பெரியார் மறைவிற்குப் பிறகு இயக்கம் பல மடங்கு வேகமாக வளர்வதைக் கண்டு பெருமையடைகின்றோம்

திராவிடர் இயக்கத் தலைவர்கள் இருவர்தான். ஒருவர் கலைஞர்; மற்றொருவர் திராவிடர் கழகத் தலைவர் கி.வீரமணி அவர்கள் தான் என்று மின்துறைஅமைச்சர் ஆர்க்காடு நா.வீராசாமி தமிழர் தலைவர் பிறந்த நாள் விழாவில் கூறி விளக்க உரையாற்றினார்.

திராவிடர் கழகத் தலைவர் தமிழர் தலைவர் கி.வீரமணி அவர்களின் 76ஆம் ஆண்டு பிறந்த நாள் நேற்று (2.12.2008) சென்னை பெரியார் திடலில் ஒரு கொள்கை பரப்பு நிகழ்ச்சியாக, இன உணர்வு நிகழ்ச்சியாக நடைபெற்றது.



மின்துறைஅமைச்சர் ஆர்க்காடு நா.வீராசாமி தமது உரையில் குறிப்பிட்ட முக்கிய செய்தி வருமாறு:

கலைஞருடன் - முதலாமவராக இருப்பவர்

முதல்வர் கலைஞர் அவர்களுடன் மாலை நேரத்தில் ஆட்சிக் கடமைகள், அரசியலில் அன்றாட நிகழ்ச்சிகள், தமிழ்நாட்டு அரசியல் நிலவரங்கள், மக்கள் நலப்பணிகள் என்று அன்றாடம் உரையாடுகின்ற ஒரு அய்ந்தாறு பேர்களில் நம்முடைய ஆசிரியர் வீரமணி அவர்கள் முதலாமவராக இருப்பதைக் கண்டு நாங்கள் எல்லாம் பெருமகிழ்ச்சி அடைகின்றோம்.

கலைஞர் ஆரம்பிப்பார் - வீரமணி முடிப்பார்

கலைஞர் அவர்களும், நமது ஆசிரியர் அவர்களும் இருவரும் உரையாடிக் கொண்டிருப்பார்கள். முதல்வர் கலைஞர் அவர்கள் பாதி வரலாற்றுச் செய்திகளைச் சொல்லிக் கொண்டே வருவார். கலைஞர் அவர்கள் பேசுகிறார்கள் என்றால் நாங்களெல்லாம் இடைமறித்துப் பேசமாட்டோம். ஆனால் நம்முடைய ஆசிரியர் அவர்கள் இடைமறித்து மீதிச் செய்திகளை எல்லாம் சொல்லி இவர் முடிப்பார். அந்த அளவுக்கு அவர்கள் இருவரும் பொதுநலனில் பற்றோடு உரையாடி வருபவர்கள்.

ஆற்காட்டில் மாநாட்டுப் பந்தல் கொளுத்தப்பட்டது

ஆற்காட்டில் பெரியார் அவர்கள் கலந்து கொள்கிற மாநாட்டை அன்றைய திராவிடர் கழகத் தோழர் குப்பன் அவர்கள் ஏற்பாடு செய்திருந்தார். எதிரிகள் மாநாட்டுப் பந்தலை கொளுத்திவிட்டார்கள். நான் அப்பொழுது ஆற்காடு சட்டமன்ற உறுப்பினர்.

வீரமணி அவர்கள் தொலைபேசியில் தொடர்பு கொண்டு அய்யா அவர்கள் கலந்து கொள்கிற மாநாட்டுப் பந்தலை எதிரி கள் கொளுத்தி விட்டார்கள் என்கிற செய்தி உங்களுக்குத் தெரி யுமா? என்று கேட்டார். நான் உடனே அய்யா அவர்களை சென்று சந்தித்தேன். வீரமணி அவர்களும் உடனே புறப்பட்டு அய்யா அவர்கள் தங்கியிருக்கின்ற ராணிப்பேட்டை பயணியர் விடுதிக்கு வந்துவிட்டார்.

அய்யா அவர்கள் தன்னந்தனியராக கவலையுடன் உட்கார்ந்திருந்தார். அய்யா அவர்களை நான் சந்தித்தேன். நான் ஆற்காடு சட்டமன்ற தொகுதி தி.மு.க. உறுப்பினர் என்று அய்யா அவர்களிடம் சொன்னேன்.

வீரமணி அவர்களும் அங்கு இருக்கின்றார். 24 மணி நேரத்தில் அதே ஆற்காட்டில் அதைவிட சிறப்பாக அழகுறப் பந்தல் அமைத்து மாநாட்டை நடத்தி, அதே மேடையிலே அய்யா அவர் களுக்கு புது வேன் வாங்க நிதியையும் திரட்டித் தந்து அய்யா அவர்களிடம் பாராட்டுப் பெற்றேன். இவ்வளவு சுறுசுறுப்பான வரா நீங்கள் என்று என்னைப் பாராட்டினார்.

1976 ஜனவரி 31 அவசர நிலைப் பிரகடனம் முதலில் என்னைத் தான் கைது செய்தார்கள். நானும் ஆசிரியர் வீரமணி அவர்களும், மறைந்த சம்பந்தம் அவர்களும், குணசீலன் போன்றோரும் சிறை யில் வாங்கிய அடிகள் கொஞ்ச நஞ்சமல்ல. அவ்வளவு செய்தி களையும் இந்த நேரத்தில் சொல்ல காலம் இல்லை.

அப்பொழுது வீரமணி அவர்களை ஒரு சிறை வார்டன் பூட்சு காலால் எட்டி உதைத்தான். அவர் அங்கிருந்து எறியப்பட்டு கீழே விழுந்து சரிந்தார். சிட்டிபாபு இறந்தார். சாத்தூர் பாலகிருஷ்ணன் இறந்தார். பெரியார் இல்லையென்றால்

தந்தை பெரியார் அவர்கள் இல்லை என்றால் - இந்த இயக்கம் இல்லை என்றால் நாங்கள் எல்லாம் அமைச்சராகவே ஆகியிருக்க முடியாது. தி.மு.க. ஆட்சிக்கே வந்திருக்காது. சூத்திரனுக்கு எதையும் கொடுக்கக்கூடாது என்ற நிலைதான் இருந்தது. நாம் மனிதர்களாகவே இருந்திருக்க முடியாது; வெறும் அடிமை களாகத்தான் இருந்திருப்போம்.

எங்களால் செய்ய முடியாத காரியத்தை

கலைஞர் அவர்கள் அய்ந்து முறை முதலமைச்சராக வந்திருக் கின்றார். நான் மூன்று முறை அமைச்சராகியிருக்கின்றேன்.

எங்களால் செய்ய முடியாத காரியத்தை திராவிடர் கழகத் தலைவர் வீரமணி அவர்கள் செய்து காட்டியிருக்கின்றார். திராவிடர் இயக்க வரலாற்றை தெரிந்த தலைவர்கள் இருவர்தான். ஒரு வர் கலைஞர். இன்னொருவர் திராவிடர் கழகத் தலைவர் வீரமணி.

பெரியார் கல்வி நிறுவனப் பிள்ளைகளின் சாதனைகள்

பெரியார் கல்வி நிறுவனங்களைச் சார்ந்த பிள்ளைகள் தி.மு.க. ஆட்சியின் சாதனைகளைச் சொன்னது போல - வேறு எந்தக் கல்வி நிறுவனமும், வேறு எந்தப் பல்கலைக்கழகமும் செய்து காட்ட முடியாது.

கலைஞர் ஆட்சியின் சாதனைகளை அவர்கள் ஒவ்வொன் றாகச் சொன்னபொழுது கலைவாணர் அரங்கில், செங்கல் பட்டில் செய்து காட்டியபொழுது முதல்வர் கலைஞர் அவர் களும், நாங்களும் வியந்து போனோம்.

எவ்வளவு செலவு ஆகும்?

தி.மு.க. ஆட்சியின் சாதனைகளை - ஒரு சூத்திர ஆட்சியின் சாதனைகளை தமிழகம் முழுவதும் ஒவ்வொரு மாவட்டத்திலும் எடுத்துச் சொல்லி பரப்ப வேண்டும். அதற்கு எவ்வளவு செலவு ஆகும் என்று வீரமணி அவர்களிடம் கேளுங்கள் என்று கலைஞர் சொன்னார். நான் உடனே வீரமணி அவர்களிடம் பேசிய பொழுது - ஒன்றும் வேண்டாம். வந்துபோக வாகனச் செலவு மட்டும் கொடுங்கள். மற்றவைகளை நாங்கள் பார்த்துக் கொள்கிறோம் என்று சொன்னார்.

முதலில் விழுப்புரத்தில்

அதன்படி முதலில் விழுப்புரத்தில் - பெரியார் கல்வி நிறு வனங்களின் மாணவச் செல்வங்களின் இந்த நிகழ்ச்சி நடத்தப்படும். அடுத்து திருவண்ணாமலையில் நடைபெறும். இப்படி தமிழகம் முழுக்க நடைபெற இருக்கிறது. இந்த இயக்கம் என்ன ஆகுமோ?...

தந்தை பெரியார் மறைவிற்குப் பிறகு இந்த இயக்கம் என்ன ஆகுமோ என்று நினைத்தோம். தந்தை பெரியாரின் கொள்கை கள் - பணிகள் இன்றைக்கு அவர் இருந்த காலத்தைவிட பல மடங்கு வேகமாக வளர்வதைக் கண்டு பெருமையடைகின்றோம்.

நம்முடைய ஆசிரியர் அவர்கள், தந்தை பெரியார் அவர்கள் வாழ்ந்த காலத்தையும் தாண்டி நூறு ஆண்டுகளுக்கு மேல் வாழவேண்டும் என்று வாழ்த்துகிறேன் என்று பேசினார்.

--------------------"விடுதலை" 3-12-2008