். என் விருப்பப்படி நடக்கலே. காங்கிரசை விட்டு விலகினேன். அந்த மாதிரி நான்துடுக்காகவே இருந்தேன். எப்படி எப்படியோ வசதி ஏற்பட்ட பிறகு நான் துடுக்காகவே பேசப் பழகிட்டேன். அதுக்குத் தகுந்த ஆராய்ச்சிகளையும் செய்தேன். எனக்குப் புத்தி இப்படிப் போயிட்டுது(சிரிப்பு) யாரும் கவனிக்காத சங்கதிகளைத்தான் நான் கவனிக்கிறேன் (கைத்தட்டல்).

நம்ம நாட்டிலே நான் சொல்றேனே இன்னைக்கும் ஒருவனுக்குக்கூட, தான் ஏன் தேவடியா மகனாகஇருக்கிறான்? பாப்பானுக்கு வைப்பாட்டி மகனாக இருக்கிறான், இவன் குச்சிகாரிமகனாகஇருக்கிறான், நாலாவது ஜாதியா இருக்கிறான் இந்த கவலையே இவனுக்கு இல்லையே(கைத்தட்டல்) யாருக்காவது இருக்குதுன்னா எழுந்திரிச்சி

நின்னா நான் வணங்குகிறேன். அவனுக்கு தெரியும் காத்தாலே அவன் சாமியைக் கும்பிடுவான். நெற்றியிலே சாம்பலைப் போட்டுக்குவான். மண்னைப் பூசிக்குவான், கோயிலுக்கு போவான், சாஸ்திரங்களைப் படிப்பான். இதுக்கெல்லாம் என்னா அர்த்தம்? கோயிலுக்குப் போறவங்களும் சாஸ்திரங்களைப் படிக்கிறவங்களும் நாமம் போட்டுக்கிறவங்களும் - சாம்பலடிக்கிறவங்களும்இதுக்கு என்னா அர்த்தம்ன்னா? ஆமாம் நான் பாப்பானுடைய வைப்பாட்டி மகன்தான் (சிரிப்புகைத்தட்டல்) நான் குச்சிக்காரி மகன்தான் (மீண்டும்சிரிப்பு) என எழுதறதுக்கு இதிலே கையெழுத்துப் போடற மாதிரி (கைத்தட்டல்). அதைஏண்டா செய்றேன்னா?

அதுக்கு நான் உசுரே கொடுப்பேன்ம்பான். அடே நீ சாம்பலடிச்சி, நீ நாமம் போட்டு, நீ கோயிலுக்குப்போயி, நீ வெங்காடஜலபதிக்கு நீ தேவடியா மகனா இருக்கிறியே? நீ ஏன் சிந்தனை பண்றதில்லே? நீதேவடியா மகன். மதத்திலே தேடிவயா மகன் - கோயிலிலே தேவடியா மகன் - சாஸ்த்திரத்திலேதேவடியா மகன் - குச்சிக்காரி மகன் (சிரிப்பு) (கைத்தட்டல்) மன்னிக்கணும் நீங்க. நான்சொல்றதுனாலே நீங்க கோவிச்சிகாதீங்க. இது பற்றி எவனுக்குமே கவலை இல்லியே? இன்றைக்குநடைபெறுகிற சட்டத்தை எடுத்துக்கிட்டா நாம நாலாவது ஜாதி நாம சூத்திரன், நாம தாசிபுத்திரன்அந்த நாய்கள் (பாப்பான்க) பிழைக்கிறதுக்காக. நம்ம ஆளுக இருக்கிறானே தவிர, நம்மைசூத்திரன்னு இருக்குதேன்னு, எவனுக்கும் வெட்கமில்லே. முடியிலே.ஆனால் நம்மை எப்படியோகொண்டு வந்து மாட்டி வைச்சிட்டான். வெட்கப்படறதுக்கே இல்லாமே? அதிலே வெட்கபட்டா பிழைக்கமுடியும். நாமதான் அதுக்கு சத்தம் போட முடியுது. இப்படி ஒவ்வொரு காரியத்திலேயும் கோயிலுக்குபோறான்.

நிஜமாக அவன் பாப்பானுடையவைப் பாட்டிமகன்னுதானே போறான். அவன் பக்தன்னுநினைச்சிகிட்டு போறது நம்மை ஏமாத்தித்தானே? கோயிலுக்கு போறவன் பின்னே என்னாநினைச்சிகிட்டு போறான்? நாம தாசி மகன் சூத்திரன்னு. நான் பந்தயங்கட்டிக் கேட்கிறேனே? நான்சூத்திரன்னு ஒப்புக் கொள்ளாதவன் எவனாவது கோயிலுக்கு போறானா? கைத்தூக்கட்டுமேயாராவது? நான் சூத்திரன் அல்ல. நான் மனுஷன்னு நினைச்சிகிட்டுதான் நான் கோயிலுக்குப்போறேன் அப்படீன்னு யாராவது கைத்தூக்கட்டுமே? இல்லே. நம்முடைய இழிவை நினைச்சி நான்சொல்றேன் இதெல்லாம்

இல்லே, போவான் கோவிலுக்கு, திருவானைக்காவலுக்கு, வெங்காயத்துக்குப் போவான். அங்கேயில்லே. இந்த தாயுமானவர் சாமி கோயிலுக்கு வெங்காயத்துக்குப் போவான். சீரங்கம்ரெங்கநாதசாமி கொழுக்கட்டைசாமி அங்கே போவான். எந்தப் பேராலே? சாமிகிட்டே நான்சூத்திரன்னு காட்டிக்கிறதுக்குத்தானே அங்கே போறான். வெளியிலேயேதானேநிற்கிறான்.கோயில்சாமிஇருக்கிற வாசற்படிகிட்டே தான் நிற்பான். ஏன்டா சாமியிருக்கிறகருவறைக்குள் போகலே? (சிரிப்பு) துணிந்து நீ அங்கே போனா உன்னைப் பாப்பான் கல்தாகொடுப்பான்? ஏன்டா தேவடியா மகனே நான் இருக்கிற இடத்துக்கு நீ சூத்திரன் ஏன் உள்ளேவந்தேம்பான்? சாமி சாமி தெரியாது வந்திட்டேன்னு கன்னத்திலே போட்டுகிட்டு வெளியேவந்திடுவான்.

இந்த மாதிரி இழிநிலையை ஒத்துகிட்டு எவனாவது கோவிலுக்குப் போவானா? இல்லே.அங்கேயிருக்கிற பாப்பானையாவது கேட்பானா நீ என்னடா ஒஸ்தி? நான் என்னடா மட்டம்னு? அடே நீஇராத்திரி எல்லாம் மாமா வேலை பண்ணிப் போட்டு குளிக்காமல் (கைத்தட்டி சிரிப்பு) நீ உள்ளேவந்து புகுந்துகிட்டே; நான் குளிச்சி முழுகி சுத்தமா பட்டுகட்டிகிட்டு, பட்டை போட்டுகிட்டு,வந்திருக்கிறேன். என்னை ஏண்டா சூத்திரன்னு வெளியே நில்லுங்கிறீயான்னு கேட்க வேண்டாமா? அவன் என்னா பண்ணினாலும் அவன் பிராமணன் தான். ஜாதியை தர்மத்தைக்காக்கபொண்டாட்டியை விட்டுக்கொடுத்து பிழைச்சாலும் அவன் பிராமணன். திருடினாலும் அவன்பிராமணன். கொள்ளை அடிச்சாலும் அவன் பிராமணன். கொலை பண்ணினாலும் அவன் பிராமணன். ஒரு பொம்பளையைக் பலாத்காரம் பண்ணினாலும் அவன் பிராமணன் பார்த்துக்கடாங்கிறானேஅவன். சூத்திரன் எவ்வளவு பக்தியோட இருந்தாலும் அவன் தாசிமகன். நாலாவது ஜாதி. இதையெல்லாம் படிங்க ஞான சூரியன் என்ற நூலை. அதுக்கு ஏன் போவானேன்?

இராமாயணத்திலேஇருக்குதே.அதைப்பார்க்க மாட்டேங்கிறான். ராமாயணத்தைத் தெருத்தெருவாவாசிக்கிறானே, ராமனே சொல்றான் ஆரிய தர்மம் காக்க சூத்திரனைக் கொல்லத்தான் நான்வந்தேன். ஜாதி காப்பாத்த சூத்திரனைக் கொல்லணும். அப்படீன்னல்ல சொல்றான். அது அக்கிரமமடான்னு சொன்னா கேட்கமாட்டேன்கிறான். அந்த இராமாயணத்தைத் தான் படிக்கிறானுங்க. யார்இருக்கிறா அதைப் பற்றி எடுத்துச் சொல்ல? என் (உடல்) நிலைமை எனக்கு இப்ப வயசு 89 ஆயிப்போச்சி. இப்பவே எனக்கு தொல்லை. இரண்டு பேரை பிடிக்காமல் என்னால் நடக்க முடியாது. ஒண்ணுக்கு (சிறுநீர் கழிக்கவும்) வெளியே போகனும்ன்னா உட்கார்ந்திருக்க முடியாது. நின்னுகிட்டேதான் இருக்கணும். நான்போயிட்டா நாளைக்கு எவன் சொல்வான் இதைஎல்லாம். இல்லே யார்திருந்துவா?

நான் செத்தவுடன் அவனவன் என்னை பூசை பண்ணுவானே தொலைஞ்சானே சண்டாளப்பயல்னு? (கைத் தட்டல்) இருக்கிற நிலைமை மாறலியே? சீர்திருத்தமாகலியே? புதுக்கோயில் கட்ட 1ஙூ(ஒண்ணரை) லட்ச ரூபாய் அதுக்கு பணம் அனுப்பறான்? இதிலே எவன் பிழைப்பான்? பாப்பான்பிழைப்பான். அய்யங்கார் பசங்க பிழைச்சாங்க. நம்ம பசங்க கெதி என்னாச்சி? அவன் கிட்டேகாசைக்கொடுத்திட்டு அவன் காலைக்கழுவித் தண்ணீர் குடிக்கிறது. சிறப்பு என்னா? தாசி புத்திரனாஇருக்கிறான் அவன். ஏன் அந்தக் கோவில்? அது புதுக் கோயிலு . அது கட்டின பிறகு நீ அங்கே ஒருபுதுத்தேவடியா மகனாகத்தானே ஆகப் போறே நீ. எந்தக் கோயில் கட்டினாலும்? நீ உள்ளேபோகிறாப்பிலே கோயிலு கட்ட முடியுமா? எதுக்குச் சொல்றேன்?கோயிலிலே சாமி இருக்கிறபக்கத்திலே சூத்திரன் வரக் கூடாது. 

சூத்திரன் வந்தால் சாமி தீட்டாய்ப் போய்டும் ஏன்னா? நீ தீண்டாதவன்.அவன் (பாப்பான்). அப்படிசொன்னதுக்கப்புறம் சூத்திரப் பசங்க எங்கே மாறியிருக்கிறான்? நம்ம மந்திரிகளும் அங்கே போயிசாமி கும்பிடறானுங்களே? (சிரிப்பு) பத்திரிகைக்கார திருட்டுப் பசங்களெல்லாம் அதே மாதிரிதான்.கோயிலு சாமி பற்றி பரப்பறது.

மனுஷனுடைய அறிவைப் பற்றி, மானத்தை பற்றி, தன்னுடைய வாழ்க்கையைப் பத்தி, என்றதேஇல்லை? யார் சொல்லப் போறா இது பற்றி எல்லாம் உங்களுக்கு? நீ இப்ப. முன்பு உன் அப்பன்இருந்தான். பாட்டன் இருந்தான். உங்க பாட்டி இருந்தாள். நாசமா போனாங்க - மாறினாங்களா?அவுங்க பிள்ளைகள் எல்லாம் மாறியிருக்க வேண்டாமா? அவர்கள் பிள்ளைகளாவது மனுஷனாகஇருக்க வேண்டாமோ? அவனும் தேவடியா மகனாகவே இருக்கணும். அதுவும் அவன் சூத்திரனாகவேஇருக்கணும். நாலாவது சாதியாய் இருக்கணும். அப்புறம் நீ இருந்தென்னா? செத்தென்னா?ஈனசாதியைப் பரப்பிக்க நாம ஒரு கூட்டமா? நீ எத்தனைக் குட்டிபோட்டாலும், அதெல்லாம், நீயும், ஈனஜாதிதானே? நாலாவது ஜாதியாகத் தானே ஆவப் போவுது? அதைப் பற்றி எவனுமேகவலைப்படறதில்லேன்னா மனுஷனுக்கு எவ்வளவு நாளாகக் கவலை இருக்கிறது? பெரிய மனுஷன்பாருடா அந்தப் பண்டாரப் பயல் - அவன் சாமியைத் திட்டறான். அவன் மதத்தை திட்றான். அவன்அதைச் சொல்றான் - இதைச் சொல்றான் -அப்படீன்னுதான் அவன் சொல்றானே தவிர - அவன்சொல்றதிலே என்னா தப்பு? நம்ம யோக்கியதை எப்படிடா இருக்குதுன்னு? யார் சிந்திக்கிறா? எவனும்சிந்திக்கிறதில்லே?.

இந்தஎன்பிறந்தநாளுங்கிறது நம்முடையக் கொள்கையைப் பாராட்றதுக்கு. நம் கொள்கையை பரப்பஒரு வாய்ப்புதான். எல்லாரும் அதுக்குத்தான் செய்றாங்க. நீங்க என்னை வாழ்த்தறது அது மிக மிகசாதாரணம். தலைவர் சொன்னார். நாம வாழ்த்தறதுக்கு நமக்கு யோக்கியதை இல்லேன்னு ஜாடையாசொன்னார். நாம ஒரு பிள்ளையை வாழ்த்துறதுன்னா அதிலே என்னாஅறிவுஇருக்குது? வாழ்த்தறதுங்கிறது என்பதெல்லாம் அய்யா அது ஒரு முட்டாள் தனம் தானே?. வேறு அதிலேஎன்னாபுத்தி இருக்குதா? உன்னை ஒருத்தன் பார்த்து நீ மகாராஜனாய் இருன்னா நீ ஆயிடுவாயா?(கைத்தட்டல்) நீ நாசமாபோ ன்னா நீ போயிடுவாயா? (சிரிப்பு கைதட்டல்) சொல்லுங்க. அந்தவார்த்தைக்கு ஏதாவது மதிப்பு உண்டோ? உண்மையைச் சொல்றேன். அதனாலே உளர்றான்னுநினைப்பீங்க. நீங்கள் ஏண்டா இப்படிச் சொல்றான்னு நினைப்பீங்க. நீங்கள் என்னைவாழ்த்தறதெல்லாம் முட்டாள்தனம் நான் பெரிய கூட்டத்திலேயெல்லாம் பேசியிருக்கிறேன். இதுஎன்னா சின்னக்கூட்டமாக இருக்கிறீங்க. மந்திரிகள், அதிகாரிகள் ஜட்ஜ்கள் அவுங்க இருக்கிறகூட்டத்திலேயும் வாழ்த்தறதுங்கிறது ஒரு முட்டாள் தனம்னு நான் சொல்லியிருக்கிறேன்.

நாமம் போட்டுகிறது எப்படி முட்டாள் தனமோ; அது போன்றது வாழ்த்தறதும் என நான்சொல்லியிருக்கிறேன். அதுக்கு என்னா அர்த்தம் சொல்லுங்களே நீங்கள் தான்? இன்னும் ஒரு 100, 200 வருஷத்துக்கு இருன்னு சொன்னா, எனக்கு என்னா லாபம்? ஒரு நாள் எச்சா இருக்க முடியுமா? என்னை அவரு 100வருஷம் இருக்கனும்னா அவருக்கு வேடிக்கையா நான் சொல்லுவேன். ஏன் அய்யாஇவ்வளவு சிக்கனம், இவ்வளவு பிச்சக்காரப் புத்தி. ஒரு ஆயிரம் வருஷமிருன்னு சொல்லே என்னாகெட்டுப்போச்சி (சிரிப்பு) (கைதட்டல்) ஆயிரம் வருஷமிருன்னு சொல்றது ஒண்ணுதான். நூறுவருஷம்கிறது ஒண்ணுதான். அஞ்சு வருஷமிருங்கங்கிறதும் ஒண்ணுதான். நம்ம பேச்சினால் சாவைத்தடுத்து நாம இருக்கமுடியுமோ? அது நம்மவர்களுக்குப் பழக்கமாப் போச்சி பாப்பான் பிச்சைஎடுக்கிறதுக்கு  நீ நீடுழிகாலமிரு - ஆசிர்வாதம் ஆசீர்வாதம்ன்னு பாப்பான் இதைச்சொல்லிக்கொடுத்து ஆசீர்வாதம்ங்கிற சொல்லுக்கு தமிழிலே கண்டுபிடிச்சான் வாழ்த்துறதுன்னு.மத்தது அப்படி என்னா நடக்கும்? வாழ்த்தறதிலே என்னா ஆகும்? நான் வாழ்த்தறதுன்னு - சொன்னாநினைச்சா நான் ஆசைப்படுகிறேன் என்று சொல்லுவதுதான். எதுக்காகச் சொல்றேன் அது ஒருமூடநம்பிக்கை.

இப்படியாக நாங்கள் திருத்தமடைய வேண்டியது காரியம் ரொம்ப இருக்குது? ஏன் ரொம்பஇருக்குதுன்னா? எவனும் இதையெல்லாம் திருத்தறதுக்காகப் பாடுபடலே? எவன் வந்தாலும் இந்தமூடத்தனத்தை வளர்க்கிறதுக்குத்தான் பாடுபட்டானுங்க - சாமியாராவது பக்தனாகிறதுபுலவனாகிறது - கவிஞனாகிறது. பெரிய பிரசங்கியாகிறது - பழைய முறையைவளர்க்கிறதுக்குத்தான். அதை அதிலிருக்கிற தப்பை மக்களுக்கு எடுத்துச் சொல்லி; மக்களிடையேயுள்ள அந்த முட்டாள்தனத்தைத் திருத்தி நமக்கு இருக்கிற இழிவைமாத்த வேணும்னுஎவனும் பேசமாட்டான். பேச பயப்படறான். உத்தியோகஸ் தனாயிருந்தா அவன் மேல் வேலைக்குப்போயிடுவான். அவன் அரசியல்காரனானா அவன் ஓட்டு வாங்கப்போவான். அவன்வியாபாரியாயிருந்தால் அதனாலே பணம் சம்பாதிக்க மக்களிடம் தயவு தாட்சண்யம் பாப்பான். இவனை எல்லாம் ஒண்ணு சேர்க்கமுடியுமா? இவனெல்லாம் இந்த மூடநம்பிக்கையை முட்டாள்தனமான இக்காரியத்தை கண்டிக்க முடியுமா? அதனாலேதானே இவைகள் இன்னமும்இருக்குது. 

வாழ்விலே இன்னமும் தாசிபுத்திரன் - சூத்திரத்தன்மை இருக்குதே? நான் பிறக்கிற அன்னைக்கும்நான் சூத்திரன்தான். தாசி மகன் தான் - தாசிபுத்திரன்தான். எனக்கு இப்ப 89 வயசாச்சி இன்னும் இந்தஈன ஜாதித்தன்மைதான். மாறல்லியே. அப்படி எவனாவது மாற்ற முற்பட்டால் நான்புத்தனாயிட்டேன், நான் சமணனாயிட்டேன், புத்தன் சமணனாகிறதிலே தான் இருக்கிறான். வாயிலேதான் சொல்லலாமே தவிர, காரியத்திலே ஒண்ணும் செய்றதில்லே. சாமியில்லே. அதுக்குப்பொண்டாட்டியில்லே. ஒண்ணுமேயில்ல. அரசாங்கம் மூடத்தனத்தை வளர்த்தது - காங்கிரசுவளர்த்தது மத சம்பிரதாயம் வளர்த்தது - இலக்கியம் வளர்த்தது - மொழிவளர்த்தது - மூடத்தனத்தை.

தேசியமென்றாலே சாமியை நம்பணும். நெற்றியிலே சாம்பலடிச்சிக்கணும். ஆகவே தோழர்களேஇனிமக்களுடைய வாழ்வுக்கு மக்களுக்கு எடுத்துச் சொல்ல வேண்டிய விஷயம். மக்கள் அடையவேண்டிய நிலைமை ஆகியவைகளை மாத்தி அமைக்கணும். மாத்தித் தான் அமைக்கணும்.ஏறக்குறைய 3000 வருஷமா இந்தப்பேரு இருக்குது. சூத்திரன் என்பது தமிழனோ, ஆந்திரனோ,கன்னடியனோ, மலையாளியோ அவனெல்லாம் சூத்திரன். இன்னைக்கு இல்லே இது 4000 வருஷமாஇருக்குது. இப்பதான் அது ஒழிய சூத்திரன்கிறது கத்தறாப்பிலே ஒரு வாய்ப்பு ஏற்பட்டுள்ளது. 

முன்பெல்லாம் சொன்னா ஒழியணும்ன்னா அடிச்சே கொன்னுபோடுவாங்க.

என்னைக் கூட மூன்று மாசத்துக்கு ஒருக்கா நாலு மாசத்துக்கு ஒருக்கா உன்னைக் குத்தப் போறோம், கொல்லப் போறோம்ன்னு மிரட்டி கடிதங்கள் வருது. நேற்று முந்தாநாளு கூட (6.12.1967) பத்திரிகையிலே பார்த்தேன். சந்து பொந்திலே தெருவிலே நடைபாதையிலே இருக்கிற கோயிலைஎல்லாம் மாத்தப்போறோம்னு சொன்ன உடனே சென்னை மேயருக்கு வேலூர் நாராயணனுக்குமிரட்டி கடிதம் வந்தது. என்ன? பாப்பானுக்கு அக்கோயில்கள் தான் படிப்புக்கு பாப்பான்னு இருந்தாஅவனுக்குப் படிப்பு என்னான்னாஇந்த சமுதாயத்துக்கு விரோதமாக இருக்கிறவனைக் கொல் என்பதுதான். ஆனால் என்னைக் கொல்ல எவனுக்கும் தைரியமில்லே. சில பாப்பான் என்னைஎதிர்க்கிறான். நாம(பாப்பான்) இரண்டு மூணு பேரு அவனுங்களிலே (தமிழர்) 1000 பேரு, 10,000 பேரு, 1,00,000 பேரு இருக்கிறாங்க. அவுங்க முன்வந்தா நம்மை அடியோடு ஒழிச்சிக்கட்டிடுவாங்கங்கிறபயம் பாப்பானுங்களுக்கு இருக்கிறது. இல்லாட்டா என்மீது கைவைச்சிருப்பான். கடவுள் கதைகள்பூராவும் இதுதான். எவன் உங்களுக்கு விரோதியோ அவனைக் கொல்லு.

கடவுளுடைய அவதாரங்களை எடுத்துக்கோ வேதத்தைப் பழிச்சான். அவனைக் கடவுள் கொன்னாரு. ஜாதியைக் குறை சொன்னா அவனைக் கொல்லு. மதத்தைக்குறை சொன்னா அவனைக் கடவுள்கொன்னாரு . ஏன்? ராவணனை ஏன் ஒருத்தன் கொன்னான்? இரணியனைஒருத்தன் ஏன்கொன்னான்? இராவணனுக்கு என்னா வேலை? பாப்பானை எங்கு கண்டாலும் உதைன்னான்.பாப்பான் எங்கே பிரசாரம் பண்ணினாலும் உதைன்னான். இரணியன் என்னா சொன்னான்? பாப்பான் ஊட்டை எல்லாம் இடின்னான். அவன் வீட்டுக்கு நெருப்பு வையின்னான். எவனெவன்பூணூல் போட்டிருக்கிறோனோ அவனை எல்லாம் வெட்டித் தள்ளுன்னான். யாரு? இரணியன்.அதன்படி சொன்னான். பாப்பானை எல்லாம் வெட்டித் தள்ளுன்னான். இரணியன் இருந்தானா?அப்படிச் சொன்னான்னாங்கிறதல்ல இப்பகதை?

பாப்பான் அவ்வளவு முன்ஜாக்கிரதையாக எழுதி இருக்கிறான் எவனாவது உன்னைக் குறைசொன்னா அவனைக் கொல்லுன்னு. கடவுள் பத்தவதாரம் - எடுத்தாருங்கிறான். ஒன்பது அவதாரம்எடுத்தாருங்கிறான். ஒன்பது அவதாரமும் - சாமிக்கு - வேதத்துக்கு - பாப்பானுக்கு - கோயிலுக்கு -குளத்துக்கு - விரோதமாயிருந்தவனை - பாப்பானுடைய தர்மத்துக்கு -யாகத்துக்கு-மற்றும்பூஜைமுதலானவற்றுக்கு-விரோதமாக இருந்தவனை எல்லாம் கொன்னதுதான் அந்தபத்தவதாரக் கதைகளாகும்.

எப்படி சூரபத்மனை கொன்னான் கந்தன்கிறவன்? எங்கெங்கே பாப்பானிருக்கிறானோ?அங்கேயெல்லாம் தேடிப் போயி (சூரபத்மன்) உதைச்சான் - கொன்னான் - அப்படீன்னு - கதை.அதனாலே தேவர்களுக்குக்கெடுதி பண்ணினவனைக் கொன்னான் (கந்தன்) இதைச் சுருக்கமாசொல்றேன். தேவர்ன்னா - பாப்பான், கெடுதிபண்ணினவன் அசுரன். அசுரன்னா - சூத்திரன்.அகராதியிலே அப்படி இருக்குது. நான் சொன்னேனே ஆரம்பத்தில் ஞானசூரியன் நூல் அதிலேஇருக்குது. மனுதர்ம சாஸ்த்திரத்திலே உள்ளது உள்ளபடியே, ராட்சதன்கிறவன் சூத்திரன்.அரக்கன்கிறவன் சூத்திரன். அந்தக் கதையை நாமளும் படிக்கிறோம். அந்தக் கதைப்படி தான் அவன்(பாப்பான்)நடந்துக்கிறான். இதையெல்லாம் நீங்கள் நல்லபடி சிந்திக்கணும்.

இப்ப இருக்கிற காங்கிரசு அரசாங்கம் (டில்லியில்) நம்ம ஆளுங்களும் அதிலே இருக்கிறாங்க. நம்மஆளு ரொம்ப பேரு இருக்கிறாங்க. நான் இல்லேன்னு சொல்லல்லே. ஆனால் அவுக எல்லாம் கடவுளைநம்பணும். கடவுளை நம்புகிறவனுக்குத் தான் வேலை. கடவுளை நம்பாதவனுக்கு அதில் வேலைஇல்லை. கண்டிப்பே அப்படிதான். அதிலே (காங்கிரசிலே). அதைத் தந்திரமாக ஏற்பாடுசெய்திருக்கிறாங்க. அதுக்காக வேண்டியே காந்தி வாழ்க -ன்னு சொல்லவேண்டியது தான். கடவுளைநம்பு இராமனை நம்பு என்பதுதான்.ஜாதியை நம்பணும். வர்ணாசிரமத்தை நம்பணும். அவனவன்ஜாதி மதம்படித்தான் நடக்கணும். அப்படீன்னு காந்தி சொன்னாருன்னுசொல்லிகிட்டு அதன்படிநடக்கிறவன் தான் காங்கிரஸ்காரன். எவனாவது ஒருவன் ஜாதியில்லே, மதமில்லே, பார்ப்பானில்லே, பறையன் இல்லேன்னு ஒருத்தன் சொன்னான்னா அவன் பலத்தினாலே அதில் ஒட்டி கிட்டுஇருக்கிறானே தவிர, காங்கிரசுக்குள்ளே அவனைக் குழியிலே தள்ளி புதைக்கத்தான் பார்ப்பான்.அப்படித்தான் வழக்கம்.

இப்ப வந்திருக்கிறது தி.மு.க. (திராவிடர் முன்னேற்றக் கழகம்) அரசாங்கம் தான். ஏதோ எங்களுக்குகடவுள் நம்பிக்கையில்லே. நாங்கள் மதசம்பிரதாயமில்லே. அப்படீன்னு சொல்லி எப்படியோஆட்சிக்குத் தமிழ்நாட்டில் வந்திட்டாங்க. மறுபடியும் அவுக கால் ஊன்றிடுவாங்கன்னு தான் தெரியுது. ஏன்னா ஓட்டு அவ்வளவு பெருசா இருக்குதல்ல. ஒரு மந்திரி ஒரு காரியம். இன்னொரு மந்திரிஇன்னொரு காரியம். இப்படி எல்லாம் காரியம் பண்ண வேண்டியிருக்குது. ஆனாலும் இன்னைக்குஒரு ஆட்சி நமக்கு இருக்குதுன்னா பகுத்தறிவு ஆட்சி என்பதன் பேராலே இந்தக் கருத்துக்களுக்குஇந்த ஆட்சி இருக்குது.

ஆகவே, அருமைத் தோழர்களே!, இன்னும் மக்கள் மாறலியே இவ்வளவு வருஷமாகியும்?. இவ்வளவு நாமபிரச்சாரம் பண்ணி சுயமரியாதை இயக்கம் ஏற்பட்டு எத்தனை நாளாச்சி 1925லே காங்கிரசை விட்டுநான் வெளியே வந்து, 1925 லேயே குடியரசு ஆரம்பிச்சி 1925 லேயே சுயமரியாதை இயக்கம்வந்திட்டுதே. 1925 முதல் 1968 வரைக்கும் 43 வருஷமாக வேலை பண்ணுது. எவ்வளவு பேரைமாத்துச்சி?முடியிலியே. கொஞ்சம் பேரைத்தான் மாத்த முடியுது. மாத்தினாலும் அவுக, அவ்வளவு பச்சையாசுயமரியாதை இயக்கத்தில் தொடர்ந்து இருக்க முடிவதில்லை.ஆனதினாலே அருமைத் தோழர்களே! இந்த பிறந்தநாளுங்கிறது யாருடைய பேராலே இது நடக்குதோ அவுகளுடைய கொள்கை என்னமோஅதைத்தான் சொல்லுவது. அந்த முறையிலே தான் அவர்கள் என்னைப் பாராட்டு முடிஞ்சுது.என்னைப் பாராட்டினால் அதிலே எனக்குள்ள கொள்கையும் அதுக்குள்ளே இருக்குது. அதை எல்லாம்எனக்கே விட்டுட்டாங்க. நான் என்னையே பாராட்டிக் கொள்ள முடியுமா? அதனாலே நான் என்கொள்கையைப் பிரச்சாரம் பண்றேன். என்னுடைய கொள்கை என்னா?

                மதமிருக்கக் கூடாது

                எவனொருவன் தன்னை இந்து ங்கிறானோ அவன் தன்னைப் பாப்பானுடைய வைப்பாட்டிமகன்ங்கிறதை ஒப்புக்கொள்ளுபவன் தான். நான் இதைப்பல அறிஞர்களை வைத்துக்கொண்டேசொன்னேன். நண்பர் ஜி.டி.நாயுடுகாரே சரி அப்படீன்னார். எவன் ஒருவன் தன்னை இந்துங்கிறானோஅவன் பாப்பானுடைய வைப்பாட்டி மகன் யாராயிருந்தாலும் சரி. அதாவது எவனாவது யோக்கியமாசொல்றானா மதத்தின் பேராலே? கவனிக்கணும் நீங்க. இந்து ன்னு சொன்னா அதிலே ஏதாவதுநாணயமிருக்குதா? அறிவுஇருக்குதா? சொல்லட்டுமே யாராவது? இந்து மதம் ன்னா என்னா? அதுஎங்கே இருக்குது? அது எதிலே இருக்குது? சொல்லட்டுமே யாராவது ஒருத்தன்? கண்னைமூடிகிட்டுத்தான் தன்னை இந்து ன்னு முட்டாள் ஒத்துக்குவானே தவிர, அப்படீன்னா என்னடான்னுசொல்றதுக்கு எவனிருக்கிறான்.

கிருஸ்துமதம். கிருஸ்து அதன் தலைவர். அப்படீன்னா என்னா? நான் கிருஸ்துமதம். அப்படீன்னாஎன்னா? கிருஸ்து - எப்படி நடப்பது? பைபிள் சொன்னபடி நடக்கிறேன். அதற்கு யார் தலைவர்? ஏசுபைபிள் தான்வேதம்.எப்போஏற்பட்டது? இன்னைக்கு இரண்டாயிரம் வருஷமாகுது. இவன்இந்துக்குஎன்னா வெங்காயமிருக்குது?அதேமாதிரி முஸ்லீமை கேளு. நீ யாரு? நான் இஸ்லாம். உனக்குயார்தலைவன்? நபிகள்நாயகம். அதுக்குஎன்னாஆதாரம்?குரான்.அது எப்போ? 1400த்தி சில்லரைவருஷமாச்சிங்கிறான். பவுத்தனை கேளு யார் தலைவன்? பௌத்தனுக்கு - பௌத்தன் - புத்தன் . எப்போ? இன்னைக்கு 2500 வருஷமாச்சி. என்ன ஆதாரம்? பௌத்தனுடைய உபதேசங்கள். எங்கேஇருக்குது? இந்தா பாருன்னு காட்றான். ஒரு கிறிஸ்தவனைக் கேளு. இவ்வளவு பெரியபைபிளைக்காட்டுவான்.முஸ்லீமைக்கேளு. குரானைக் காட்டுவான். 60 ரூபாய் அந்த புஸ்தகம் . 8 ரூபாய் 10 ரூபாய், 13 ரூபாய் புஸ்தகம் குரான். கிருஸ்தவர் கொடுத்தது பழைய ஏற்பாடு. புதிய ஏற்பாடுன்னுபெரிய புஸ்தகம். சும்மா கொடுத்தாங்க எனக்கு. எல்லா கதையும் அதிலே இருக்குது. அதுமூடநம்பிக்கையோ பகுத்தறிவோ சொன்னது நடக்கிறது.

நீ சொல்ற இந்துமதம் என்கிறது. எதிலே இருக்குது? அந்த வார்த்தை. இராமாயணத்திலே இருக்குதா?பாரதத்திலே இருக்குதா?இல்லே சாஸ்த்திரத்திலே இருக்குதா? இல்லே வேதத்திலே இருக்குதா? வெங்காயத்திலே இருக்குதா? எதிலே இருக்குது? இந்துமதம்ன்னு? ஆயிரக்கணக்கான புலவன்கள்வந்திருக்கிறானுங்களே எந்தப்பயல்களின் இலக்கியத்திலே இந்துமதம் எதிலே எழுதியிருக்கிறானுங்கதமிழிலே? சும்மா காத்திலே பறக்குது இந்துமதம்ன்னா எல்லாரும் போயி அதுக்கு ஆளாகணுமே. 25 கோடி, 30 கோடி, மக்கள் இந்துக்கள் இருக்கிறாங்கிறான்.

இந்துக்கள் அப்படீன்னா என்னடா அர்த்தம்ன்னா இந்து அகராதியிலே எழுதறானய்யாதுணிச்சலா.இந்து மதம்னா என்ன? துலுக்கனும், கிருஸ்தவனும் - அல்லாதவன் இந்து அவ்வளவுதான்எழுதினான். அதற்குரிய இலட்சியமே எழுதலே. கிருஸ்துமதம்ன்னா என்னான்னு எழுதறான்? ஏசுகிருஸ்துவாலே செய்யப்பட்ட உபதேசிக்கப்பட்ட அவரைப் பின்பற்றுகிற மக்களுடைய மதம். இஸ்லாம் மதம்ன்னா முகம்மது நபி அவர்களாலே குரானைப் பின்பற்றுகிற மதம். அப்படீன்னுஎழுதறான். இந்து மதம்ன்னா என்னா எழுதுவான்? இந்து மதத்துக்கு என்னா ஆதாரம்? பாப்பான்சொல்லுவான் வேதம் தான் ஆதாரம் ன்னு. எங்கடான்னா உன் நாக்கை அறுப்பேன் என்பான். வேதம்ன்னு சொல்லிடுவான். அதை எங்கடா பாக்கலாமான்னா? உன் கண்னைக் குத்திடுவேன் என்பான். நம்நூல் ஞான சூரியனைப் பார்த்தால் தெரியும். அதை(மூலக்கதையை)நாம படிக்கலாம்னாநாக்கைஅறுப்பேன்பான்.அது என்னடான்னு கேட்டா காதிலே கேட்கலாம்டான்னான்? நீ கேட்டாஉன்காதிலே ஈயத்தைக் காய்ச்சி ஊத்துவேம்பான்? அந்த மானங்கெட்ட பசங்க அந்த இந்துமதத்துக்குசொந்தக்காரன்னு சொல்லிக்கிறாங்க.

சங்கராச்சாரி ஆரிய மதம்தான் இந்துமதம் ன்னு சொல்லிட்டான். அந்த ஆரிய மதம் தான் எப்பஏற்பட்டது? கோடி, கோடி, கோடி வருஷம். அதுக்கு லட்சம்- லட்சம்- லட்சம் வருஷங்கிறான். ஒரு கோடிவருஷத்துக்கு முன்னே மனுஷனெல்லாம் குரங்காதான் இருந்தாங்கிறான். இவன் 100 கோடிக்குமுன்னாலே வயசு அதிகமாகச் சொல்றான். அந்தரிஷி இந்தரிஷி வெங்காயரிஷிங்கிறான். அவன்எப்படா இருந்தான்னா? அவன் அந்த யுகத்திலே இருந்தான். அடுத்த யுகத்திலே இருந்தான் இந்தயுகத்திலே இருந்தானுங்கங்கிறான். அவன் வருஷம் என்னடான்னா? 16கோடி, 18கோடிவருஷங்கிறான் ஒவ்வொருத்தனுக்கும் . இந்த ரிஷிகளுக்கு வருஷம் போட்டாலே, 7,8 கோடி வருஷம்வரும். வசிஸ்டருக்கு வருஷத்துக்குக் கணக்குப் போட்டால், அந்த ரிஷிக்கு ஒரு 20 கோடி (வருஷம்)வரும். விசுவாமித்திரருக்கு 30 கோடி வயசு வரும். நாரதனுக்கு ஒரு 40 கோடி வருஷம் வரும். ஏன் எல்லாயுகத்திலேயும் அவன் (நாரதன்) இருக்கிறான். இவனெல்லாம் மனுஷன் தாண்டா அவனுக்கு வயசு 100 தான்டா தப்பினால் 500 வயசு. தப்பினால் வயசு 1000 வருஷம்தான். இவ்வளவு கோடி வருஷம் அவன்எப்படிடா இருந்திருப்பான்னா? அதெல்லாம் உனக்குப் புரியாதுடா என்பான். (சிரிப்பு, கைத்தட்டல்)

 அப்படி எல்லாம் சொல்லியிருக்கிறான் மதத்தைப் பற்றி.மதத்தையே வச்சிக்கோ உன் மதப்படி உன்யோக்கியதை என்னா? கிருஸ்தவ மதப்படி கிருஸ்துவுக்கு சமானம் . இஸ்லாம் மதப்படி நபிகள்நாயகத்திற்குச் சமானம் . ஒரு சாதாரண பக்கிரிசாயபு. மேல்ஜாதி கீழ் ஜாதியில்லே. மற்றவன்ஒஸ்தியல்ல. இந்து மதத்திலே யாருக்குச் சமானம்?எந்தப் பாப்பான் நம்பளைத் தொட்டால்குளிக்காமல் இருப்பான்? எவன் நம்மை மனுஷன்னு கூப்பிடறான்? எவன் நாம் தொட்டதைச்சாப்பிடுவான்? இப்படியாக இவனிடத்திலே மானங்கெட்ட தன்மை இருப்பதை .இதைத் தவிர,வேறுஎதைச் சொல்றது. ஆனதினாலே நமக்கு மதம்கிறதிலே நமக்கு மதமே கிடையாது. மதம்கிறசொல்லுக்கு அர்த்தமே இல்லே. மதத்துக்கு ஒரு ஆதாரமே இல்லே. காந்தி சொன்னார், அவர்கிட்டேபோயி இந்து மதத்தை நான் ஒழிப்பேன் என்று சொன்னபோது அப்படி ஒரு இந்துமதமிருந்தால்தானே நீ அதை ஒழிப்பே என்றார். நீ ஏன் இப்படி எல்லாம் திட்றே? நீ ஏன் இப்படிஎல்லாம் பேசறே? நீ நல்ல பிள்ளையாய் இருந்தியே? இப்ப ஏன் இப்படி ஆயிட்டேன்னாரு காந்தியார்என்னை. ஆனா இப்படியே என்னைக் கேட்டாரு. நான் சொன்னேன் நான் முட்டாள்தனமாயிருந்தபோது நான் நல்ல பிள்ளையாய் இருந்தேன். இப்ப எனக்கு இந்த நாலாவது ஜாதியாமக்கள் இருப்பதில் எனக்குப் பிரியமில்லே. ஆனதினாலே நான் என்னை நாலாவது ஜாதியாக்குவதற்குநான் சம்மதிச்சிகிட்டு இருப்பதா? என்றேன்.

அப்பவும் காந்தியார் என்கிட்டே சிரிச்சிகிட்டே சொன்னார். இந்து மதம்கிறது இருந்தாதானே?என்றார் மீண்டும். பின்னே எப்படிய்யா இந்துன்னு வந்ததுன்னா? பவானியாவிலே இருந்தவனுக்குபவானியா எனப் பெயர் வந்த மாதிரி; சிந்துநதி ஓரத்திலே குடியிருந்தவனுக்கு சிந்துன்னு பேரு வந்தது. அந்தப் பேரை மற்றவர்களுக்கும் புகுத்திவைச்சிட்டாங்க. அந்த சிந்துங்கிறவன்தான் இந்துவாயிட்டான். இந்துன்னு இல்லேன்னு நான் சொன்னேன் காந்திகிட்டே. இதை அப்பவே (குடி அரசுலே) நான்எழுதியிருக்கிறேன். இன்னைக்கு அதை இந்துன்னு ஒத்துக்கிறாங்க. சங்கராச்சாரியும் - சொன்னாரு - இந்து மதம்ன்னு சொல்லாதே! ஆரியமதம்ன்னு சொல்லுன்னு. தீர்ந்தது விஷயம். அப்புறம், நமக்குன்னு சாஸ்திரம் என்னாயிருக்குது? மதம் இப்படி ஆச்சி?

சாஸ்திரம் நமக்குஎன்னா இருக்குது? சாஸ்திரத்துக்குஎன்னா ஆதாரமிருக்குது? மனுதர்மம் ஒருசாதாரணம். மனுதர்மத்திலே உன்னை வைப்பாட்டி மகன்-ன்னு எழுதியிருக்கிறான். தொட்டாகுளிக்கணும்கிறான். உன் மூஞ்சிலே முழிச்சா குளிக்கணும்கிறான். நாம அதை (மனுதர்மத்தை)படிக்கக்கூடாதுங்கிறான். நாங்கள் தான் அதை (மனுதர்மத்தை) அச்சுப் போட்டோமே தவிர, வெளியேஅதைச் சொல்லக்கூடாதென எழுதி வைச்சிருக்கிறான். நம்மை எந்தசாஸ்திரத்திலே நம்மளை அவன்ஒத்துக்கிறான்?. சைவன் பாரதத்தை - இராமாயணத்தை ஒத்துக்கிறதில்லே. வைணவன்கந்தபுராணத்தை ஒத்துக்கிறதில்லே. வைணவன் சிவனைக் கடவுள்ன்னு ஒத்துக்கமாட்டான். சைவன்விஷ்ணுவைக் கடவுளுங்க மாட்டான். இவனைக் கண்டால் அவன் முறைப்பான். அவனைக் கண்டால்இவன் ஏற்கமாட்டான்.

நமக்குப் பயந்து கிட்டு அவனெல்லாம் இப்ப ஒண்ணா இருக்கிறானுங்களே தவிர, இதுவரை அவனுங்கதானே ஒருத்தனுக்கு ஒருத்தன் உதைபோட்டுகிட்டானுங்க. அவனுங்களுக்குச் சாத்திரம் ஆதாரம். நமக்கு எது ஆதாரம்? வைணவனைக் கேட்டால் தனக்கு நாலாயிரப்பிரபந்தம்கிறான். சைவனைக்கேட்டால் தேவாரம், திருவாசகம்-கிறான். அவனைக் கேட்டால் உன் பந்தாவைக் காட்டுங்கிறான்.இவனைக் கேட்டால் தாசன் தப்பு கொட்றாங்கிறான். எங்கிருக்குது நமக்குத்தமிழிலே தேவர்கள்என.உன் காதுக்கு ,கண்ணுக்கு அவை வரக்கூடாதுன்னுட்டான் ஒரு மதம்ன்னா, அதுக்கு ஒரு தலைவன்அதற்கு ஒருஆதாரம் அதற்கு ஒரு காலம் கொழுக்கட்டையாட்டம்ஒண்ணுமில்லாமலேயேயிருக்கிறோம். சூத்திரன்னு நாம சொல்லிக்கிறதைத் தவிர, வேறு ஒண்ணுமேதெரியாதே?அதையெல்லாம் பற்றி நாம சிந்திக்கணும். நமக்கு மதமும் இல்லே. சாஸ்திரமும் இல்லே. அப்புறம் கடவுள்.என்னாகடவுள் நமக்கு வெங்காயம்? கடவுள்னா எவனுக்குத் தெரியும். இங்கேஇருக்கிறவங்களிலே. யாருக்குத் தெரியும்? கடவுள்னா என்னான்னு? அது கொழுக் கட்டையா,கருவப்பிள்ளையா, வெங்காயமா? என்னாதெரியும்?

கடவுள்னா கண்னை மூடிக்கிட்டு கும்பிடத்தெரியுமே தவிர, முட்டாள் பசங்களுக்கு கடவுள்ன்னாஎன்னான்னு தெரியும்? நீங்க தெரிஞ்சா சொல்லுங்க எனக்கு. நீதாண்டா முட்டாள்ன்னு இங்கே என்னாபோலீஸ்காரனா இருக்கிறான்? கடவுள்ங்கிறதைப் பற்றி, எழுதியிருக்கிறேன்.

கடவுளை உண்டாக்கினவன் முட்டாள்

கடவுளைப் பரப்பறவன் அயோக்கியன்

கடவுளைக் கும்பிடறவன் காட்டுமிராண்டி

இது தான் சுயமரியாதை இயக்கத்தின் இலட்சியச் சொல். காந்தி வாழ்க!, பாரதம் வாழ்க!,வந்தேமாதரம்!. வெங்காய மாதரம்கிறானே அதே மாதிரி காங்கிரஸ்காரன் சொல்கிறானே அதே மாதிரிஎங்களுக்கு கடவுள் மறுப்புஇலட்சியச் சொல்

கடவுள் இல்லை ,கடவுள் இல்லை.

கடவுள் இல்லவே இல்லை,

கடவுளைக் கற்பித்தவன் முட்டாள்

கடவுளைப் பரப்பினவன் அயோக்கியன்

கடவுளை வணங்குகிறவன் காட்டுமிராண்டி-

எனச்சொல்லுகிறோம். ஏன் கடவுளை உண்டாக்கினவன் முட்டாள்ங்கிறோம். சும்மாசொல்லலே. நாம்மதத்தைச் சொன்னேன். சாஸ்திரத்தைச் சொன்னேன். கடவுளைச்சொல்றேன். கடவுளைஉண்டாக்கினவன் முட்டாள்னா கடவுளை உண்டாக்கினவன் உன்கிட்டே என்னா சொன்னான்? கடவுள்னா - என்னான்னு சொன்னான்? கடவுள் இருக்கிறார். அப்புறம் அதுக்கு உருவமில்லே.கண்ணுக்குத் தெரியாது. கைக்கு சிக்காது. இவ்வளவும் சொல்லிபோட்டு, உன் மனுசுக்கும்எட்டாதுன்னுட்டானய்யா. அவன் சொன்னவன் மனோவாக்கு, காயங்களுக்கு எட்டாதவன்னுட்டான். தோழர்களே! இது கடவுள் மறுப்புஇலட்சியச் சொல்: அட்டை அச்சிட்டது.

கடவுள் இல்லை கடவுள் இல்லை

கடவுள் இல்லவே இல்லை

கடவுளைக் கற்பித்தவன் முட்டாள்

கடவுளைப் பரப்புகிறவன் அயோக்கியன்

கடவுளை வணங்குகிறவன் காட்டுமிராண்டி என்பதாகும்.

இந்த கடவுள் மறுப்பு அட்டை 100க்கு விலை ரூபாய்மூன்றுக்கு கொடுக்கிறார்கள் நம் இயக்கத்தார்கள்.நான் இதை எல்லாம் விளையாட்டாய்ச் சொல்லிவிட்டு ஓடறவனில்லையே. கடவுளைஉண்டாக்கினவன் முட்டாள்ங்கிறதுக்கு, கடவுள் இருக்கிறார் உன் கைக்கு சிக்கமாட்டார். கைக்குசிக்காமல் கண்ணுக்கு உருவம் தெரியாமல் எப்படிடா அதை நம்பறதுன்னா? உன் மனசுக்கே எட்டாது. மனசுக்கும்எட்டாது, கைக்கும்சிக்காது, கண்ணுக்கும் தெரியாது. பஞ்சேந்திரியங்களுக்கும்எட்டாதவன்கிறான். நான் சொல்றேன் கண்ணுக்கு மனசுக்கு கைக்கு உடம்புக்கு சிக்காதவன் இந்தப்பயலுக்கு அவன் எப்படி சிக்கினான்? (கைத்தட்டல் சிரிப்பு) சொல்லுங்க.எனக்குக் கைக்குசிக்காதுன்னான் உன் கைக்குப் படாதுங்கிறான். உன் மனசுக்கும் எட்டாது என் மனசுக்கும்தெரியாதுங்கிறான். என்னைப் போலத்தானே நீயும்? உன் மனசுக்கு எப்படி புரிஞ்சுது? உன்கண்ணுக்கு எப்படித் தெரிஞ்சிது? இப்ப தெரியலியா கடவுளைக் கும்பிடறவன் முட்டாளுன்னு.

கடவுளைப்பரப்பரவன்அயோக்கியன்னேன். உண்டாக்கினவன் சொல்றானே. அவனே சொல்றானேஅவனுக்கு (கடவுளுக்கு) கையில்லே, காலில்லே, உருவமில்லே. பொண்டாட்டி வேணாம். நகைவேண்டாம், வீடுவேண்டாம்,ஒண்ணுமேயில்லாதவன்.அவனுக்கு ஒண்ணுமே வேண்டாம் கிறான். பரப்பரபயல் அதுக்கு உருவமடிச்சி, ஒருபொண்டாட்டியை வைச்சி இரண்டுகையி, நாலுகையி, என்னத்துக்காக அவன் அப்படிப் பண்றான். உருவமில்லேன்னுட்டான் உருவமடிச்சி வைக்கிறான்.உருவ மில்லேன்னா ஜனங்களை முட்டாளாக்க என்னவேணுமோ கை, காலு, காது, மூக்கு, வயிறு, தோளு, கதை, கத்தி, கொடுவாள், ஈட்டி, இவ்வளவும் கடவுளுக்கு வச்சிஉருவம்காட்றானே!சீரங்கரெங்கநாத சாமிக்கு உறை யூரிலிருக்கிறாள் வைப்பாட்டி (நாச்சியார் அம்மாள்) (சிரிப்பு) வருஷத்துக்கு ஒரு தடவை வந்துட்டு போறான். ரெங்கநாதசாமி என்ன நியாயம்?

ஒண்ணும் வேண்டாம். அவனுக்கு ஒரு நாளைக்கு அஞ்சு வேளை ததியோதனம், சர்க்கரைப் பொங்கல், சட்டி அரனை, வெங்காயம் - சோறு எதுக்கு? எல்லாம் பாப்பான் வயிற்றிலே அறுத்து வைக்குது. இந்தமுட்டாள் பணத்தைக் கொடுத்திட்டு முட்டாள்னு கொட்டு போட்டுட்டு வந்திடறான். அவனுக்கு(ரெங்கநாதனுக்கு) எதுக்குப் பொண்டாட்டி? அவன் அங்கு இருக்கிறானா? அவள் அங்கேஇருக்கிறாளா எல்லாம் வல்ல கடவுள் - அன்பே உருவமானவர் -என்று சொல்றானே. அவன் கையிலேகொடுவாள் இருக்கு. சக்கரமிருக்குது. அறுவாள் - இருக்குது, வெட்றான் - தீர்த்துக் கட்றான்- கரகரன்னுஅறுக்கிறான். சிவனை எடுத்துக்கிட்டா கையிலே மளுவு இருக்குது. கொட்டாப்புளி இருக்குது.வேலாயுதமிருக்குது. சூலாயுதமிருக்குது. இதுதானா அன்பே உருவமான கடவுளுக்கு? (சிரிப்பு) ஆயுதமில்லாத கடவுள் எவன் இருக்கிறான்? கொல்லாத கடவுள் எவன்? இந்த ரெங்கநாதன் (விஷ்ணு) எத்தனை பேரைக் கொன்னான்? இந்த ராமன் எத்தனை பேரைக் கொன்னான்க? இந்த கிருஷ்ணன்எத்தனை பேரைக் கொன்னான்? இன்னும் மற்ற (கடவுள்கள்) இவனெல்லாம் எத்தனை பேரைக்கொன்னான்? இந்த நடராஜன் எத்தனைப் பேரைக் கொன்னான். இந்த முருகன் எத்தனை பேரைக்கொன்னான்? இவனுங்களைஎல்லாம் அன்பே உருவமானவனுங்களா? இவனுங்க எல்லாம்அயோக்கியப் பசங்களல்லவா? நல்லா கவனிங்க நீங்க. இப்படியாக பாப்பான் உலகத்தைஏய்க்கிறான். இவ்வளவு பித்தலாட்டம் ஏன்டான்னா? அவன் பிராமணன் இவன் சூத்திரன்அவ்வளவுதான்.

அப்படி இருக்கணும்னா - இவ்வளவு பேரையும் எதிர்த்தால்தான் முடியும்? ஏன் அப்படி எல்லாம்இருக்கணும்? என்னா அவசியம்? கிருஸ்தவன் சாமி கும்பிடறான்னா, கொழுக்கட்டையை வச்சாகும்பிடறான்?இல்லே முஸ்லீம் சாமி கும்பிடறான்னா பொண்டாட்டி பிள்ளை, வைப்பாட்டி எல்லாம்வச்சா கும்பிடறான்? சோறூட்றானா? கஞ்சி ஊத்தாறானா? இல்லே சாமிக்குக் கல்யாணம்பண்றானா? அவன் எத்தனை கோடி அவன் 100 கோடி 150 கோடி இருக்கிறான். நாம அன்னக்காவடிபசங்க கோடிக் கணக்கில் முட்டாளா இருக்கிறோம். நாம கீழ்ஜாதியா இருக்கிறோம். சங்கதியேவெளியே வரக்கூடாதுங்கிறானே? அடக்கிறானே? இதையெல்லாம் நீங்க யோசனை பண்ணுங்க.

ஆனதினாலே நம்முடைய இழிவு நீங்க வேண்டுமானால் - நமக்கு அறிவு வரவேண்டுமானால் - உலகத்திலே உள்ள மக்களை போல நாமளும் சரி சமமான மக்களாக நாம ஆக வேணுமானா - இந்தக்கடவுள், மதம், சாஸ்த்திரம், இந்த கோயிலு, இந்த நாமம், இந்த சாம்பலு இந்த சடங்குகள் இவைகள்எல்லாம் ஒழிஞ்சால் ஒழிய ஒரு நாளும் முடியாது நாம முன்னேற. 3000 வருஷமா இருந்துபார்த்திட்டீங்களே? கோயில் கட்டி வச்சவங்க நீங்கதானே? எந்தப் பாப்பான் ஒரு காசு கொடுத்தான்?எந்த பாப்பாத்தி சுண்ணாம்பு எடுத்து மண்ணு சுமந்திருப்பாள். நாம கட்டினதுக்கு நாம தேவடியாமகன். அவன் உட்கார்ந்துட்டு வேலை வாங்கிறதுக்காக அவன் பாப்பான் - பிராமணனா?

எனவேதான் தோழர்களே!, நம்முடைய பிரச்சாரமெல்லாம் எப்படியாவது நமக்கிருக்கும் இழிவு நீங்கிநாம மனுஷனாகணும். துலுக்கனானபிறகு மனுஷனானாலும் சரி. கிருஸ்தவனான பிறகுமனுஷனானாலும் சரி. இந்தியாவுக்குள்ளே வேறே ராஜாவைக் கூட்டி வந்துவிட்டாலும் சரி. ஆட்சியைமாற்றியாவது ரஷ்யாக்காரனோ, அமெரிக்ககாரனோ - வெள்ளைக் காரனோ - பாகிஸ்தான்காரனோ - எவனோவந்து தொலையட்டும். இந்தப் பயல் (பாப்பான்) ஒழியட்டும். இந்தப் பயல் நம்மைத்தேவடியாள் மகனாக்கியப் பயல். வெளிநாட்டானை வரச் சொல்வது ராஜத்துரோகமென்பான். உன்னுடன் விசுவாசமாயிருக்க நீ என்னா எனக்கு மரியாதை பண்றே?

பாகிஸ்தானுக்கு நாம போயிட்டோம்னா அவன் அங்கே நம்மை மனுஷன் என்பான். அமெரிக்காபோனோம்ன்னா அவன் நம்மை மனுஷன்பான். ரஷ்யாவுக்குப் போய்ச் சேர்ந்தால் அவன் நம்மைமனுஷன் என்பான். இங்கு இருக்கிற நம்மை நீ மனுஷன் சமம்என்கிறீயா? இதைப்பொறுத்துகிட்டுதான் வாழணும்கிறதுக்கு என்ன அவசியம்? ஒவ்வொருத்தரும் இது மாதிரி நாமநினைக்கணும். உடனே மாறிடும் விஷயமெல்லாம்.

அருமைத் தோழர்களே!, இன்றைய பிரச்சாரம் - இரவு 9 மணிக்கு மேல் சினிமா படம் இங்குகாட்டுவாங்க. இப்பமணி 9.15 (இரவு) ஆகிறது. நாளைக்கு வேறு எனக்குப் பேச்சு இருக்குது.இதெல்லாம் நீங்க நினைக்கணும். இந்தக் கூட்டத்துக்கு நாம வந்ததின் பலனாக இனிமேல் நாமநெத்தியிலே சாம்பலடிக்கிறதில்லை என முடிவு பண்ணிக்கவேணும்.இதைக்கேட்டு கோயிலுக்குப்போறதில்லை எனவும் ஒரு முடிவு பண்ணிக்கணும். நெற்றியிலே சாம்பலடிச்சிகிட்டு நீங்கள் உங்கள்பொண்டாட்டி பிள்ளைகளோடு கோயிலுக்குப்

போயிகண்ட பயல்கள் அங்கே வர்ராப்பிலே பண்ணி, ஒருத்தருக்கு ஒருத்தர் நசுக்கிறாப்பிலேபண்ணிகிட்டீங்கன்னா என்ன (பலத்த கைத்தட்டல்) (சிரிப்பு) என்னா அர்த்தம் அதுக்கு? என்னாஅந்தக் கோயிலுக்குப் போயி புதிசா என்னாப்பார்க்கப் போறீங்க? நாலுதடிப் பசங்க வருவானுங்க.நாளு பொம்பளைங்க சிங்காரிச்சிகிட்டு வருவாங்க. அவுங்களை இவுங்க பாக்கலாம். இவுங்களைஅவுங்க பார்க்கலாம். முடிஞ்ச வரைக்கும் இருவரும் உரசிக் கொள்ளலாம். (கைதட்டல்சிரிப்பு).

சாமியைப் பத்தி உங்களுக்கு என்னா? உங்களுக்கு என்னா பண்ணப் போறான் அந்த சாமி? அங்கேபோனால் உங்கள் பெண் பிள்ளைகளை இன்னொருத்தன் அல்லவாகொஞ்சுவான்? (கைதட்டல்)நினைக்கணும். நீங்கள் எல்லாம், நாமெல்லாம் மனுஷத்தன்மையுடையவர் களாகணும். எந்தமனிதனாவது சொர்க்கவாசல் புகுவானய்யா? மந்திரியெல்லாம் புகுறானய்யா? (சிரிப்பு) என்னடான்னா சொர்க்க வாசல். போனவருஷம் சொர்க்க வாசலில் முதல் மந்திரி புகுந்தார் முதன்முதலில். எவ்வளவு பித்தலாட்டம். பாருங்கய்யா? ஒரு அடைச்சிகிடந்த கதவைச் திறந்தால் அதுசொர்க்கவாசலா? வேறு எவனாவது முதலிலே போயிடுவானா? ஒரு வெள்ளைக்காரன் பார்த்தா இதைஎவ்வளவு சிரிப்பான்? நம்மை? துலுக்கன்பார்த்தா நம்மைப் பார்த்து சிரிப்பானய்யா? இப்படியேநம்மை பாப்பான் ஏய்க்கிறான்.சாமி மோகினி அவதாரமெடுக்கிறாருங்கிறான்.சாமிபொம்பளையாவது பார்க்க அன்னைக்குத் தான் ரொம்ப பேருவர்ராங்க சீரங்கத்துக்கு. எந்தலோகத்திலே இது உண்டு?மானங்கெட்ட இந்தவேலை. விஷ்ணுசாமி பொம்பளையாகிறது?சிவன்சாமிஆம்பளையாகிறது இரண்டு பேரும் கலவி பண்றது குட்டி போடறது (பலத்த சிரிப்பு) கதைஇப்படி விஷ்ணு பொம்பளை. சிவன் ஆம்பளையாகிறது - புணர்ச்சி பண்ணினது. அவுககுட்டீபோட்டாங்க. அதுதான் இந்த அய்யப்பன் சாமியாம். (சிரிப்பு கைதட்டல்) முட்டாள் பசங்ககும்பிடறாங்களே? இந்தஅய்யப்பனைசாமின்னு. இதையெல்லாம் நீங்க சிந்திக்கணுமய்யா? நம்மைஉலகத்தார் பார்த்து சிரிக்காமே?. நமக்கு இருக்கிற இழிவு நம்மைப் பின் தொடராமே இருக்கணும்.

நாம (பெரியார்) பிறந்த பிறகு நாமெல்லாம் இப்ப மனிதனாகிட்டோம். நாங்கள் சுயமரியாதைஇயக்கத்தை தோற்றுவித்தது 1925ல். அது தலையெடுக் கிறதுக்கு முன்னே நம்மக்கள் 100க்கு 3பேர்தானய்யா படிச்சிருந்தாங்க உங்கள் எதுக்காலேயே சொல்றேன். தமிழன் பார்ப்பானல்லாதவன் 100 க்கு 3 பேர்தான் படிப்பு. பாப்பான் 100 பேரிலே 100 பேரும் படிச்சிருந்தான் அப்போ. 1879இல் நான்பெறக்கறப்போ. நாங்கள் தலையெடுத்து ரகளை பண்ணி பார்ப்பன துவேஷியாகி படாதபாடுபட்டதுக்கு அப்புறம் தான் இப்ப 100க்கு 45 பேர் நம்மவன் படிச்சிருக்கிறான்.

இந்த நிலை இன்னைக்கு (1967இல்) தானய்யா? வண்ணான் கலெக்டர். பறையன் கலெக்டர். பள்ளன்கலெக்டர். இந்த மாதிரி ஒரு நிலை இன்னைக்குத் தானய்யா வந்தது? இதுவரைக்கும்உத்தியோகத்தலைமையில் யார் இருந்தா? கடைவீதி பயல் கடை வீதியில் - வண்ணான் பையன்வண்ணான் துவைக்க. பரியாரி பயல் சிரைச்சிகிட்டுத்தான் இருக்கணும். சக்கிலி பயல் செருப்புதான்தைக்கணும். பறைப்பயல் தப்புதான் கொட்டணும். இப்ப தானே இவனுங்க எல்லாம் கலெக்டர்ஆனான். இப்ப (1967இல்)காமராசருக்கு அப்புறம் தானே நாங்க சண்டைபோட்டு போராடியதற்குஅப்புறம் தானே சொல்லு வாங்களே, 50 வருஷத்துக்கு முன்னே இதைப் பற்றி பேசினது யாரு? பறையன் கேட்கவே மட்டானே, சாமி சாமி எதுவும் வேணாம்பான்.எனவே தோழர்களே, நம்சுயமரியாதை இயக்கம் போட்ட கூப்பாட்டுக்குப் பிறகுதான் உயர் பதவியில் நம்மவர்கள் இன்னும்இது கொஞ்சம் கொஞ்சமாய் வளரனும். உங்களுக்குள் கட்டுப்பாடு இருக்கணும் இளைஞர்கள் எல்லாம்நம் உணர்ச்சியோடு இருக்கணும். நாளைக்கும் கூட்டமிருக்கு. நான் சொன்னதை நம்பாதீங்க.நல்லபடி யோசனை பண்ணுங்க. சரீன்னுபட்டதை ஒத்துக்கங்க சின்ன பசங்களுக்கு சொல்றேன். நெற்றியில் சாம்பலடிக்காதே. சாம்பலடிச்சா தேவடியா மகன்னுபேரு. கோயிலுக்குப் போகாதீங்க. இக் கூட்டத்தில் கேள்விக்கு பதிலளித்து பெரியார் அவர்கள் பேசியது:- காமராசர் இந்தத் தேர்தலில்ஜெயிச்சே ஆகணும். காமராசர் ஜெயிக்கலேன்னா நீங்களெல்லாம் நன்றி கெட்ட பசங்கன்னு ஆகணும். அவர் வந்துதான் உங்கள் பிள்ளை குட்டி எல்லாம் படிக்க முடிஞ்சுது.

எந்தக் கட்சியா இருந்தாலும் எனக்கு அக்கறையில்லை. தோற்றால் அவருக்கு ஒண்ணுமில்லே.நமக்குத்தான் நன்றி விசுவாசமில்லேன்னாகும். படிப்பு ஸ்காலர்ஷிப் அவரால் தானே வந்தது. ஹைஸ்கூல் வரைக்கும் ஏறக்குறைய 40 லட்சம் பேருக்குச் சம்பளமில்லா படிப்பு. யாரால் இதுமுடிஞ்சிது? காமராசரால்தான். பாப்பான் என்னைக்குமே சம்பளமில்லாமல் தான் படிச்சான் - நம்பபிள்ளைகளுக்கு காமராசர் பெயரை வைக்கணும் - அவரை ஆதரிக்கணும். காங்கிரசு இன்னொருகட்சியா என்கிற கவலை வேணாம். தனிப்பட்ட முறையில் அந்த மனிதன் செய்திருக்கிற காரியம்ரொம்ப. அது தான் என் கருத்து. (திராவிட) முன்னேற்றக்கழகக் காரரையும் ரொம்ப மட்டமாநினைக்காதீங்க. மற்றவர்கள் பற்றிச் சொல்லுங்க. காமராசர் அவ்வளவு நல்ல காரியங்கள்செய்திருக்கிறார். இத்துடன் என் பேச்சை முடிச்சிக்கிறேன். நன்றி வணக்கம். அய்யா அவர்கள்எனக்குப் பணமும் ஒரு டைரியும் தந்ததுக்கும் என் நன்றியை தெரிவித்துக் கொள்ளுகிறேன்.

திருச்சி - தில்லை நகர் - மக்கள் மன்றத்தில் 08-12-1967 திருச்சி நகர மக்கள் குழுவினர் நடத்திய தந்தைபெரியார் 89ஆவது பிறந்த நாள் விழாவில் தந்தை பெரியார் ஈ.வெ.ராமசாமி அவர்கள் ஆற்றிய நன்றிப்பேருரை:-

 நூல் - பெரியாரின் சிந்தனைத் திரட்டு

தொகுப்பாசிரியர் - து.மா.பெரியசாமி