Search This Blog

3.3.12

திராவிடர் இயக்கம் -2


பார்ப்பனர்களும், அவர்களின் தொங்குசதைகளும், தங்களிடத்தில் உள்ள ஊடகங்களின் வலிமையினால், திராவிடர்கள் என்று சொல்லுவதே உண்மையல்ல. அது ஒரு மாயை ஆங்கிலேயர்களால், கிறிஸ்துவர்களால் கட்டி விடப்பட்ட பொய்ச் சரக்கு என்று பிரச்சாரம் செய்து வருகிறார்கள்.

திராவிடர்கள் என்பது போலியானது என்றால் ஆரியர்கள் என்பவர்கள் யார்?

ஆர்.எஸ்.எஸ். குருநாதராகிய கோல்வால்கர், தான் எழுதிய BUNCH OF THOUGHTS எனும் நூலில் என்ன கூறுகிறார்?

நமது மக்களை மற்றவர்களிடமிருந்து வேறு படுத்திக் காட்ட நாம் ஆரியர்கள் அதாவது அறிவுத்திறம் மிக்கவர்கள் என்று அழைக்கப்பட்டோம்; நம்மைத் தவிர மற்றவர்கள் எல்லாம் மிலேச்சர்கள் என்று குறிப்பிட்டுள்ளாரே - இதற்கு என்ன பதில்?

விசுவ ஹிந்து பரிஷத்தின் அகில உலகத் தலைவராக இருந்த அசோக் சிங்கால் என்பவர் சென்னையிலேயே பேசவில்லையா?

கடவுள் தந்த சனாதன தருமமே இந்துக்களின் அரசியல் சட்டம். ஆரியர்களே இந்த நாட்டின் பூர்வீகக் குடிகள் என்று பேசினாரே (சென்னை 26.9.1993).

இவர்களுக்குத் தேவைப்பட்டால், ஆரியர்கள் என்று தங்களைப் பெருமிதமாகக் கூறிக் கொள்வார்கள்.

அதே நேரத்தில் வரலாற்றின் அடிப்படையில் நம்மை நாம் திராவிடர்கள் என்றால் திரிபுவாதம் என்று திசை திரும்புவார்கள்.

காரணம் - திராவிடர்கள் என்று வருகிறபோது ஆரியர்களுக்கு எதிரானவர்கள்! ஆரிய கலாச் சாரத்துக்கு எதிரானது திராவிடர் கலாச்சாரம் என்ற உணர்வு பீறிட்டுக் கிளம்பி விடுமே என்ற ஆத்திரம் தான்.

அந்த எதிர்ப்புணர்வு தானே தமிழ்நாட்டில் ஆரியப் பார்ப்பனர்களின் ஆணவத்தையும், ஆதிக் கத்தையும் ஒடுக்கியது.

பார்ப்பன எதிர்ப்புணர்வு தான் என்னைப் பகுத்தறிவுவாதியாக ஆக்கியது என்று தந்தை பெரியார் கூறியுள்ளது இந்த இடத்தில் நோக்கத் தக்கது (விடுதலை 5.3.1969)


ஆரியர் - திராவிடர் கலப்பு ஏற்பட்டுவிட்டது; இப்பொழுது இந்தப் பிரச்சினை தேவையா என்று மேதாவித்தனமாக சிலர் பேசுவதுண்டு.

நடைமுறையை நோக்கும் பொழுது பார்ப்பனர்கள் நம்மோடு இணைந்த இனமாக இல்லையே!

அவர்கள் உயர் ஜாதிக்காரர்கள் என்பதைவிட நம்மை சூத்திரர்கள் என்று இறுக்கி வைப்பதில் தானே கவனம் செலுத்துகிறார்கள்.

ஆண்டுக்கொரு முறை ஆவணி அவிட்டம் என்று சொல்லி பூணூலைப் புதுப்பித்துக் கொண்டு இருக்கிறார்களே இதன் பொருள் என்ன?

இன்றைக்கும் தங்கள் தாய்மொழியென சமஸ் கிருதத்தைக் கருதுகிறார்களே தவிர, தமிழை ஏற்றுக் கொள்வதில்லையே!

தமிழ் செம்மொழியென்றால் கேலி செய்கிறார்களே? தமிழிலே தங்கள் பிள்ளைகளுக்குப் பெயர் சூட்டும் ஒரே ஒரு பார்ப்பானைக் காட்டுங்கள் பார்க்கலாம்?

கோவில்களில் வழிபாட்டு மொழியென்றாலும் சரி, அனைத்து ஜாதியினருக்கும் அர்ச்சகர் உரிமை என்று சட்டம் கொண்டு வந்தாலும் சரி, அவற்றை மூடத்தனமாக எதிர்ப்பதோடு உச்சநீதிமன்றம் வரை சென்று தடை வாங்குகிறார்களே இவ்வளவையும் நடைமுறையில் செய்து கொண்டே, இப்பொழு தெல்லாம் பார்ப்பனர் - பார்ப்பனர் அல்லாதார் பிரச்சினை எங்கே இருக்கிறது என்று கேட் கிறார்கள் என்றால் பார்ப்பனர்களின் இரட்டை வேடத்தைத் தெரிந்து கொள்ள வேண்டும்.

பார்ப்பனர்களையும், அவர்களால் திணிக்கப்பட்ட பார்ப்பனீயத்தையும் கடுமையாக எதிர்த்ததால் தானே இன்றைய தினம் இந்தியாவிலேயே தமிழ் நாட்டில் பார்ப்பனர் அல்லாத மக்கள் உரிமையையும், எழுச்சியையும் பெற்றனர்.

இன்னும், பிராமணர் சங்கம் வைத்துக் கொண்டு இருப்பவர்கள் தான் பார்ப்பனர்களைப்பற்றிப் பேசுவது குற்றம் என்று சொல்லுகிறார்கள் என்பதைக் கவனிக்க வேண்டும். எச்சரிக்கை!

------------------"விடுதலை” தலையங்கம் 3-3-2012

திராவிடர் இயக்கம் - 1



பிப்ரவரி 27 அன்று சென்னை அண்ணா அறிவாலயத்தில் நடைபெற்ற திராவிட இயக்க நூற்றாண்டுத் தொடக்க விழாவிலும் சரி, நேற்று (1.3.2012) மாலை சென்னை காமராசர் அரங்கத்தில் நடைபெற்ற தி.மு.க. பொருளாளர் மாண்புமிகு மு.க. ஸ்டாலின் அவர்களின் 60ஆம் ஆண்டு பிறந்த நாள் விழாவிலும் சரி. ஆற்றப்பட்ட உரைகள் காலத்தாற் போற்றப்பட வேண்டிய இன எழுச்சிக் கருவூலங்கள்.

1912இல் டாக்டர் சி. நடேசனார் அவர்களின் முயற்சியால் துவக்கப்பட்ட மெட்ராஸ் யுனைட்டட் லீக் - என்பதுதான் 1913இல் திராவிட சங்கம் என்று பெயர் மாற்றம் செய்யப்பட்டது. அந்தக் காலக் கட்டத்தில் 500 உறுப்பினர்கள் திராவிட சங்கத்தில் இருந்தனர் என்பது சாதாரணமானதல்ல.

1916இல் தென்னிந்திய நல உரிமைச் சங்கம் என்ற நீதிக் கட்சி பிறந்தது என்றாலும் அதற்கு அடி எடுத்துக் கொடுத்தது. அடிக்கல் நாட்டியது டாக்டர் சி. நடேசனாரின் மெட்ராஸ் யுனைட்டட் லீக் தான்.

அதன் அடிப்படையில்தான் திராவிடர் இயக்கத்தின் நூற்றாண்டுத் தொடக்க விழா என்று கொண்டாடப்படுகிறது.

இதனைப் பொறுக்க மாட்டாத பார்ப்பனப்பதர்கள் பார்ப்பன ஊடகங்கள் அதனைக் கொச்சைப்படுத்தும் வகையில் நன்கு வாங்கிக் கட்டிக் கொண்டு வருகின்றன.

திராவிடர் இயக்க நூற்றாண்டு விழாவை உண்மையான திராவிடர் இயக்கத்தவர்கள் கொண் டாடுகின்றனர் என்றால் இந்தப் பார்ப்பனர்களுக்கு என்ன வந்ததாம்?

பிறக்காத கடவுளுக்கு உருவம் இல்லாத கடவுளுக்கு (அவர்கள் சொன்னதுதான்!) வருடா வருடம் திருக்கல்யாணம் நடத்துகிறார்களே! தந்தை பெரியார் தான் நாக்கைப் பிடுங்கக் கேட்டார்.

போன வருஷம் கட்டின தாலியை எவன் அறுத்துக் கொண்டு போனான்? எவன்அடித்துக் கொண்டு போனான்? என்று கேட்டாரே, இதுவரை எந்த ஒரு கொம்பனாலும் பதில் சொல்ல முடிந்ததா?

பார்ப்பனர்களைப் பிடித்து ஆட்டுகின்ற பயம் என்னவென்றால் நூற்றாண்டு விழா என்ற பெயரால் திராவிட இயக்கத்தின் செயல்பாட்டில் மேலும் ஒரு உத்வேகம் பீறிட்டுக் கிளம்பி விடுமே - அதன் விளைவு பார்ப்பனர்கள்மீதும், எல்லா வகையான ஆதிக்கத்தின்மீதும், பார்ப்பனீயத்தின் மீதும் இடி விழுந்து தொலையுமே - என்ற அச்சம் தான் அவர்களைப் பிடித்து உலுக்குகிறது. அந்த எரிச்சலில்தான் இப்படி கண் மூடித்தனமாகச் சேற்றை வாரி இறைக்கும் வேலையில் இறங்கி இருக்கின்றனர்.

பார்ப்பனர்களுக்கு முன்புத்தி கிடையாது என்பார் தந்தை பெரியார்; அதனை யதார்த்தமாக இப் பொழுது கூடப் பார்க்க முடிகிறதே!

ஒரு பார்ப்பனர் ஒரு தனியார் தொலைக் காட்சியில் மெத்தபடித்த மேதாவிபோல பேசுகிறார்- ஆதி சங்கரரே திருஞானசம்பந்தரை திராவிட சிசு என்று சொல்லி இருக்கிறார்; திராவிட இயக் கத்தைச் சேர்ந்தவர்கள் ஏன் திருஞான சம்பந்தரைப் பார்ப்பனர் என்று முத்திரை குத்துகிறீர்கள் என்ற கேள்வியை முன் வைத்தார்.

அதையே நாம் திருப்பிக் கேட்க முடியும். திருஞானசம்பந்தன் திராவிடன் என்று ஒப்புக் கொள்வார்களேயானால், பார்ப்பனர்கள் தங்களைத் திராவிடர்கள் என்று ஒத்துக் கொள்ளத் தயாரா? அப்படி ஒப்புக் கொண்டால் திராவிடர் என்பது எல்லாம் ஒன்றும் கிடையாது - அது ஆங்கிலேயன் செய்திட்ட சூழ்ச்சி என்று கூறி வருவதை பின் வாங்கிக் கொள்ளத் தயாரா?

ஆதி சங்கரர் திருஞானசம்பந்தனை திராவிட சிசு என்று சொன்னது, நாட்டை வைத்துச் சொல்லியிருக்க வேண்டும்.

ஆரியர் - திராவிடர் என்பதை பார்ப்பனர்கள் தங்கள் வசதிக்கேற்ப வளைத்து நெளித்தும் பேசுவதில் ஏமாறக் கூடாது. திராவிடர் கழகம் என்று தந்தை பெரியார் அழுத்தமாகக் கூறியதற்கே காரணம் - அங்கு ஆரியப் பார்ப்பனர்களுக்கு இடம் கிடையாது என்ற அடிப்படையிலும், வரலாற்று உண்மையின் அடிப்படையிலும்தான் என்பதை மறக்க வேண்டாம்.

------------------"விடுதலை” தலையங்கம் 2-3-2012

2.3.12

திருஞான சம்பந்தனின் யோக்கியதைதான் என்ன?


சென்னையில் இன்று தேவாரம் பாடிய சைவ சமயக் குரவர்களுள் ஒருவரான திருஞான சம்பந்தனுக்கு விழா எடுக்கப்படுகிறது. சோலை சுந்தரப் பெருமாள் என்பார் திருஞான சம்பந்தனை இழிவு படுத்தி தாண்டவபுரம் என்ற நூல் ஒன்றை எழுதி விட்டாராம். இதனை எதிர்த்து அத்திரி பாட்சா கொழுக்கட்டை என்பார்களே அந்த அடிப்படை யில் இந்த விழா நடை பெற உள்ளதாம்.

சபாஷ்! இப்படியல்லவா மீசையை(?) முறுக்கிக் கொண்டு கோதாவுக்குள் குதிக்க வேண்டும்?

இந்த சைவர்களின் முழு முதற் கடவுளான சிவன் தாருகாவனத்து ரிஷிகளின் பத்தினிப் பெண்களை கற்பழித்தான் என்றும், அதனால் ஆத்திரப்பட்ட ரிஷிகள் சாபமிட அதன் காரணமாக சிவனின் ஆண் குறி அறுந்து விழுந்ததாகவும், அதனை பார்வதிதேவியார் தன் குறியால் தாங்கிப் பிடித்ததாகவும், அந்த அடையாளத்தைத் தான் சிவலிங்கம் என்று உருவகப்படுத்தி, ஊர் எங்கும் கோவில் கட்டி, இந்த அருவருப்பான - ஆபாசமான உருவத்தினை விழுந்து விழுந்து பக்தர்கள் கும்பிட்டுத் தொலைக்கிறார்களே - இது எங்கள் முழு முதற் கடவுளான சிவனை இழிவுபடுத்துவதாகும் என்பதால் சிவபுராணங்களையும், லிங்க புராணங் களையும் கொளுத்தும் போராட்டத்தில் குதிக்க வேண்டாமா? (இல்லை. இது உயிர்களின் தத்துவம் என்று கில்ட்டு அடித்து வியாபாரம் செய்யப் போகிறார்களா?)

இந்தத் திருஞான சம்பந்தனின் யோக்கியதைதான் என்ன?


மண்ணகத்திலும் வானிலும் எங்குமாய்த்
திண்ணகத் திருவாலலாயருள்
பெண்ணகத்து எழில் சாக்கியர் பேயமண்
பெண்ணர் கற்பழிக்கத் திருவுள்ளமே!


என்று திருஞானசம் பந்தன் பாடியிருக்கிறானே - சமணர், பவுத்தர் வீட்டு அழகிய பெண்களைக் கற்பழிக்க அருள் புரியுமாறு மதுரையில் வீற்றிருக்கும் சிவனுக்கு விண்ணைப்பம் போட்டு அருள் வேண்டுகிறாரே - இந்த யோக்கிய சிரோன் மணியை யாரோ ஒருவர் இழிவுபடுத்திப் புத்தகம் போட்டு விட்டார் என்று புலம்புவானேன்?

எலும்பைப் பெண்ணாக்கியவர் - தேவாரப் பாட்டால் திருஞான சம்பந்தன் என்று பீற்றிக் கொள்பவர்கள், அந்தத் திருஞான சம்பந்தனுக்கு விண்ணப்பம் போடுவது தானே!

பாண்டிய மன்னனின் வெப்பு நோயை திருஞான சம்பந்தனின் திருநீறு குணமாக்கியது என்றெல்லாம் கதை அளப்பவர்கள். இந்த விடயத்தில் திருஞான சம்பந்தனுக்காக அடைப்பத்தைத் தூக்கிக் கொண்டு அலைவானேன்?! -

--------------மயிலாடன் அவர்கள் 2-3-2012 “விடுதலை” யில் எழுதிய கட்டுரை

1.3.12

சமதர்மம் - சமநீதி மலர பகுத்தறிவைப் பயன்படுத்துக!-பெரியார்



இறுதியாக தந்தை பெரியார் அவர்கள் அறிவுரையாற்றுகையில் குறிப்பிட்டதாவது:-

நமது நாட்டின் செல்வத்துக்கோ, படிப்புக்கோ மற்றபடி வளப்பத்துக்கோ குறைவேதுமில்லை. வேண்டிய அளவுக்கு மேல் உள்ளது. ஆனால், அது எங்கே போய் விட்டது என்றால் எல்லோருக்கும் கிடைக்கும்படி சரியானபடி பங்கிடப்படவே இல்லை.

இப்போதுதான் பூமி ஒருவர் இடம் 500 - 1,000 வேலி என்று குவிந்து இருந்ததை ஆளுக்கு 30 ஏக்கருக்கு மேல் இருக்கக் கூடாது என்று பிரித்தார்கள். அதுபோலவே, 10 கோடி, 20 கோடி, 50 கோடி என்று ஒரு சிலரிடம் போய் குவிந்துள்ள பணத்தையும் உச்சவரம்பு கட்டி பாக்கியை அரசாங்கம் எடுத்துக் கொண்டு எல்லா மக்களுக்கும் பயன்படும்படி செய்ய வேண்டும்.

எல்லா வளமும் இருந்தும் அது எல்லோருக்கும் கிட்டவில்லை யென்றால், எல்லா வளமும் இருந்தும் அறிவு வளம் இல்லாத குறை ஒன்றுதான் காரணமாக இருக்கின்றது. மனிதன் மற்ற மிருகங்களிடம் இல்லாத பிரத்தியேகமான அறிவான பகுத்தறிவினைப் பெற்றுள்ளான். அந்த பகுத்தறிவினை மனிதன் மற்ற காரியங்களுக்கு எல்லாம் செலவிடுகின்றான். நல்ல உணவு, நல்ல உடை, நல்ல வாழ்வு வாழப் பயன்படுத்துகின்றான். ஆனால், நாம் ஏன் கீழ்ஜாதி? அவன் என்ன மேல் ஜாதி? நாம் ஏன் ஏழை? அவன் ஏன் பணக்காரன்? என்று சிந்தித்துப் பார்க்காதவனாக ஆகிவிட்டான். இந்தத் துறையில் சுத்த முட்டாளாக ஆகிவிட்டான்.

அவன் என்ன பார்ப்பான்? அவன் ரத்தம் என்ன ரத்தம்? நமது ரத்தம் என்ன கீழா? அவன் மட்டும் ஏன் உயர்ந்தவன்? நாம் மட்டும் ஏன் இழிஜாதி? என்று சிந்தித்துப் பார்ப்பதே இல்லை. இது போலத்தான் அவன் ஏன் பணக்காரன்? நாம் ஏன் ஏழை? என்று சிந்திப்பதே இல்லை.

இவைகளுக்கு எல்லாம் காரணம் நாம் பகுத்தறிவு கொண்டு சிந்திக்காததுதான்.

1925-லேயே சமதர்மத்தைப் பற்றி பேசியவன் நான் என்று நண்பர் பழனி அவர்கள் கூறினார்கள். 1925-இல் காங்கிரசை விட்டு விலகிய பிறகு கடவுளை ஒழிக்க வேண்டும். பணக்காரனை ஒழிக்க வேண்டும். சமதர்மம் மலர வேண்டும் என்று பிரச்சாரம் செய்த நான் சமதர்மம் எப்படி ரஷ்யாவில் நடைபெறுகின்றது என்பதை நேரில் போய் பார்த்துவிட்டு வரலாமே என்று அங்கு போய் பார்த்துவிட்டு வந்தேன். சமதர்மம் எப்படி உன்னத நிலையில் அங்கு நடைபெறுகின்றது என்பதை கண்டு வந்த நான் முன்னிலும் தீவிரமாக பிரச்சாரத்தை மேற்கொண்டேன்.

சமதர்மம் வெற்றி பெற வேண்டுமானால், மக்கள் மனத்தில் குடிகொண்டு உள்ள கடவுள், மதம், சாஸ்திரம் பற்றிய முட்டாள்தனமான எண்ணங்கள் ஒழிக்கப்பட வேண்டும் என்று எடுத்துரைத்தார்.

---------------10.7.1965 அன்று முதுகுளத்தூரில் நடந்த பொதுக்கூட்டத்தில் தந்தை பெரியார் அவர்கள் ஆற்றிய அறிவுரை -விடுதலை 7.8.1965

ராஜபக்சேமீது மனித உரிமை மீறல்-இந்தியா என்ன செய்யப் போகிறது?


ஜெனிவாவில் மார்ச் 3 ஆம் வாரம் நடக்க இருக்கும் மனித உரிமைக் கவுன்சில் கூட்டத்தில், இலங்கை அதிபர் ராஜபக்சேமீது மனித உரிமை மீறல் - போர்க் குற்ற தீர்மானம் அமெரிக்காவால் கொண்டுவரப்பட உள்ளது.

இந்தத் தீர்மானத்தை எப்படியும் தோற்கடித்து தன் நெற்றியில் மனிதாபிமான பட்டையைத் தீட்டிக் கொள்ள ராஜபக்சே கடும் முயற்சியில் ஈடுபட்டுள்ளார்.

இந்தத் தீர்மானத்தை நிறைவேற்றி ராஜபக்சேவுக்குரிய தண்டனையைக் கொடுப்பதன் மூலமாகத்தான் 21 ஆம் நூற்றாண்டின் மரியாதையே அடங்கி இருக்கிறது.

தேர்தலில் முரண்பட்ட கட்சிகளையெல்லாம் கூட்டணியில் இணைத்துக்கொண்டு செயல்படுவதுபோல, அமெரிக்கா இந்தத் தீர்மானத்தைக் கொண்டு வருகிறது என்பதற்காக கம்யூனிஸ்டு நாடுகள் ராஜபக்சேவைத் தூக்கிச் சுமக்க ஆசைப்பட்டால், அதைவிட அருவருப்பான செயல் வேறு ஒன்றும் இருக்க முடியாது.

ஈழத் தமிழர்கள் படுகொலைக்கு ஆயுதங்களை வாரி வழங்கிக் கெட்ட பெயரைச் சம்பாதித்துக் கொண்ட சீனா, ருசிய நாடுகள் ஜெனிவாவில் கொண்டுவரப்பட உள்ள கண்டனத் தீர்மானத்தை எதிர்ப்பார்களேயானால், இந்நாடுகளுக்கு அவமானம் மட்டுமல்ல - கம்யூனிசம் என்னும் உயர்ந்த சித்தாந்தம், உலக மக்களின் கடுமையான விமர்சனத்தை எதிர்கொள்ள வேண்டியிருக்கும். கம்யூனிஸ்டு நாடுகளே கம்யூனிசத்தின் கோட்பாடுகளைக் காயடிக்கும் ஒரு வேலையில் இறங்கி விட்டதாகப் பொருள்படும். எச்சரிக்கை! எச்சரிக்கை!!

ஜெனிவா தீர்மானத்தில் இந்தியா இலங்கைக்கு சாதகமாக இருக்கும் என்று இலங்கை அமைச்சர் மகிந்த சமரசிங்க கூறியிருப்பது அதிர்ச்சிக்குரியது.

ஈழத் தமிழர்கள் இலட்சக்கணக்கானவர்கள் படுகொலை செய்யப்பட்டதற்கு இந்தியா துணை போய்விட்டது என்கிற அழுத்தமான குற்றச்சாற்றிலிருந்து வெளிவர முடியாமல் விழிபிதுங்கிக் கொண்டு இருக்கும் இந்தியா, ஜெனிவா தீர்மானத்தில் இலங்கை அரசுக்கு ஆதரவாக வாக்கு அளிக்குமானால், உலகத் தமிழர்கள் மத்தியில் மட்டுமல்ல, உலக நாடுகளின் மத்தியிலும் மரியாதையை இழக்க நேரிடும், எச்சரிக்கை!

கிளிநொச்சி, முல்லைத் தீவுகளில் வாழ்ந்த தமிழர்களின் எண்ணிக்கை 4 லட்சத்து 29 ஆயிரத்து 59 பேர்; இதனை அதிகாரப்பூர்வமாகத் தெரிவித்தது சிறீலங்கா அரசின் கச்சேரி (Local Govt Office) என்ற அமைப்பாகும்.

இவர்களில் 2 லட்சத்து 82 ஆயிரத்து 380 தமிழர்கள் சிறீலங்கா படையினரின் கட்டுப்பாட்டுப் பகுதிக்குள் சென்றதாக அய்.நா.வின் ஓச்சா அமைப்பின் கணிப்புகள் கூறுகின்றன. எஞ்சிய ஒரு லட்சத்து 46 ஆயிரத்து 679 தமிழர்கள் கதி என்ன?
மன்னார் ஆயர் இராயப்பு யோசப் அடிகளார், விசரா சூசை அடிகளார், சேவியர் சூலூஸ் அடிகளார் ஆகியோர் இந்த விவரங்களை அதிபர் ராஜபக்சே அமைத்த குழுவிடமே (LLRC) தெரிவித்தனரே!

படுகொலை செய்யப்பட்ட தமிழர்களின் எண்ணிக்கையை மறைப்பதன்மூலம் உலகத்தின் கண்களில் மிளகாய்ப் பொடி தூவப் பார்க்கிறது இலங்கையின் பாசிச அரசு!

விடுதலைப்புலிகளிடம் சிக்கிய மக்களை ஒருவரைக்கூட கொல்லாமல் (With Zero Civilian Casuality) அனைவரையும் மீட்கும் நடவடிக்கையை மேற்கொண்டதாக எவ்வளவு நெஞ்சழுத்தம் இருந்தால் ராஜபக்சே புளுகுவார்?

அய்.நா. அமைத்த மூவர் குழு ராஜபக்சே கூறியது பொய்! பொய்!! பொய்யைத் தவிர வேறு ஒன்றும் இல்லை என்று தள்ளுபடி செய்ததே!

இந்தோனேசிய அரசின் முன்னாள் தலைமை வழக்கறிஞர் மார்க்சுகி தாருஸ்மான் தலைமையில் அமெரிக்காவின் சட்ட வல்லுநர் ஸ்டீவன் ரெட்னர், தென்னாப்பிரிக்க அறிஞர் யாஷ்மின் சூக்கா ஆகிய இருவரின் குழு தனது ஆய்வறிக்கையை அய்.நா.வின் பான்-கீ-மூனிடம் அளித்தது. அதனை யோக்கியமான சிங்கள அரசு நிராகரிக்கிறதாம் - நண்டை நரியிடம் கொடுத்தால் என்னவாகும்?

அய்ரோப்பிய ஒன்றிய 17 நாடுகள் இலங்கையின் போர்க் குற்றங்களை முன்னிறுத்தி இலங்கை அதிபர் ராஜபக்சேமீது விசாரணை நடத்தப்படவேண்டும்; போரினால் பாதிக்கப்பட்டு வதைபடும் ஈழத் தமிழர்களின் வாழ்வுரிமைக்கான அரசியல் தீர்வு எட்டப்படவேண்டும் என்பது முக்கிய தீர்மானம் (26.5.2009).

அந்த மனிதநேய - மனித உரிமைத் தீர்மானத்தைத் தோள்தட்டி முன்னின்று தோற்கடித்ததில் முதல் பரிசு இந்தியாவுக்கே!

பன்னாட்டு நீதிமன்றத்தின்முன் ராஜபக்சே நிறுத்தப்பட வேண்டும் என்பதை வலியுறுத்தி, மாவட்டத் தலைநகரங்களில் திராவிடர் கழகம் ஆர்ப்பாட்டத்தைக் கூட நடத்தியதுண்டே! (28.4.2011)

இவ்வளவுக்குப் பிறகும் ஜெனிவா தீர்மானத்தின்மீது யார் பக்கம் நிற்பது என்பதில் மனிதநேயம், மனித உரிமை இவற்றுக்கு எதிராக இந்தியா - இலங்கையின் பக்கம் நிற்குமானால், உலகத் தமிழர்கள் மத்தியில் மட்டுமல்ல - உலக மக்கள் மத்தியில் குனிந்துவிட்ட இந்தியாவின் தலை நிமிரவே நிமிராது!

இதுகுறித்து தமிழர் தலைவர் மானமிகு கி. வீரமணி அவர்கள் தெளிவாகவே அறிக்கையின்மூலம் கேட்டுக் கொண்டதையும் (21.2.2012) மீண்டும் நினைவூட்டுகிறோம்.

-------------------------"விடுதலை” தலையங்கம் 29-2-2012