மகாவிஷ்ணு இராம அவதாரம் எடுத்தது எதற்கு? -7

மகாவிஷ்ணு பத்து அவதாரங்கள் எடுத்தானாம்.

இதில் சிவனும், பிரம்மாவும் ஏன் அவதாரம் எடுக்கவில்லை என்று தெரியவில்லை.

மகாவிஷ்ணு அவதாரம் எடுத்தது எல்லாம் `பாரத’ பூமிக்குள் மட்டும்தான். அமெரிக்காவிலோ, ஜப்பானிலோ, அண்டார்ட்டிகாவிலோ ஏன் அவதாரம் எடுக்கவில்லை என்று இதுவரை இந்து மதாபிமானிகள் யாரும் பதில் சொல்லவேயில்லை.

*****************************************************************************


7. இராம அவதாரம்

கதை: இராவணனை சம்ஹாரம் செய்தார்; பிருந்தையின் கணவன்போல உருக்கொண்டு அவளை மகாவிஷ்ணு புணர்ந்ததால், ராம அவதாரம் எடுத்து ராமனின் மனைவி அந்நியனால் அபகரிக்கப்பட்டு, கஷ்டத்தை அனுபவிக்கவேண்டும் என்ற சாபம்; பட்டப்பகலில் லட்சுமியோடு விஷ்ணு உடலுறவு கொண்டதால் பிருகு முனிவர்கள் விட்ட சாபத்தினால், ராமன் அவதாரம் எடுத்து மனைவியை இழந்து அலைந்து திரியவேண்டிய நிலை.




கேள்வி: மாற்றான் மனைவியைப் புணர்ந்ததால் ஏற்பட்ட சாபப்படி ராமன் மனைவி மாற்றானால் புணரப்பட வேண்டியவள் என்று ஆகிறதா இல்லையா? சீதை கற்புள்ளவள் என்று கூறும் `ஜீவிகள்’ இந்தச் சாபத்தின் நோக்கத்தைப் புரிந்தவர்கள்தானா?


சம்புகன் என்ற சூத்திரன் தவம் இருந்தான் என்று கூறி சூத்திரன் தவம் இருப்பது வருண தர்மத்துக்கு விரோதம் என்று காரணம் காட்டி, சம்புகனை வாளால் வெட்டிக் கொன்றவன்தானே ராமன்? அந்த ராமனை சூத்திரர்கள் அவமானப்படுத்துவது நியாயம் அல்லவா?

---------------------------------தொடரும்.."விடுதலை" அசுரன் (திராவிடன்) மலர் 2006 -இல் மின்சாரம் அவர்கள் எழுதிய கட்டுரை