வேளாண்மை விஞ்ஞானி எனப்படும் பார்ப்பனரின் ஏமாற்று வேலை

கடற்கரை ஓரத்தைப் பாதுகாப்பது என்ற பெயரில் விதிமுறைகளை வகுக்க ஆலோசனை சொல்லுமாறு ஒரு குழுவை 1991 இல் இந்திய அரசு அமைத்தது. நண்டின் வாழ்வு மேம்பாட்டுக் கானவற்றைச் சொல்லுமாறு நரியைக் கேட்டுக் கொண்டதைப் போல, எம்.எஸ்.சாமிநாதன் எனும் பார்ப்பனர் ஒருவரைக் குழுவின் தலைவராகச் சேர்த்தனர். தஞ்சை மாவட்டப் பார்ப்பனரான இவருக்கும் வேளாண்மைக்குமே சம்பந்தம் கிடையாது. மன்னர்களின் மான்ய நிலத்தைக் கொண்டு பிழைத்த குடும்பம் என்றாலும், நிலத்தை உழுவது நீசர்களின் தொழில்; பார்ப்பனர் அதைச் செய்தால் ஜாதிப் பிரஷ்டம் செய்யப்படவேண்டும் எனக் கூறும் மனுநீதிப்படி வாழ்ந்தவர்கள். (ஏர் உழுத இரண்டு பார்ப்பனர்களை ஜாதிப்பிரஷ்டம் செய்து காஞ்சிபுரம் (மறைந்த) சங்கராச்சாரியாரே 1922 இல் உத்தரவிட்டார்.) இவருக்கு வேளாண் விஞ்ஞானி என்கிற பட்டம் இங்கு.


மணிலாவில் உள்ள அரிசி ஆராய்ச்சி நிலையத்தில் வேலை பார்த்ததை வைத்துக் கொண்டு வெளிச்சம் போட்டுக் காட்டி பலரை மயங்க வைக்கிறார். இந்த அறிவுக் கொழுந்து கொடுத்த ஆலோசனைகள்தான் 1991 ஆம் ஆண்டில் கடலோர மேலாண்மைப் பகுதி பற்றிய மத்திய அரசின் அறிவிக்கை. மக்கள் மத்தியில், அதுவும் குறிப்பாக ஒரு கோடி இந்திய மீனவர்களின் மத்தியில் பெருத்த வெறுப்பையும் எதிர்ப்பையும் ஏற்படுத்தியது. அகில இந்திய மீனவர் அமைப்புகள் கடந்த பல ஆண்டுகளாக எதிர்ப்புப் போராட்டங்களை நடத்தி வந்தனர்.

முந்தைய அறிவிக்கை 18 ஆண்டுகளில் 25 முறை திருத்தப்பட்டிருந்தாலும் கூட கடந்த ஆண்டில் மத்தியஅரசு மக்களின் கருத்தைக் கேட்டிருந்தது. மாநில அரசுகளும் தத்தம் கருத்துகளைக் கூறியிருந்தன. 9 மாநிலங்களும் 4 யூனியன் பகுதிகளும் கடற்கரைப் பகுதிகளைக் கொண்டிருக்கின்றன. இவற்றில், எந்த ஒரு மாநிலமும் கட்டுப்பாடுகளை விதிப்பதற்கான அறிவியல் பூர்வக் காரணங்களைத் தர இயலவில்லை.

1991 இல் அவர் அறிவித்திருந்த கட்டுப்பாடுகள் மீனவர்களின் பிரச்சினைகளைத் தீர்க்கவில்லை எனக் காரணம் காட்டி அவரே 2005 இல் தயாரித்த ஆவணத்தைக் கீழே போட்டுவிடுமாறு கேட்டுக் கொண்டுள்ளார். கடற்கரைக்கு 50 கி.மீ. தூரம் வரை வசிக்கும் 25 விழுக்காடு மக்களும் கடற்கரை ஓரத்தில் வாழும் ஒரு கோடி இந்திய மக்களும் தங்கள் வாழ்வாதாரத்திற்கான ஆதரவை விதிக்கப்பட விருக்கும் விதிமுறைகளிலிருந்து எதிர்ப்பார்கள் என சாமிநாதன் இப்போது கூறியிருக்கிறார். புதிய துறைமுகங்கள் அமைத்திடவும், இருக்கும் துறைமுகங்களை மேம்படுத்திடவும் வழிமுறைகளையும் குழு கூறியுள்ளதாம்.

இந்த நிலையில் மீண்டும் அதே சாமிநாதனிடம் அறிவிக்கை பெற்று முந்தைய அறிவிக்கை காலாவதியாகப் போகுமாறுச் செய்துள்ளது இந்தியஅரசு. மத்திய சுற்றுச் சூழல் பாதுகாப்புத் துறை அமைச்சர் ஜெய்ராம் ரமேஷுக்கு நம் பாராட்டுகள். மீனவர் உரிமைகளைக் காப்பதற்குத் தனிச் சட்டம் வரவிருப்பதாக அமைச்சர் அறிவித்துள்ளதையும் வரவேற்கிறோம்.

மத்திய அமைச்சரின் மற்றொரு அறிவிப்பும் கூட, வரவேற்கத்தக்கதே. இன்னும் இரண்டு மாதங்களில், புவனேஸ்வர், கேரளா, சென்னை, கோவா, மும்பை ஆகிய இடங்களில் கூடிக் கலந்துபேசி மீனவர்களின் வழக்கமான உரிமைகளைப் பாதுகாக்கும் வழிவகை காணப்படும் எனஅறிவித்திருப்பது, பார்ப்பன விஞ்ஞானிகளை அரசு இனி நம்பப் போவதில்லை என எடுத்துக் காட்டுவதாக அமைந்துள்ளது.

சாமிநாதன் போன்ற பார்ப்பனர்களைப் பற்றி எதையெதையோ எழுதிப் பார்ப்பன ஊடகங்கள் பெரிதாக்கிய காரணத்தால் அவர் ஏதோ விற்பன்னர் போலக் காட்டிக் கொள்கிறார். அதை நம்பி இந்திய அரசு ஏமாந்ததைப் போலவே, இலங்கை அரசும் ஏமாறப்போகிறது. அவருடைய வழிகாட்டுதலின்படி வன்னிப் பகுதிகளில் விவசாயம் செய்யப்படும் முயற்சியும் கூட இந்திய கடலோர மேலாண்மைத் திட்டம் போலவே புஸ்வானம் ஆகிவிடும். ஆனாலும் வெட்கம் இல்லாமல் பார்ப்பன ஏடு இந்து சாமிநாதன்களைத் தூக்கிப் பிடித்துப் பெரிய மனிதராக்குவதற்குத் தயங்காது.

இந்த லட்சணத்தில் இவர் இலங்கை அரசிடம் போய் அங்கும் விவசாய ஆலோகராகத் துடிப்பதாகத் தெரிகிறது.

புகழ் பெற்ற ஆங்கில ஆசிரியர் டிக்கன்ஸ் எழுதினார்_- “All that comes from an oyster mouth need not be pearls of wisdom” (சிப்பியின் வாய்வழி வருவதெல்லாம் (அறிவு) முத்துகளல்ல) என்று. அதைப் போலவே இந்த சாமிநாதனின் கருத்துகள் என்பதை 18 ஆண்டுகளுக்கு முன் அவர் கூறியதை இன்று அவரே மாற்றிக் கூறுவது மெய்ப்பிக்கிறது. இனியாவது இம்மாதிரி ஆட்களின் அறிவுரைகளை அரசு புறந்தள்ளவேண்டும் என்பதே நம் எதிர்பார்ப்பு.

-------------------சார்வாகன் அவர்கள் 25-7-2009 "விடுதலை" யில் எழுதிய கட்டுரை