நவராத்திரியை நாம் கொண்டாடலாமா?

சரசுவதி பூஜை கொண்டாடும் நம் நாட்டில் 100-க்கு 50 பேர் தற்குறி களாக - கை நாட்டுப் பேர் வழிகளாக இருப்பது - ஏன்?

சரசுவதி பூஜை கொண்டாடாத மேலை நாடுகளில் நூற்றுக்கு நூறு பேரும் படித்திருக்க - கல்வி அறிவு பெற்றிருக்க என்ன காரணம்?

தமிழ்நாட்டுக் கல்விக் கடவுள் சரசு வதி என்றால், ஆங்கில நாட்டுக் கல்விக் கடவுள் - அய்ரோப்பிய நாட் டுக் கல்விக் கடவுள் - ஆஸ்திரேலிய நாட்டுக் கல்விக் கடவுள் யாவர்?

உலகம் முழுவதும் ஒரே சூரியன் என்பதுபோல், உலகம் முழுவதும் ஒரே சந்திரன் என்பதுபோல் உலக முழு மைக்கும் கல்விக்குப் பொறுப்பான ஒரே கடவுள் சரசுவதி என்றால், ஏன் அந்தச் சரசுவதி வணக்கம் உலகம் முழுமையும் அனைத்து மக்களாலும் அந்த ஒரு குறிப்பிட்ட நாளில் கொண்டாடப் படவில்லை? அல்லது நாட்டுக்கு நாடு வேறு ஒரு நாளிலாவது கொண்டாடப் படவில்லை? ஏன் அவ்வாறு கொண் டாடப்படலாம் அல்லவா? 

சரசுவதியே இல்லை என்கிறபோது விழா என்பது ஏது என்பது தானே சிக்கல்!

ஆத்திகக் கம்பனுக்கும், காளிதா சனுக்கும் நாவிலே அருள் பாலித்தது சரசுவதி என்றால் அகில உலகப் புகழ் பெற்ற நாத்திகத் தந்தை பெரியாருக்கும், புரட்சிக் கவிஞர் பாரதிதாசனுக்கும், அறிஞர் அண்ணாவுக்கும், கலைஞர் கருணாநிதிக்கும் நாவிலே அருள் பாலித்தது யார்? அயலக நாத்திக அறிஞர்களான  இங்கர்சாலுக்கும், சாக்ரடீசுக்கும், பெட்ரன்ட்ரசலுக்கும், சார்லஸ் பிராட்லாவுக்கும்,  பெர்னாட் ஷாவுக்கும் நாவிலே அருள்பாலித்தது யார்?

ஆத்திக்க அறிவை அருள் பாலிக்க ஒரு கடவுளும், நாத்திக அறிவை அருள் பாலிக்கப் பிறிதோர் கடவுளுமாக இருவர் உள்ளனரா?சரசுவதியை வணங்கியே கல்வி, அறிவு பெறலாம் என்றால் பள்ளிகளும், கல்லூரிகளும், பல்கலைக் கழகங்களும், ஆசிரியர் களும், பாடத் திட்டங் களும், பாடப் புத்தகங் களும், உதவிக் கல்வி அலுவலர்களும், மாவட்டத் தொடக்கக் கல்வி அலுவ லர்களும், மாவட்ட முதன் மைக் கல்வி அலுவலர் களும், கல்வி இயக்கு நரும், கல்வி அமைச்சரும், தேர்வு முறைகளும், கல்வி தொடர்பான இன்ன பிற செலவினங்களும் தேவை இல்லைதானே?

பெற்ற தந்தை பிரம்மனாலேயே பெண்டாளப்பட்ட (மனைவியாக ஏற்று அனுபவிக்கப்பட்ட) சரசுவதியா நமக்குக் கல்விக் கடவுள்? அந்தக் கடவுளும், கல்வியும் ஒழுக்கத்தைப் போதிக்குமா?

சரசுவதி கல்விக் கடவுளா? அல்லது கலவிக் கடவுளா? சகலகலாவல்லி சரசுவதி என்றால், அவள் ரஷிய, சீன, அமெரிக்க, சப்பான், இங்கிலாந்துக் கல்வி முறைகளையும், கலைத் தன்மை களையும் முற்றும் அறிந்தவளா? புரிந்தவளா? உணர்ந்தவளா? நவராத்திரி தமிழர் விழா என்பதற்கு ஆதாரமான இலக்கிய - இலக்கணச் சான்று ஏதேனும் உண்டா? பழந்தமிழர் சங்க நூல்களிலாவது, தமிழர்மறை என்று சொல்லப்படுகின்ற திருக்குறளிலாவது நவராத்திரி விழாவுக்கு ஆதாரம் உள்ளதா?

நவராத்திரி, பண்டிகை, ஆயுதம், பூஜை, விஜயம், தசமி முதலிய அனைத் துச் சொற்களும் வடமொழிச் சொற் களாக இருக்க இவை எப்படித் தமிழுக்கு, தமிழர்க்கு, தமிழ்நாட்டிற்கு ஏற்ற விழா வாக அமைய முடியும்?

நவராத்திரி சைவ சமயப் பண்டிகையா? அன்றி வைணவ சமயப் பண்டி கையா? இரண்டும் சார்ந்த பொதுவான இந்து மதப் பண்டிகை எனில், அது ஏன் வைணவ ஆலயங்களில் சிறப்பாகக் கொண்டாடப்படவில்லை?

ஆயுத பூஜை கொண்டாடும் இந்து மதப் பக்த தமிழா! நீ இன்றுவரை கண்டுபிடித்து ஊருக்கும், உலகிற்கும் வழங்கிய ஆயுதம்தான் எது?

தொலைக்காட்சி, தொலைபேசி, தொலைவரி (தந்தி), தொடர்வண்டி, பேருந்து, மின்சாரம் போன்ற சமுதாய மனநல மேம்பாட்டு வாழ்வுக்குப் பயன்படும் அனைத்துக் கருவிகளையும் ஆயுத பூஜை கொண்டாடாத அயல்நாட்டுக் காரர்களே கண்டுபிடித்திருக்க, ஆயுத பூஜை கொண்டாடும் இந்து மதப் பக்த தமிழா! நீ இன்றுவரைக் கண்டுபிடித்த ஆயுதம் கருவி என்பது விபூதியும், நாமக் கட்டியும், துளசியும், தர்ப்பைப் புல்லும் தானே!

ஆத்திக பக்தர்களே! விபூதியும், நாமக்கட்டியும், துளசியும் அரிய மருந்துப் பொருள்களான கருவிகள் என வாதிட லாம் என்று தயவு செய்து கருதாதீர்கள். காரணம் அவற்றை வெல்லும் அரிய - எளிய மருந்துப் பொருள்களை நாத்திகத் தின் ஒரு கூறான அறிவியல் கண்டு பிடித்து வெற்றியும் பெற்றுள்ளது என் பதை மறவாது நினைவிற் கொள்ளுங்கள்!

தலையிலே உள்ள நீரை உறிஞ்சு வதற்காக நெற்றியிலே திருநீற்று விபூதிப் பட்டையை அறிவியல் காரணமாக (சமய மதக் காரணம் அன்றாடம்) பூசுகிறோம் என்று கதை விடுகிற ஆத்திக பக்தனே! மரக் கல்லாப் பெட்டிக்கும், மரப் பீரோவுக்கும், மரநிலைக் கதவுப் படிக்கும் திருநீற்று விபூதிப் பட்டை போடுகிறாயே, என்ன காரணம்? அவற்றிற்கு நீர் பிடித்திருக்கிறதா? ஏன் இந்த ஏமாற்றுத் தில்லுமுல்லு? நாத்திகர்களாகிய எங்களை ஏமாற்றுவதாக நினைத்துக் கொண்டு, ஆத்திக பக்த தமிழனே, உன்னை நீயே ஏமாற்றிக் கொள்ளாதே!

காசு என்னும் லட்சுமி இருந்தால் அதைக் கொண்டும், கொடுத்தும் கல்வி என்னும் சரசுவதியை விலை கொடுத்து வாங்கிவிடலாம் - அடக்கி விடலாம் - மடக்கி விடலாம் என்று பக்தப் பிரமுகர் களே பேசிக் கொள்வது எங்கள் காது களில் விழுந்த வண்ணம் உள்ளதே!

நடைமுறையில் இது உண்மை யாகவும்தானே இருக்கிறது? எத்தனை பணக்காரப் பயல்கள் லஞ்சக் காசு கொடுத்து, கல்விப் பட்டத்தைச் சுலப மாகப் பெற்று விடுகிறார்கள். இதுதான் ஒழுக்கமா? நேர்மையா? நீதியா?

கல்வித் துறையின், அறிவு என்னும் படிப்புத் துறையின் அவசியக் கூறு களாக விளங்குகிற அச்சு இயந்திரம், தாள், அட்டை, மை, கணினி, தட்டெழுத்து இயந்திரம், ஆப்செட், லித்தோ, அச்சு எழுத்து முதலியவற்றை ஆயுத பூசை கொண்டாடாத மேலை நாட்டவன்தானே கண்டுபிடித்துள்ளான்.

நீ கண்டுபிடித்த ஆயுதத்தை - கருவியை (அதாவது விபூதியையும், நாமக் கட்டியையும், துளசியையும், தர்ப்பைப் புல்லையும்) அயல்நாட்டார், பிற நாட்டார் பயன்படுத்தாதது ஏன்? அவர்கட்கு நாம் கண்டுபிடித்தது பயன்படாதது ஏன்?

அணுக்குண்டையும், அய்ட்ரஜன் குண்டையும், ஆகாய விமானத்தையும் கண்டுபிடித்தவன் கொண்டாடாத ஆயுத பூஜை, பிள்ளைப் பேற்றைக் கருதி அரச மரத்தையும், வேப்ப மரத்தையும் சுற்றி வருபவனுக்கு - சுற்றி வருபவர்களுக்கு ஒரு கேடா?

ஆயுதங்களைக் கண்டுபிடிப்பவன் மேல் நாட்டான் எனினும், அவன் கண்டுபிடித்த ஆயுதங்களுக்கு எண் ணெய் இட்டு, முழுக்காட்டிப் பொட்டிட்டு, பூவிட்டு, குங்குமம் வைத்துக் கும்பிட்டு மகிழ்வது மட்டும் நீயா?

தமிழா, நீ மடமைத்தனத்தை நினைத்து வீழ்ந்தது போதும்! உன் னைக் கொன்று ஒழித்ததே ஆரியரின் பொல்லாத சூதும், வாதும்! தோள் தட்டி, கையுயர்த்தி அறிவு வீச்சுடன் கிளம்பு! இனிப் பெரியாரியமே நமை உயர்த்தும் என விளம்பு!

                                    -----------------------குடநதை வை.மு. கும்பலிங்கன் அவர்கள் எழுதிய கட்டுரை  -”விடுதலை” 6-102013