ஆதிபகவன் என்று தொடங்கும் அந்தக் கடவுள் வாழ்த்துப்பாடல் கொஞ்சம் நகைச்சுவை தோன்றக் கூறப்பட்டுள்ளது. பார்வதி தன்னிடம் கொண்ட ஊடலைத் தணிக்கச் சிவன், பார்வதியின் காலில் வீழ்ந்து வணங்கிய போது, சிவன் மட்டுமன்றி அவன் தலை யிலே இருந்த பிறைச் சந்திரனும், கங்கையும் வணங்கியதை எண்ணிப் பார்வதி பெருமிதம் அடை கிறாள். அத்தகைய பெருமிதம் கொண்ட உமாதேவியை வணங்குவதாகப் பாடல் அமைந் துள்ளது.
சிவனின் தலையில் உள்ள பிறைச்சந்திரன் பார்வதியின் நெற்றிக்குப் பகையாம். நாகப் பாம்பு பார்வதியின் அல்குலுக்குப் பகையாம். இந்தப் பகையுடையவை வணங்குவதிலோ, தன் கணவன் சிவன் வணங்குவதிலோ பார்வதிக்குப் பெருமகிழ்ச்சி இல்லையாம். ஆனால் சிவனின் சடாமுடியில் தங்கியுள்ள கங்கை பார்வதியின் பாதங்களில் வீழ்ந்து வணங்கியதை எண்ணிப் பார்வதி பெருமகிழ்ச்சி கொண்டாளாம். ஏனென்றால் எந்தப் பெண்ணும் தனது சக்களத்தி தன் காலில் வீழ்ந்து வணங்கினால் பெருமகிழ்ச்சி கொள்ளத்தானே செய்வாள். அதுபோலப் பார்வதியும் தன் சக்களத்தியான கங்கை தன் காலில் வீழ்ந்து வணங்கியதை எண்ணி மகிழ்கிறாள். சிவனின் தலை பார்வதியின் பாதங்களில் வீழ்ந்து கிடந்த செய்தியைப் புலவர் சிவப்பிரகாசர் நல்ல கற்பனை நயந்தோன்ற விளக்கியுள்ளார் என் பதில் புலவர்கள் வேண்டுமானால் மகிழ்ச்சி கொள்ளலாம். ஆனால் பகுத்தறிவுவாதி மகிழ்ச்சியா கொள்வான். ஒரு கடவுளை இந்தக்கதிக்கு ஆளாக்கிவிட்டு அக்கடவுளை நம்மையும் வணங்கச் சொல்கிறானே என்று எண்ணி அவனது முட்டாள்தனத்தை நினைத்துப் பரிதாபப்படுவான்.
ஒரு முழுமுதற்கடவுள் என்று கூறப் பெறும் சிவன் தன் மனைவியின் பாதங்களிலே நெடுஞ்சாண் கிடையாக வீழ்ந்து வணங்கினான் என்று கூறுவது எவ்வளவு முட்டாள் தனம் என்று கருதுகிறார் பெரியார். பார்வதிக்குக் கங்கை சக்களத்தி என்று கற்பனை செய்திருப்பதைப் புலவர்கள் வேண்டுமானால் பாராட்டுவார்களே தவிர பெரியார் பாராட்டு வாரா! இத்தகைய இலக்கியங்கள் தமிழுக்குத் தேவையில்லை என்பதுதான் பெரியாரின் இலக்கியச் சிந்தனையாகும்.
-------------------நன்றி:-"விடுதலை"5-6-2009
2 comments:
கடவுள் கதைகள் அனைத்துமே காமக்கதையத்தான் இருக்கிறது. யோக்கியமான ஒருகடவுள் இருந்தால் யாராவது சொல்லுங்களேன்?
யோக்கியமான கடவுள் அவர் தான் இயேசு கிறிஸ்து அவர் பரிசுத்தர் மஹா பரிசுத்தர்
Post a Comment